പെരുമ്പാവൂര്‍: അല്ലപ്രയില്‍ മോഷണം നടത്തിയ രണ്ട് ഇതര സംസ്ഥാനത്തൊഴിലാളികള്‍ പിടിയില്‍. ആസാം നൗഗാവ് സ്വദേശി മുര്‍സലീം (32), വെസ്റ്റ് ബംഗാള്‍ മൂര്‍ഷിദാബാദ് സ്വദേശി ലോഹില്‍ മണ്ഡല്‍ (20) എന്നിവരെയാണ് പെരുമ്പാവൂര്‍ പോലീസ് പിടികൂടിയത്. 13 ന് പുലര്‍ച്ചെ അല്ലപ്രാ കുറ്റിപ്പാടത്തുള്ള വര്‍ക്ക് ഷോപ്പില്‍ നിന്നും 65000 രൂപ വില വരുന്ന വെല്‍ഡിംഗ് സാമഗ്രികളും, കോപ്പര്‍ കേബിളുകളും
മോഷ്ടിക്കുകയായിരുന്നു.തുടര്‍ന്ന് നടത്തിയ ശാസ്ത്രീയ അന്വേഷണത്തിലാണ് പ്രതികള്‍ പിടിയിലായത്. നേരത്തെ മോഷണക്കേസില്‍ പ്രതിയായ മുര്‍സലീം നാല് മാസം മുമ്പാണ് ജയിലില്‍ നിന്നിറങ്ങിയത്. ഇന്‍സ്‌പെക്ടര്‍ ആര്‍ രഞ്ജിത്ത്, എസ്.ഐമാരായ വി.എം ഡോളി , ഒ.എസ്. രാധാകൃഷ്ണന്‍, എസ്.സി.പി. ഒ പി.എ അബ്ദുല്‍ മനാഫ്, സി.പി.ഒ മാരായ കെ.എ അഭിലാഷ്, ശ്രീജിത്ത് രവി, ജിഞ്ചു മത്തായി, എം.കെ നിഷാദ്
എന്നിവരാണ് അന്വേഷണ സംഘത്തില്‍ ഉണ്ടായിരുന്നത്
