Connect with us

Hi, what are you looking for?

NEWS

‘Reviving Rural Entrepreneurship’; ഗ്രാമീണ ചെറുകിട വ്യവസായത്തിൻ്റെ പ്രാധാന്യം മനസ്സിലാക്കി വിദ്യാർത്ഥികൾ.

കോതമംഗലം : മാർ അത്തനേഷ്യസ് കോളേജിലെ എം.കോം മാർക്കറ്റിംഗ് ആൻറ് ഇൻറർനാഷണൽ ബിസിനസ്സ് വിഭാഗവും എസ് ഇ എസ് ആർ ഇ സി (Social Entrepreneurship Swachhta and Rural Engagement Cells) യുടെയും സംയുക്താഭിമുഖ്യത്തിൽ Reviving Rural Entrepreneurship’ എന്ന പരിപാടി സംഘടിപ്പിച്ചു. എം. എ. കോളേജിലെ എം.കോം എം.ഐ ബിയിലെ അധ്യാപകരും വിദ്യാർത്ഥികളും, കോളേജിൻ്റെ മെൻ്ററിങ്ങ് സ്ഥാപനങ്ങളായ മാർ ഏലിയാസ് കോളേജ് കോട്ടപ്പടി, മൗണ്ട് കാർമ്മൽ കോളേജ് കറുകടം, മാർ ബസോലിയോസ് കോളേജ് അടിമാലി എന്നിവിടങ്ങളിലെ അധ്യാപകരും, വിദ്യാർത്ഥികളും ചേർന്നാണ് അടിമാലിയിലെ ബാംബൂ ക്രാഫ്റ്റ്, സ്റ്റീൽ ആൻ്റ് മെറ്റൽ ഗ്രാമീണ ചെറുകിട വ്യവസായ യൂണിറ്റുകൾ സന്ദർശിച്ചത്.

ഗ്രാമീണ മേഖലകളിൽ ഊർജ്ജസ്വലമായ സംരംഭകത്വം കെട്ടിപ്പടുക്കുക, ഗ്രാമീണ സമ്പദ്‌വ്യവസ്ഥ പുനരാരംഭിക്കുക ,സമൂഹത്തിന് മാറ്റങ്ങൾ കൊണ്ടുവരേണ്ട പുതു തലമുറയ്ക്ക് അന്യം നിന്ന് പോയി കൊണ്ടിരിക്കുന്ന ഗ്രാമീണചെറുകിട വ്യവസായത്തിൻ്റെ പ്രധാന്യത്തെക്കുറിച്ച് വിദ്യാർത്ഥികൾക്ക് അവബോധം വളർത്തുക എന്നിവയാണ് ഈ പഠന സന്ദർശനത്തിൻ്റെ ലക്ഷ്യം. ഗ്രാമീണ ചെറുകിട വ്യവസായം ദേശീയ അന്തർദ്ദേശീയ തലത്തിലേക്ക് എങ്ങനെ ഉയർത്തി കൊണ്ടുവരാമെന്ന ആശയം എം. എ. കോളേജിലെ രണ്ടാം സെമസ്റ്റർ എം.കോം എം ഐ ബി വിദ്യാർത്ഥികളുടെ ബെസ്റ്റ് പ്രാക്ടീസായ വ്യാപാർ വിചാർ എന്ന ആശയത്തിൻ്റെ ഭാഗമായാണ് ഈ പരിപാടി സംഘടിപ്പിച്ചത്.മുള കൊണ്ടു നിർമ്മിച്ച കുട്ട കോട്ടപ്പടി മാർ ഏലിയാസ് കോളേജിലെ വിഷ്ണു കെ പ്രദീപ് എന്ന വിദ്യാർത്ഥിയുടെ ആശയപ്രകാരം നാല് കോളേജ് കൂടി ലേലം വിളിച്ചു.

മഹാത്മാ ഗാന്ധി നാഷണൽ കൗൺസിൽ ഓഫ് റൂറൽ എഡ്യൂക്കേഷൻ പ്രോഗ്രാമിന്റെ ആശയങ്ങളിൽ ഒന്നായ പരമ്പരാഗത ഗ്രാമീണ ഉത്പന്നങ്ങളെ സമൂഹത്തിന് പരിചയപ്പെടുത്തി, അവയെ ഉയർത്തി കാണിക്കുക എന്ന ആശയമാണ് ഇതിൽ ഉൾപ്പെടുത്തിയത്. യു ജി സി പരാമർശ് സ്കിമിൻ്റെ കീഴിലാണ് ഈ പരിപാടി സംഘടിപ്പിച്ചത്. എം കോം എം.ഐ ബി വിഭാഗം മേധാവി ഷാരി സദാശിവൻ, അധ്യാപകരായ അബിത എം.റ്റി, മിന്യ ജോസ്, വകുപ്പ് വിഭാഗം മേധാവി നിഷ തോമസ്, മാർ ബസേലിയോസ് കോളേജ്, അടിമാലി, അധ്യാപകരായ സിനിമോൾ പി.എസ് ,മാർ ഏലിയാസ് കോളേജ്, കോട്ടപ്പടി, അനൂപ് കുര്യൻ മൗണ്ട് കാർമൽ കോളേജ്, കറു കടം എന്നിവർ പരിപാടിയ്ക്ക് നേതൃത്വം നൽകി.

You May Also Like

NEWS

കോതമംഗലം: കോതമംഗലത്ത് സപ്ലൈകോ ഈസ്റ്റര്‍-റംസാന്‍-വിഷു ഫെയര്‍ പേരിന് മാത്രം. 13 (13/4) വരെയാണ് സപ്ലൈകോ ഈസ്റ്റര്‍-റംസാന്‍-വിഷു ഫെയര്‍ നടത്തുന്നത്.ഇത്തവണത്തെ ഫെയര്‍ വലിയ ആകര്‍ഷകമല്ലെന്നുമാത്രം.സബ്‌സിഡി സാധനങ്ങള്‍ പകുതിപോലും ലഭ്യമല്ല.പതിമൂന്ന് ഇനങ്ങളില്‍ നാലെണ്ണം മാത്രമാണ് കോതമംഗലത്തെ...

NEWS

കോതമംഗലം : ചേലാട് കള്ളാട് ഭാഗത്ത് വീട്ടമ്മ കൊല്ലപ്പെട്ട സംഭവത്തിൽ സമീപവാസിയായ ടാപ്പിങ് തൊഴിലാളിയടക്കം രണ്ടുപേർ കസ്റ്റഡിയിൽ. കള്ളാട് ചെങ്ങമനാട്ട് വീട്ടിൽ സാറാമ്മ ഏലിയാസാണ് (72) തിങ്കളാഴ്ച വീടിനുള്ളിൽ കൊല്ലപ്പെട്ടത്. കൊല നടന്ന...

NEWS

കോതമംഗലം: കോതമംഗലത്ത് പന്ത്രണ്ട് പേരെ കടിച്ച നായ്ക്ക് നായക്ക് പേ വിഷബാധയുണ്ടായിരുന്നതായി സ്ഥിരീകരിച്ചു. തിങ്കളാഴ്ച രാവിലെയാണ് നായ ഓടിനടന്ന് ആളുകളെ കടിച്ചത്. നായക്ക് പേ വിഷബാധയുണ്ടായിരുന്നതായാണ് വെറ്റിനറി കോളേജിലെ പരിശോധനയില്‍ തെളിഞ്ഞിരിക്കുന്നത്.നായയുടെ ജഢമാണ്...

NEWS

    കോതമംഗലം : ഇരിങ്ങാലക്കുട ക്രൈസ്റ്റ് കോളേജ് ഏർപ്പെടുത്തിയ ഫാ. ജോയി പീണിക്കപറമ്പിൽ പ്രഥമ ദേശീയ അവാർഡ് ഏറ്റുവാങ്ങി കോതമംഗലം മാർ അത്തനേഷ്യസ് കോളേജ്.കായിക ലോകത്ത് മിന്നിത്തിളങ്ങുന്ന കോളേജിന്റെ 2022 -23...