കോതമംഗലം: പിണ്ടിമന പഞ്ചായത്ത് ഒന്നാം വാർഡിൽ വേട്ടാമ്പാറ ഭാഗത്ത് പെരുമ്പിലത്തേത്ത് വീട്ടിൽ തങ്കപ്പൻ നായരുടെ വീടിനു മുകളിലേക്ക് കാട്ടാനക്കൂട്ടം തെങ്ങ്കുത്തി മറിച്ചിട്ടു. വീടിന്റെ ഒരു ഭാഗം തകർന്നു. ഇന്നലെ രാത്രി പതിനൊന്നു മണിയോടെയാണ് സംഭവം. കഴിഞ്ഞ ഒരാഴ്ചയിലേറെയായി രാത്രി എല്ലാ ദിവസവും ഈ പ്രദേശത്ത് ആനക്കൂട്ടത്തിന്റെ വലിയശല്യമാണ് കൃഷിയും വൃക്ഷങ്ങളുമെല്ലാം ആനക്കുട്ടം നിരന്തരം നശിപ്പിക്കുകയാണെന്ന് നാട്ടുകാർ പറഞ്ഞു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
വനാതിർത്തിയോട് ചേർന്നു കിടക്കുന്ന പിണ്ടിമന – കോട്ടപ്പടി പഞ്ചായത്തുകളിൽ ആനകളിറങ്ങി കൃഷിനാശമുണ്ടാക്കുന്നത് പതിവായിട്ടും അധികൃതർ ഫലപ്രദമായി ഇടപെടുന്നില്ലെന്നുള്ള ആക്ഷേപം ശക്തമാണ്. അധികൃതർ നടപടി സ്വീകരിയ്ക്കാത്തത്തിൽ നാട്ടുകാർ വൻ പ്രതിഷേധത്തിലാണ്. ആനക്കൂട്ടമിറങ്ങി നശിപ്പിച്ച കൃഷിഭൂമിയും വീടും ഫോറസ്റ്റ് അധികൃതരും വാർഡ് മെമ്പറും സന്ദർശിച്ചു.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login