കോതമംഗലം : വിള പരിപാലന കേന്ദ്രം വഴി കര്‍ഷകര്‍ക്ക് ജൈവരീതിയിലുള്ള കൃഷി പരിപാലനങ്ങള്‍ക്ക് ശാസ്ത്രീയമായ നിര്‍ദ്ദേശങ്ങൾ നല്‍കുന്നതിനും. കര്‍ഷകരെ കൂടുതൽ കൃഷി ചെയ്യുതിന് പ്രാപ്താരാക്കി കൃഷി ചെലവ് കുറച്ച് വിളവ് ഇരട്ടിയാക്കാനും ലക്ഷ്യം മിട്ട് കീരംപാറ കൃഷിഭവനോട് ചേർന്ന് കൃഷി വകുപ്പിൻ്റെ സഹകരണത്തോടെ പ്രാഥമിക വിള ആരോഗ്യ കേന്ദ്രം അനുവദിച്ചതായി ആൻ്റണി ജോൺ എം.എൽ എ അറിയിച്ചു. കേന്ദ്രം വെള്ളിയാഴ്ച്ച നാടിന് സമർപ്പിക്കുംമെന്നും എം.എൽ എ പറഞ്ഞു.
കൃഷി ഭവനുകളെ കാലോചിതമായി പരിഷ്‌കരിക്കുതിന്റെ ഭാഗമായാണ് വിള ആരോഗ്യ കേന്ദ്രമാക്കി കൃഷിഭവനെ ഉയര്‍ത്തുന്നത്.വിളകളെ ബാധിക്കുന്ന രോഗങ്ങൾക്ക് ഏറെ പരിഹാരവുമായി കർഷകർക്ക് സഹായകമാവും കീരംപാറ ഗ്രാമപഞ്ചായത്തിൽ ആരംഭിക്കുന്ന വിള ആരോഗ്യ പരിപാലന കേന്ദ്രം. വിവിധ രോഗങ്ങൾ, മൂലകങ്ങളുടെ അപര്യാപ്തത എന്നിവ മൂലം വിളകൾക്ക് ഉണ്ടാകുന്ന ആരോഗ്യ പ്രശ്നങ്ങൾക്ക്‌ കാരണം കണ്ടെത്തി കൃത്യമായി മരുന്ന് നിർദേശിക്കാന്‍ കേന്ദ്രത്തിന് കഴിയു.
എല്ലാ ബുധനാഴ്ചകളിലുമാണ് ആരോഗ്യ കേന്ദ്രത്തിന്റെ പ്രവർത്തനം. വിളകളുടെ രോഗലക്ഷണങ്ങളുമായി എത്തുന്ന കർഷകർക്ക് ശാസ്ത്രീയമായ കാരണം കണ്ടെത്തി മരുന്നു നൽകി വിളകളെ ബാധിക്കുന്ന രോഗം മാറ്റുന്നു. ആരോഗ്യ കേന്ദ്രങ്ങളിൽ നിന്ന് സൗജന്യമായാണ് മരുന്നുകൾ നൽകുന്നത്.
കൂടാതെ മറ്റു ദിവസങ്ങളിൽ വിളകളുടെ പ്രശ്നങ്ങളുമായി സമീപിക്കുന്ന കർഷകരുടെ കൃഷിയിടങ്ങളിൽ നേരിട്ട് എത്തി പരിശോധന നടത്തി ആവശ്യമായ മാർഗ്ഗനിർദേശങ്ങളും ആരോഗ്യ കേന്ദ്രത്തിൽ നിന്ന് നൽകും. ജൈവ കീടനാശിനികൾക്ക്‌ പ്രാധാന്യം നൽകി കൊണ്ടാണ് വിളകൾക്ക് ചികിത്സ നൽകുന്നത്.
വിളകളെ ബാധിക്കുന്ന കീടങ്ങളെയും രോഗങ്ങളെയും കണ്ടെത്തുന്നതിനും, ശാസ്ത്രീയ പരിഹാര മാർഗങ്ങൾ കർഷകർക്ക് നൽകുന്നതിനുള്ള സജ്ജീകരണം സംസ്ഥാന സർക്കാർ അനുവദിച്ച 5 ലക്ഷം മുടക്കി ഇവിടെ ഒരുക്കിയിട്ടുണ്ട്. കീരംപാറ കൃഷിഭവൻ പരുധിയിലെ കൃഷിയിടത്തിലെ വിളകളുടെ ആരോഗ്യം സംരക്ഷിക്കുക എന്ന പ്രധാന ലക്ഷ്യത്തോടെയാണ് സംസ്ഥാന കാർഷിക വികസന കർഷക ക്ഷേമ വകുപ്പിന്റെ കീഴിലാണ് കീരംപാറ കൃഷിഭവനിൽ പ്രാഥമിക വിള ആരോഗ്യ കേന്ദ്രം ആരംഭിക്കുന്നത് . ഫെബ്രുവരി 16-)0 തീയതി മുതൽ കേന്ദ്രത്തിന്റെ പ്രവർത്തനം ആന്റണി ജോൺ എം എൽ എ പറഞ്ഞു.
