CHUTTUVATTOM
ഓണ കച്ചവടത്തിന് അവസരമൊരുക്കണമെന്നാവശ്യപ്പെട്ട് കോതമംഗലം മർച്ചൻ്റ്സ് നിവേദനം നൽകി.

കോതമംഗലം : ഓണവിപണി സ്വപ്നം കണ്ട് കടം വാങ്ങിയ വിൽപ്പന വസ്തുക്കൾ വിൽക്കാനാകാതെ കോതമംഗലത്തെ വ്യാപാരികൾ. ഓണ കച്ചവടത്തിന് അവസരമൊരുക്കണമെന്നാവശ്യപ്പെട്ട് കോതമംഗലം മർച്ചൻ്റ്സ് നിവേദനം നൽകി. ഓണം അടുത്തു വരുന്ന സമയത്തു വ്യാപര സ്ഥാപങ്ങളും, മാർക്കറ്റും അടച്ചിരിക്കുന്നത് വ്യാപാരികളെ ഗുരുതരമായി ബാധിച്ചിട്ടുണ്ട്. വ്യാപാര മേഖല ഇല്ലാതാകുമ്പോൾ കടയുടെ തൊഴിലാളികളും, യൂണിയൻ തൊഴിലാഴികളും, അതുമായി ബന്ധപ്പെട്ട് അനേകം പേരുടെ ജീവിതം വഴിമുട്ടുന്നു. കണ്ടെയ്ൻന്മെന്റ് സോൺ പിൻവലിച്ചില്ലങ്കിൽ വ്യാപാരി വ്യവസായി ഏകോപന സമിതി കോതമംഗലം ടൗൺ യൂണിറ്റ് ശക്തമായി സമരത്തിന് ഇറങ്ങുമെന്ന് വ്യാപാരികൾ വ്യക്തമാക്കി. ഇന്നു രാവിലെ പ്രധിഷേധ സമരത്തിന് ശേഷം ഡിഎംഒ ക്ക് കടകൾ തുറന്നു പ്രവർത്തിക്കാൻ നടപടി സ്വികരിക്കാൻ മെമ്മോറാണ്ടം നൽകി. പ്രതിഷേധ സമരത്തിന് വർക്കിംഗ് പ്രസിഡന്റ് എംബി നൗഷാദ് നേതൃത്വം നൽകി. യൂണിറ്റ് പ്രസിഡന്റ് ബേബി ആഞ്ഞിലിവേലിൽ പ്രധിഷേധ സമരം ഉത്ഘാടനം ചെയ്തു. യൂണിറ്റ് യൂത്ത് വിങ് പ്രസിഡന്റ് ഷെമീർ മുഹമ്മദ് സ്വാഗതം പറഞ്ഞു. യൂണിറ്റ് സെക്രട്ടറി മൈതീൻ ഇഞ്ചക്കുടി മുഖ്യ പ്രഭാഷണം നടത്തി. ജോയിന്റ് സെക്രട്ടറി സലിം മംഗലപ്പാറ നന്ദി രേഖപ്പെടുത്തി.
CHUTTUVATTOM
കോഴിപ്പിള്ളി സഹകരണ ബാങ്ക് ഈ വർഷത്തെ സാമൂഹിക ജീവകാരുണ്യ പ്രവർത്തനങ്ങൾക്ക് തുടക്കം കുറിച്ചു.

കോതമംഗലം : കോതമംഗലം താലൂക്കിലെ
കോഴിപ്പിള്ളി സഹകരണ ബാങ്ക് ഈ വർഷത്തെ സാമൂഹിക ജീവകാരുണ്യ പ്രവർത്തനങ്ങൾക്ക് തുടക്കം കുറിച്ചു. താലൂക്കിലെ പ്രധാന സഹകരണ സ്ഥാപനമായ കോഴിപ്പിള്ളി സഹകരണ ബാങ്ക് ഈ വർഷം നിരവധി സാമൂഹിക ജീവകാരുണ്യ പ്രവർത്തനങ്ങൾക്കായുള്ള പദ്ധതികളാണ് നടപ്പിലാക്കുന്നത്. രോഗികൾക്കുള്ള ചികിത്സാ സഹായം, സർക്കാർ സ്കൂളുകൾക്ക് ഉപകരണങ്ങളും കുട്ടികൾക്കുള്ള പഠനോപകരണങ്ങളുടെയും വിതരണം, ചെറുകിട നാമമാത്ര കർഷകർക്ക് വിവിധ സഹായങ്ങൾ, ബാങ്ക് അംഗങ്ങളുടെ കുട്ടികളിൽ ഉന്നത വിജയം നേടിയവർക്ക് അനുമോദനം എന്നിവയും ഈ വർഷത്തെ സാമൂഹിക പ്രവർത്തന പദ്ധതികളിൽ ഉൾപെടുത്തിയിട്ടുണ്ട്.
കോഴിപ്പിള്ളി സർക്കാർ എൽ പി സ്കൂളിന് പഠനോപകരണങ്ങൾ നൽകി കൊണ്ടാണ് പദ്ധതിയുടെ ഉത്ഘാടനം നടത്തിയത്. വാരപ്പെട്ടി പഞ്ചായത്ത് പ്രസിഡന്റ് ഉത്ഘാടനം നിർവ്വഹിച്ചു. സഹകരണ ബാങ്ക് പ്രസിഡണ്ട് ഹാൻസി പോൾ പഠനോപകരണങ്ങളുടെ വിരണ ഉത്ഘാടനം നടത്തി. പഞ്ചായത്ത് ആരോഗ്യ വിദ്യാഭ്യാസ കമ്മിറ്റി ചെയർമാൻ കെ.എം. സെയ്ത് അധ്യക്ഷത വഹിച്ചു.
കോതമംഗലം ബ്ലോക്ക് പഞ്ചായത്ത് അംഗം ഡയാന നോബി മുഖ്യ പ്രഭാഷണം നടത്തി. പഞ്ചായത്ത് അംഗങ്ങളായ എയ്ഞ്ചൽ മേരി ജോബി, ഷജി ബെസ്സി, പി പി കുട്ടൻ, സ്കൂൾ എച്ച് എം ഫ്രാൻസീസ് ജെ പുന്നോലിൽ, സഹകരണ ബാങ്ക് ഡയറക്ടർ റസാക്ക് കെ.എം, എൽദേസ് കെ.എം , കെ.എൻ.ജയൻ, റഹീം സി എ , സെക്രട്ടറി ഉമാദേവി കെ വി.സ്കൂൾ അദ്ധ്യാപകരായ ശ്രുതി കെ എൻ , അമ്പിളി എൻ ,
ജൻസഖാദർ, അൽഫോൻസാ സി.റ്റി.
പി റ്റി എ പ്രസിഡന്റ് എൻ.വി. ബിനോയ് തുടങ്ങിയവർ സംസാരിച്ചു. ചടങ്ങിൽ സ്കൂളിന്റെ പേരിൽ കോതമംഗലം പ്രസ് ക്ലബ് സെക്രട്ടറിയും കേരള ജേർണലിസ്റ്റ് യൂണിയൻ എറണാകുളം ജില്ലാ പ്രസിഡൻറുമായ
ലെത്തീഫ് കുഞ്ചാട്ടിനെ പഞ്ചായത്ത് പ്രസിഡന്റ് പി കെ. ചന്ദ്രശേഖരൻ നായർ ഉപഹാരം നൽകി അനുമോദിച്ചു.
CHUTTUVATTOM
എം. എ. കോളേജിൽ അദ്ധ്യാപക ഒഴിവ്

കോതമംഗലം: മാർ അത്തനേഷ്യസ് കോളേജിൽ എം. എസ് സി
ബയോ ഇൻഫോർമാറ്റിക്സ്
വിഭാഗത്തിൽ അധ്യാപക ഒഴിവുണ്ട്. താല്പര്യമുള്ള യോഗ്യരായ ഉദ്യോഗാർഥികൾ സെക്രട്ടറി, എം. എ. കോളേജ് അസോസിയേഷൻ, കോതമംഗലം കോളേജ് പി. ഒ,686666, കോതമംഗലം എന്ന വിലാസത്തിൽ ജൂൺ 3 ശനിയാഴ്ചക്കകം അപേക്ഷിക്കണമെന്ന് പ്രിൻസിപ്പൽ അറിയിച്ചു.
കൂടുതൽ വിവരങ്ങൾക്ക് 0485-2822378, 2822512
CHUTTUVATTOM
റിലയൻറ് ഫൗണ്ടേഷൻ ജില്ലയിലെ സർക്കാർ ആശുപത്രികൾക്ക് ഉപകരണങ്ങൾ നൽകുന്ന പദ്ധതിയുടെ ജില്ലാതല ഉത്ഘാടനം നടന്നു.

കോതമംഗലം: റിലയൻറ് ഫൗണ്ടേഷൻ ജില്ലയിലെ സർക്കാർ ആശുപത്രികൾക്ക് ഉപകരണങ്ങൾ നൽകുന്ന പദ്ധതിയുടെ ജില്ലാതല ഉത്ഘാടനം നടത്തി. വാരപ്പെട്ടി സർക്കാർ ആശുപത്രിക്ക് ഉപകരങ്ങൾ നൽകി കൊണ്ട് ജില്ലാ പഞ്ചായത്ത് പ്രസിഡൻറ് ഉല്ലാസ് തോമസ് ജില്ലാ തല ഉദ്ഘാടനം നിർവ്വഹിച്ചു. കോതമംഗലം ബ്ലോക്ക് പഞ്ചായത്ത് പ്രസിഡൻറ് പി. എ. എം. ബഷീർ അധ്യക്ഷത വഹിച്ചു. ആശാ വർക്കർമാർക്കുള്ള ഉപഹാരങ്ങൾ വാരപ്പെട്ടി പഞ്ചായത്ത് പ്രസിഡൻറ് പി. കെ. ചന്ദ്രശേഖരൻ നായർ വിതരണം ചെയ്തു. ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ റാണിക്കുട്ടി ജോർജ്ജ് മുഖ്യ പ്രഭാഷണം നടത്തി. പഞ്ചായത്ത് വൈസ് പ്രസിഡൻറ് ബിന്ദു ശശി, ബ്ലോക്ക് പഞ്ചായത്ത് അംഗം ഡയാന നോബി, പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.എം. സെയ്ത്, മെഡിക്കൽ ഓഫീസർ ഡോ: ബി.സുധാകർ , ഹെൽത്ത് സുപ്പർവൈസർ കെ.ആർ. സുഗുണൻ ,പി. ആർ. ഒ. സോബിൻ പോൾ, റിലയൻറ് ഫൗണ്ടേഷൻ ചെയർമാൻ ജോസ് കുട്ടി സേവ്യർ,
ജെയ്മോൻ ഐപ്പ്, സേവ്യർ ജോസ്, ലത്തീഫ് കുഞ്ചാട്ട് തുടങ്ങിയവർ സംസാരിച്ചു.
ചടങ്ങിൽ ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ, ഗ്രാമ പഞ്ചായത്ത് പ്രസിഡന്റ് പി.കെ. ചന്ദ്രശേഖരൻ നായർ , മർത്തോമ ചെറിയ പള്ളി വികാരി ഫാദർ ജോസ് പരത്തു വയലിൽ, ചെറിയ പള്ളി ട്രസ്റ്റിമാരായ ബിനോയ് മണ്ണഞ്ചേരി, അഡ്വ.സി.ഐ. ബേബി എന്നിവർക്ക് റിലയന്റ് ഫൗണ്ടേഷൻ ഉപഹാരങ്ങൾ നൽകി അനുമോദിച്ചു.
സംസ്ഥാനത്ത് സാമൂഹിക, വിദ്യാഭ്യാസ, ജീവകാരുണ്യ മേഖലയിൽ സജീവ പ്രവർത്തനം നടത്തി വരികയാണ് റിലയൻറ് ഫൗണ്ടേഷൻ. ആദിവാസി മേഖലയിലേതുൾപ്പെടെ നിർധന പിന്നോക്ക വിഭാഗങ്ങളിലെ ഉന്നത വിദ്യാഭ്യാസം നടത്തി വരുന്ന കുട്ടികൾക്ക് സ്കോളർഷിപ്പുകൾ, പഠന ഉപകരണങ്ങൾ, തദ്ദേശ സ്വയംഭരണ സ്ഥാപനങ്ങൾക്ക് മാലിന്യ നിർമ്മാർജനത്തിനായുള്ള സാമഗ്രികൾ, ആദിവാസി – പിന്നോക്ക മേഖലകളിലെ വനിതകൾക്കായി സ്വയം തൊഴിൽ പദ്ധതി, ലഹരി, മയക്കുമരുന്ന് തുടങ്ങിയവക്കെതിരെ ബോധവൽക്കരണം, നിർധനരായ രോഗികൾക്ക് ചികിത്സാ സഹായം, സർക്കാർ വിദ്യാലയങ്ങൾക്ക് വാട്ടർ പ്യുരിഫയറുകൾ, ഫർണിച്ചറുകൾ, കായിക-വിനോദ ഉപകരണങ്ങൾ തുടങ്ങിയവ നൽകുന്ന പദ്ധതികളും റിലയൻറ് ഫൗണ്ടേഷൻ നടപ്പാക്കി വരുന്നുണ്ട്.
-
ACCIDENT5 days ago
ഇരുമലപ്പടിയിൽ ഉണ്ടായ വാഹനാപകടത്തിൽ നാട്ടുകാരൻ മരണപ്പെട്ടു.
-
EDITORS CHOICE1 week ago
ഡയാനക്കിത് സ്വപ്ന സാഫല്യം: നാല്പാതം വയസിൽ ആത്മ സംതൃപ്തിയുടെ ഊർജവുമായി കാലിൽ നൃത്തചിലങ്കയണിഞ് എം. എ. കോളേജ് അദ്ധ്യാപിക
-
NEWS1 week ago
ഹയർ സെക്കന്ററി പരീക്ഷയിൽ മുഴുവൻ മാർക്കും നേടിയ കുമാരി സ്നേഹ പോളിനെ ആന്റണി ജോൺ എം എൽ എ അനുമോദിച്ചു
-
CHUTTUVATTOM1 week ago
എം. എ. കോളേജിൽ അദ്ധ്യാപക ഒഴിവ്
-
AGRICULTURE2 days ago
കാറ്റിലും മഴയിലും കോതമംഗലം മേഖലയിൽ കനത്ത കൃഷി നാശം; ഒരു കോടിക്ക് മുകളിൽ നഷ്ടം
-
NEWS7 days ago
മാർ ബസേലിയോസ് സിവിൽ സർവ്വീസ് അക്കാഡമി പ്രവർത്തനം ആരംഭിച്ചു.
-
NEWS3 days ago
ബസ് കാത്തിരിപ്പ് കേന്ദ്രം ഉടൻ പൊളിച്ച് നീക്കി യാത്രക്കാരുടെ ജീവൻ സംരക്ഷിക്കുക: എച്ച്.എം.എസ്
-
NEWS7 days ago
അദാലത്തിന്റെ കരുതൽ; ശോഭനയ്ക്ക് 25 വർഷത്തിനുശേഷം കരമടയ്ക്കാം