പല്ലാരിമംഗലം : സൈക്കിൾ സവാരി ലോകത്ത് വിസ്മയം തീർത്തുകൊണ്ട് ആൾ ഇന്ത്യ സൈക്കിൾ റൈഡ് നടത്തിയ യുവാവിന് അനുമോദനം നൽകി.കാശ്മീർ മുതൽ കന്യാകുമാരി വരെ 4000 കിലോമീറ്ററുകൾ സൈക്കിൾ സവാരി നടത്തിയ കശ്മീർ സ്വദേശി മനം ഹസ്സൻ എന്ന യുവാവ് പല്ലാരിമംഗലത്ത് എത്തിയപ്പോൾ ഗ്രാമ പഞ്ചായത്ത് ഭരണസമിതിയുടെ നേതൃത്വത്തിൽ അനുമോദിച്ചു .
ഗ്രാമ പഞ്ചായത്ത് പ്രസിഡന്റ് കദീജ മുഹമ്മദ് ഉപഹാരം കൈമാറി. വൈസ് പ്രസിഡന്റ് ഒ ഇ അബ്ബാസ് അനുമോദന യോഗത്തിൽ അദ്ധ്യക്ഷത വഹിച്ചു. ഗ്രാമ പഞ്ചായത്ത് അംഗങ്ങളായ, സഫിയ സലിം, സീനത്ത് മൈതീൻ, കെ എം അബ്ദുൽകരീം, എ എ രമണൻ, കെ എം മൈതീൻ, ഷാജിമോൾ റഫീഖ്, നസിയ ഷമീർ, ഷിബി ബോബൻ, അബൂബക്കർ മാങ്കുളം, റിയാസ് തുരുത്തേൽ അഷിദ അൻസാരി, ഗ്രാമ പഞ്ചായത്ത് സെക്രട്ടറി
പി പി റെജിമോൻ, യൂത്ത് കോർഡിനേറ്റർ സ്വലാഹ് കെ കാസിം എന്നിവർ പങ്കെടുത്തു.
