Connect with us

Hi, what are you looking for?

NEWS

കോതമംഗലം മണ്ഡലത്തിൽ പുതിയ അക്ഷയ സെന്ററുകൾ: മുഖ്യമന്ത്രി പിണറായി വിജയൻ 

 

കോതമംഗലം : കോതമംഗലം മണ്ഡലത്തിൽ പുതിയ അക്ഷയ സെന്ററുകൾ തുടങ്ങുന്നതുമായി ബന്ധപ്പെട്ട് 4 ലൊക്കേഷനുകൾക്ക് ഇ – ഗവേണൻസ് സൊസൈറ്റിയിൽ നിന്നും അംഗീകാരം ലഭിച്ചതായും, 5 ലൊക്കേഷനുകളിലേക്ക് സംരംഭകത്വ തെരഞ്ഞെടുപ്പ് നടപടിക്രമങ്ങൾ പൂർത്തീകരിച്ചു വരുന്നതായും,പുതിയ 12 ലൊക്കേഷനുകൾ കണ്ടെത്തിയതായും മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു.പുതിയ അക്ഷയ സെന്ററുകൾ ആരംഭിക്കുന്നതുമായി ബന്ധപ്പെട്ട് ഇതുവരെ സ്വീകരിച്ചിട്ടുള്ള നടപടികളെ കുറിച്ച് എംഎൽഎയുടെ നിയമസഭാ ചോദ്യത്തിന് മറുപടിയായിട്ടാണ് മുഖ്യമന്ത്രി ഈ കാര്യം വ്യക്തമാക്കിയത്.ശ്രീധർമ്മശാസ്ത്ര ജംഗ്ഷൻ കവളങ്ങാട് ഗ്രാമപഞ്ചായത്ത്, മിനി സിവിൽ സ്റ്റേഷൻ കോതമംഗലം, കോതമംഗലം മുനിസിപ്പാലിറ്റി, കീരംപാറ, കീരമ്പാറ ഗ്രാമപഞ്ചായത്ത്, പ്ലാമുടി മിൽമ ജംഗ്ഷൻ, കോട്ടപ്പടി ഗ്രാമപഞ്ചായത്ത് എന്നീ 4 പുതിയ അക്ഷയ സെന്ററുകളുടെ ലൊക്കേഷനുകളാണ് മണ്ഡലത്തിൽ സർക്കാർ തലത്തിൽ അംഗീകാരം നൽകിയിട്ടുള്ളത്.

പിണ്ടിമന ഗ്രാമപഞ്ചായത്ത്- ചെങ്കര, കവളങ്ങാട് ഗ്രാമപഞ്ചായത്ത് -ഊന്നുകൽ, കവളങ്ങാട് ഗ്രാമപഞ്ചായത്ത്- നീണ്ട പാറ, നെല്ലിക്കുഴി ഗ്രാമപഞ്ചായത്ത്- ഇരുമലപ്പടി, കോതമംഗലം നഗരസഭ- കമ്മ്യൂണിറ്റി ഹാൾ, കുമ്പളത്തു മുറി എന്നീ അഞ്ചു ലൊക്കേഷനുകളിലേക്ക് സംരംഭകത്വ തെരഞ്ഞെടുപ്പ് നടപടിക്രമങ്ങൾ പൂർത്തീകരിച്ചു വരുന്നു.കോതമംഗലം മുനിസിപ്പാലിറ്റി- രാമല്ലൂർ പബ്ലിക് ലൈബ്രറി, കോതമംഗലം മുനിസിപ്പാലിറ്റി -എം എ കോളേജ് ജംഗ്ഷൻ, കോതമംഗലം മുനിസിപ്പാലിറ്റി- അമ്പലപ്പടി, പിണ്ടിമന- അയിരൂർപാടം ലൈബ്രറി ജംഗ്ഷൻ, കുട്ടമ്പുഴ- മാമലക്കണ്ടം, കവളങ്ങാട്- തലക്കോട്, കവളങ്ങാട്- ആവോലിച്ചാൽ, കോട്ടപ്പടി -പ്ലാച്ചേരി അഗ്രോ സർവീസ് സെന്റർ, വാരപ്പെട്ടി – പിടവൂർ കലാരഞ്ജിനി ജംഗ്ഷൻ, കീരംപാറ- പാലമറ്റം, കീരംപാറ- നാടുകാണി, വാരപ്പെട്ടി – ഇഞ്ചൂർ അമ്പലംപടി എന്നീങ്ങനെ പുതിയ 12 അക്ഷയ കേന്ദ്രങ്ങൾ അനുവദിക്കുന്നതിനായി ലൊക്കേഷനുകൾ കണ്ടെത്തിയിട്ടുണ്ട്.കോതമംഗലം മണ്ഡലത്തിൽ നിലവിൽ 25 ലൊക്കേഷനുകളിൽ അക്ഷയ കേന്ദ്രങ്ങൾ പ്രവർത്തിച്ചു വരുന്നതായും പുതിയ ലൊക്കേഷനുകളുമായി ബന്ധപ്പെട്ട് നടപടി ക്രമങ്ങൾ പൂർത്തീകരിച്ച് സെന്ററുകൾ ആരംഭിക്കുമെന്നും മുഖ്യമന്ത്രി നിയമസഭയിൽ അറിയിച്ചു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...