പെരുമ്പാവൂർ : എൽദോസ് കുന്നപ്പിള്ളി എം.എൽ.എ മണ്ഡലത്തിൽ നടപ്പിലാക്കുന്ന പച്ചതുരുത്ത് കാർഷിക പദ്ധതിയിൽ ഉൾപ്പെടുത്തി നെൽ കൃഷിക്ക് തുടക്കം കുറിച്ചു. വെങ്ങോല പെരുമാനി പടശേഖരത്തിൽ എൽദോസ് കുന്നപ്പിള്ളി എം.എൽ.എ വിത്ത് ഇട്ട് ഉദ്‌ഘാടനം നിർവഹിച്ചു. ഒരു ഏക്കറോളം വരുന്ന ഈ പാടശേഖരം കഴിഞ്ഞ മൂന്ന് വർഷമായി തരിശായി കിടക്കുകയായിരുന്നു. കർഷക കോൺഗ്രസ് അറക്കപ്പടി മണ്ഡലം കമ്മിറ്റിയാണ് പദ്ധതി ഏറ്റെടുത്തു നടത്തുന്നത്. കർഷക കോൺഗ്രസ് അറയ്ക്കപ്പടി മണ്ഡലം പ്രസിഡന്റ് ബാബു പെരുമാനി അധ്യക്ഷത വഹിച്ചു.
പച്ചത്തുരുത്ത് ചീഫ് കോർഡിനേറ്റർ കെ.എൻ സുകുമാരൻ, എൽദോ മോസസ്, ജോജി ജേക്കബ്, ടീ.എം. കുരിയാക്കോസ്, എൻ.വി. കുരിയാക്കോസ്, വി എച്ച്. മുഹമ്മദ്, റെജി ജോൺ, ഭവാനി തമ്പി, ഇബ്രാഹിം കരീം, ഐഷ മീതിയൻ എന്നിവർ സംസാരിച്ചു.
