കോതമംഗലം: ബ്ലോക്ക് പഞ്ചായത്തും പല്ലാരിമംഗലം ഗ്രാമപഞ്ചായത്തും സംയുക്തമായി 2023 – 2024 വർഷീക പദ്ധതിയിൽ ഉൾപ്പെടുത്തി പൂർത്തീകരിച്ച പൈമറ്റം ഹോമിയോപ്പടി എസ് സി കമ്മ്യൂണിറ്റിഹാൾ റോഡിന്റെ ഉദ്ഘാടനം ബ്ലോക്ക് പഞ്ചായത്ത്‌ പ്രസിഡന്റ്‌ പിഎഎം ബഷീർ നിർവഹിച്ചു. പല്ലാരിമംഗലം ഗ്രാമ പഞ്ചായത്ത്‌ വൈസ് പ്രസിഡന്റ്‌ ഒ ഇ അബ്ബാസ്‌ അധ്യക്ഷത വഹിച്ചു.
ബ്ലോക്ക് പഞ്ചായത്ത്‌ വൈസ്പ്രസിഡന്റ്‌ ഡയന നോബി, ജില്ലാപഞ്ചായത്തംഗം റാണിക്കുട്ടി ജോർജ്, ബ്ലോക്ക് പഞ്ചായത്ത്‌ സ്റ്റാന്റിംഗ് കമ്മിറ്റി ചെയർമാൻമാരായ ജോമി തെക്കേക്കര, ജെയിംസ് കോരമ്പേൽ, അംഗങ്ങളായ നിസാമോൾ ഇസ്മയിൽ, ആനിസ് ഫ്രാൻസിസ്, ടി കെ കുഞ്ഞുമോൻ, പഞ്ചായത്തംഗങ്ങളായ സഫിയ സലിം, സീനത്ത് മൈതീൻ, റിയാസ് തുരുത്തേൽ, ആഷിദ അൻസാരി, എ എ രമണൻ, പി കെ മൊയ്‌തു, കെ എം ഷംസുദ്ധീൻ, എം ഒ സലിം, കെ എം നിസാർ, ജമാൽ കുമ്പശ്ശേരി, സലാം വെള്ളാങ്ങൽ, കെ എം അബുബക്കർ, പാത്തുമ്മ സലാം, കെ എ ഷൗക്കത്ത് എന്നിവർ പ്രസംഗിച്ചു.
