കോതമംഗലം: ശതാബ്ദി യിലേക്ക് പ്രവേശിക്കുന്നരാമല്ലൂർ സേക്രട്ട് ഹാർട്ട് എൽ പി സ്കൂളിൻ്റെഒരു വർഷം നീണ്ടു നിൽക്കുന്ന ആഘോഷ പരിപാടികൾക്ക് തുടക്കം കുറിച്ചു. ആഘോഷങ്ങളുടെ ഉദ്ഘാടനം ബഹുമാനപ്പെട്ട ജലവിഭവ വകുപ്പ് മന്ത്രി ശ്രീ. റോഷി അഗസ്റ്റിൻ നിർവഹിച്ചു. കുട്ടികൾ ഉന്നത വിദ്യാഭ്യാസത്തിനായി വിദേശങ്ങളിലേക്ക് പോകുന്ന അവസ്ഥയ്ക്ക് മാറ്റം വരണമെന്നും അതിനായി കൂടുതൽ അവസരങ്ങൾ കുട്ടികൾക്ക് സംലഭ്യമാക്കണമെന്നും മന്ത്രി ഉദ്ഘാടന പ്രസംഗത്തിൽ പറഞ്ഞു .കോതമംഗലം എംഎൽഎ ശ്രീ. ആന്റണി ജോൺ മുഖ്യപ്രഭാഷണം നടത്തി. പാവനാത്മ പ്രൊവിൻഷ്യൽ സുപ്പീരിയർ സിസ്റ്റർ മെറീന സിഎംസി യോഗത്തിന് അധ്യക്ഷത വഹിക്കുകയും ജൂബിലിത്തിരി തെളിയിക്കുകയും ചെയ്തു. തുടർന്ന് നൂറു ദിന കർമ്മ പദ്ധതികളുടെ ഉദ്ഘാടനം മുൻസിപ്പൽ ചെയർമാൻ ശ്രീ കെ കെ ടോമിയും കാരുണ്യ പദ്ധതിയുടെ ഉദ്ഘാടനം കത്തീഡ്രൽ വികാരി റവ.ഡോ.തോമസ് ചെറുപറമ്പിലും നിർവഹിച്ചു.
ശതാബ്ദി ലോഗോ പ്രകാശനം കോതമംഗലം മുനിസിപ്പാലിറ്റി മുൻ ചെയർമാൻ വി.വി കുര്യൻ നിർവഹിച്ചു . മുൻസിപ്പൽ വൈസ് ചെയർപേഴ്സൺ സിന്ധു ഗണേശൻ, വികസനകാര്യ സ്റ്റാൻഡിങ് കമ്മറ്റി ചെയർമാൻ കെ എ നൗഷാദ്, ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ കെ വി തോമസ്, പ്രതിപക്ഷ നേതാവ് എ ജി ജോർജ് , വാർഡ് കൗൺസിലർ സിന്ധു ജിജോ, യുവജനക്ഷേമ ബോർഡ് മെമ്പർ റോണി മാത്യു, കോതമംഗലം എ ഇ ഒ സൂപ്രണ്ട് ഷാജി ചാക്കോ, ബ്ലോക്ക് പ്രോഗ്രാം കോഡിനേറ്റർ സജീവ് കെ ബി, സെന്റ് അഗസ്റ്റിൻസ് ഗേൾസ് ഹയർ സെക്കൻഡറി സ്കൂൾ ഹെഡ്മിസ്ട്രസ് സിസ്റ്റർ റിനി മരിയ, മുൻ മുൻസിപ്പൽ വൈസ് ചെയർമാൻ പ്രിൻസ് വർക്കി, സ്കൂൾ പിടിഎ പ്രസിഡണ്ട് സിജു ലൂക്കോസ്, എം പി ടി എ പ്രസിഡണ്ട് ആശ സനിൽ എന്നിവർ ആശംസകൾ അർപ്പിച്ചു.
പൂർവ്വ വിദ്യാർത്ഥികളും അധ്യാപകരും രക്ഷിതാക്കളും അണിനിരന്ന വർണ്ണശബളമായ വിളംബര റാലി വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ജോസ് വർഗീസ് ഫ്ലാഗ് ഓഫ് ചെയ്തു. ശതാബ്ദി ജനറൽ കൺവീനർ ശ്രീ.സോണി മാത്യു സ്വാഗതവും ഹെഡ്മിസ്ട്രസ്സ് സിസ്റ്റർ അനൂജ നന്ദിയും പറഞ്ഞു.
