NEWS
നേര്യമംഗലം പി ഡബ്ല്യു ഡി ട്രൈനിങ്ങ് സെന്റർ ; അവശേഷിക്കുന്ന പ്രവർത്തികൾ ഉടനെ പൂർത്തീകരിക്കുവാൻ നടപടി സ്വീകരിക്കും – മന്ത്രി പി എ മുഹമ്മദ് റിയാസ് നിയമ സഭയിൽ.

കോതമംഗലം : നേര്യമംഗലം പി ഡബ്ല്യു ഡി പരിശീലന കേന്ദ്രം ; അവശേഷിക്കുന്ന പ്രവർത്തികൾ 2023 മാർച്ച് 31 ഉള്ളിൽ പൂർത്തീകരിക്കുവാൻ നടപടി സ്വീകരിക്കുമെന്ന് മന്ത്രി പി എ മുഹമ്മദ് റിയാസ് നിയമ സഭയിൽ അറിയിച്ചു.ആന്റണി ജോൺ എം എൽ എ യുടെ നിയമസഭാ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം അറിയിച്ചത്.നേര്യമംഗലത്ത് പി ഡബ്ല്യു ഡി നിർമ്മിക്കുന്ന പരിശീലന കേന്ദ്രത്തിന്റെ നിലവിലെ സ്ഥിതി സംബന്ധിച്ചായിരുന്നു എം എൽ എ യുടെ ചോദ്യം.പൂർത്തീകരിക്കാനുള്ള പ്രവർത്തികൾ വേഗത്തിൽ പൂർത്തീകരിച്ച് ആവശ്യമായ ജീവനക്കാരെ നിയോഗിച്ച് അടിയന്തരമായി ട്രെയിനിങ് സെന്റർ ആരംഭിക്കുന്നതിനു വേണ്ട നടപടി സ്വീകരിക്കണമെന്നും ട്രൈനിങ്ങ് സെന്ററുമായി ബന്ധപ്പെട്ട വിപുലമായ സൗകര്യങ്ങൾ പൊതു ജനങ്ങൾക്കും,പൊതു ആവശ്യങ്ങൾക്കും ഉൾപ്പെടെ ഉപയോഗിക്കുവാൻ കഴിയുന്ന തരത്തിൽ ട്രൈനിങ്ങ് സെന്ററിന്റെ തുടർ പ്രവർത്തനങ്ങൾ ചിട്ടപ്പെടുത്തണമെന്നും എം എൽ എ നിയമസഭയിൽ ആവശ്യപ്പെട്ടു.നേര്യമംഗലം പി ഡബ്ല്യു ഡി എൻജിനിയേഴ്സ് ട്രെയിനിങ് സെന്റർ കെട്ടിടത്തിന്റെ നിർമ്മാണം പൂർത്തീകരിച്ചിട്ടുള്ളതാണ്.
വൈദ്യുതി കണക്ഷനും അനുബന്ധ കെട്ടിടങ്ങളിൽ ഫർണിച്ചർ ലഭ്യമാക്കുന്നതിനും പമ്പുകൾ സ്ഥാപിക്കുന്നതിനും നടപടി സ്വീകരിച്ചു വരുന്നു.ട്രെയിനിങ് സെന്ററിനോട് അനുബന്ധിച്ച് റസ്റ്റ് ഹൗസ് നിർമ്മാണം പൂർത്തീകരിച്ച് ഫയർ എൻ ഓ സി യും കെട്ടിട നമ്പറും ലഭ്യമാകുന്നതിനായി അപേക്ഷ സമർപ്പിച്ചിട്ടുണ്ട്.ഫസ്റ്റ് ഫേയ്സിൽ ട്രെയിനിങ് സെന്റർ കെട്ടിടത്തിന്റെ സെല്ലാർ 1,ഗ്രൗണ്ട് ഫ്ലോർ,ഫസ്റ്റ് ഫ്ലോർ എന്നിവയുടെ നിർമ്മാണമാണ് പൂർത്തീകരിച്ചത്.സെക്കന്റ് ഫേയ്സിൽ ട്രെയിനിങ് സെന്റർ കെട്ടിടത്തിന്റെ സെക്കൻഡ് ഫ്ലോർ,കോമ്പൗണ്ട് വാൾ,ഗേറ്റ്,കെട്ടിടത്തിലേക്ക് ഉള്ള റോഡ് എന്നിവയാണ് നിർമ്മിച്ചത്.തേർഡ് ഫേയ്സിൽ ട്രൈ സെന്റർ കെട്ടിടത്തോട് അനുബന്ധിച്ചുള്ള റസ്റ്റ് ഹൗസിന്റെ സെല്ലാർ വൺ,സെല്ലാർ ടു എന്നിവയുടെ സ്ട്രക്ച്ചറൽ വർക്കും ഗ്രൗണ്ട് ഫ്ലോറിന്റെ പൂർണ്ണമായ നിർമ്മാണവുമാണ് നടത്തിയത്.ഫേസ് ത്രീ ബാലൻസ് വർക്കിൽ സെല്ലാർ വൺ,സെല്ലാർ റ്റു എന്നിവയുടെ പൂർത്തീകരണവും,ഫസ്റ്റ് ഫ്ലോർ,സെക്കന്റ് ഫ്ലോർ എന്നിവയുടെ നിർമ്മാണവുമാണ് പൂർത്തീകരിച്ചിട്ടുള്ളത്.
കോളിറ്റി കൺട്രോൾ ലാബിന്റെയും ഓഫീസിന്റെയും നിർമ്മാണം പൂർത്തീകരിച്ചിട്ടുണ്ട്.റസ്റ്റ് ഹൗസ്,ട്രെയിനിങ് സെന്റർ എന്നീ കെട്ടിടങ്ങളിലേക്ക് ആവശ്യമായ ബെഡുകളും ബെഡ്ഷീറ്റുകളും തലയിണകളും ലഭ്യമാക്കിയിട്ടുണ്ട്.ഫേസ് ത്രീ പ്രവർത്തിയുടെ ഭരണാനുമതിയിൽ ഉൾപ്പെട്ട പാർട്ട് ടി എസ് ലഭിച്ച റസ്റ്റ് ഹൗസിലേക്ക് ഫർണിച്ചർ നൽകുന്നതിനുള്ള പ്രവർത്തി പൂർത്തീകരിക്കുവാൻ ഉണ്ട്.വൈദ്യുതി കണക്ഷൻ ലഭ്യമാക്കുന്നതിനും പമ്പുകൾ സ്ഥാപിക്കുന്നതിനും ഉള്ള പ്രവർത്തികൾ ബാക്കിയുണ്ട്.വൈദ്യുതി കണക്ഷൻ ലഭിക്കുന്ന മുറയ്ക്ക് പര്യാപ്തമായ ജീവനക്കാരെ നിയമിച്ച് ട്രെയിനിങ് സെന്റർ പ്രവർത്തന സജ്ജമാക്കാൻ കഴിയുന്നതാണെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ആന്റണി ജോൺ എം എൽ എ യെ നിയമ സഭയിൽ അറിയിച്ചു.
NEWS
കോതമംഗലത്ത് രണ്ടിടങ്ങളിൽ തീ പിടുത്തം : ജാഗ്രത പുലർത്തണമെന്ന് അഗ്നി രക്ഷാ സേന

കോതമംഗലം : കോതമംഗലം ടൗണിലും സബ് സ്റ്റേഷനിലും തീപിടിത്തം, ഇന്ന് രാവിലെ കോതമംഗലം ഗവ: ആശുപത്രിക്ക് സമീപം ആളൊഴിഞ്ഞ പറമ്പിലും കോതമംഗലം സബ് സ്റ്റേഷനിലും പുല്ലിന് തീപിടിച്ചു. കോതമംഗലത്ത് നിന്നും അഗ്നി രക്ഷാ സേന എത്തി തീപൂർണ്ണമായും അണക്കുകയായിരുന്നു. അഗ്നി രക്ഷാ ജീവനക്കാരായ സജി മാത്യം, കെ.എം മുഹമ്മദ് ഷാഫി കെ.കെ.ബിനോയി , മനോജ് കുമാർ ,കെ. പി. ഷമീർ, കെ.എസ്. രാകേഷ്, ആർ.എച്ച് വൈശാഖ്, പി.ബിനു, അനുരാജ് , രാമചന്ദ്രൻ നായർ എന്നിവർ ചേർന്നാണ് തീ അണച്ചത്.
NEWS
ജനകീയാരോഗ്യവേദി മെഡിക്കല് ഉപകരണങ്ങള് നാടിന് സമര്പ്പിച്ചു.

കോതമംഗലം : നിര്ധനര്ക്കും നിരാശ്രയര്ക്കും ആശ്വാസമായി പി.ഡി.പി.ജനകീയാരോഗ്യവേദി സംസ്ഥാനത്ത് പ്രഖ്യാപിച്ചിട്ടുള്ള ആയിരം ആശ്രയ കേന്ദ്രങ്ങളുടെ ഭാഗമായി നെല്ലിക്കുഴിയില് പ്രവര്ത്തനമാരംഭിച്ചിട്ടുള്ള കേന്ദ്രത്തില് നിന്നുള്ള മെഡിക്കല് ഉപകരണങ്ങള് നാടിന് സമര്പ്പിച്ചു. പി.ഡി.പി.നിയോജകമണ്ഡലം സമ്മേളനത്തോടനുബന്ധിച്ച് നടന്ന പൊതുയോഗത്തില് ആന്റണി ജോണ് എം.എല്.എ.യാണ് മെഡിക്കല് ഉപകരണങ്ങളുടെ വിതരണോദ്ഘടാനം നിര്വഹിച്ചത്. സൗജന്യ മെഡിസിന് വിതരണം, രക്തദാനം, കിടപ്പ് രോഗികള്ക്കുള്ള സഹായ ഉപകരണങ്ങള് , ഭക്ഷ്യവസ്തുക്കള് വിതരണം തുടങ്ങിയ സേവന പ്രവര്ത്തനങ്ങളാണ് സെന്റര് വഴി നടന്നുവരുന്നത്. ചടങ്ങില് സി.എം.കോയ അദ്ധ്യക്ഷത വഹിച്ചു. വി.എം.അലിയാര് , സുബൈര് വെട്ടിയാനിക്കല് ,ലാലു ജോസ് കാച്ചപ്പിള്ളി, ജനകീയാരോഗ്യവേദി ജില്ല സെക്രട്ടറി ഫൈസല് , ടി.എച്ച്.ഇബ്രാഹീം , ഷിഹാബ് കുരുംബിനാംപാറ തുടങ്ങിയവര് സംബന്ധിച്ചു.
NEWS
മെഡിക്കൽ ക്യാമ്പ് സംഘടിപ്പിച്ചു.

കോതമംഗലം : റ്റി എം മീതിയൻ മെമ്മോറിയൽ ചാരിറ്റബിൾ സൊസൈറ്റിയുടെ ആഭിമുഖ്യത്തിൽ കോതമംഗലം മുൻ എം എൽ എ യും രാഷ്ട്രീയ സാമൂഹിക രംഗത്തെ നിറസാന്നിദ്ധ്യവുമായിരുന്ന റ്റി എം മീതിയന്റെ 22-ാമത് അനുസ്മരണത്തോട് അനുബന്ധിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു.കുറ്റിലഞ്ഞി ഗവൺമെന്റ് യു പി സ്കൂൾ അങ്കണത്തിൽ നടന്ന ക്യാമ്പിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.ചെയർമാൻ റ്റി എം ഹസ്സൻ കനി അദ്ധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ,പഞ്ചായത്ത് പ്രസിഡന്റ് പി എം മജീദ്,പഞ്ചായത്ത് മെമ്പർമാരായ നാസ്സർ സി എം, സുലൈഖ ഉമ്മർ,വിവിധ രാഷ്ട്രീയ പാർട്ടി നേതാക്കളായ സഹീർ കോട്ടപ്പറമ്പിൽ,മക്കാർ സി എ എന്നിവർ പങ്കെടുത്തു.ഡോക്ടർ ഇ ആർ വാര്യർ,ഡോക്ടർ മുംതാസ് എ,ഡോക്ടർ റിസ്വാൻ എം റഫീഖ്,ഡോക്ടർ സനൂഫ് മുഹമ്മദ് സാലി എന്നിവർ ക്യാമ്പിന് നേതൃത്വം നൽകി.
പഞ്ചായത്ത് മെമ്പർ റ്റി എം അബ്ദുൾ അസീസ് സ്വാഗതം പറഞ്ഞു. എഫ് ഐ റ്റി ചെയർമാൻ ആർ അനിൽ കുമാർ,സി പി ഐ എം ഏരിയ സെക്രട്ടറി കെ എ ജോയി,പി എം മുഹമ്മദാലി എന്നിവർ ക്യാമ്പ് സന്ദർശിച്ചു.നിരവധി പേർ ക്യാമ്പ് പ്രയോജനപ്പെടുത്തി.
-
CRIME1 week ago
പൂർവ്വവിദ്യാർഥി സംഗമം; 35 വർഷത്തിന് ശേഷം കുടുംബം ഉപേക്ഷിച്ച് ഒളിച്ചോടി കമിതാക്കൾ
-
ACCIDENT5 days ago
വാഹനാപകടത്തില് യുവാവിന് ദാരുണാന്ത്യം
-
CRIME7 days ago
കോളേജ് പ്രിൻസിപ്പൽ ചെന്നൈയിൽ പോക്സോ കേസിൽ പിടിയിൽ
-
CRIME1 week ago
പെൺകുട്ടിയെ പീഢിപ്പിച്ച കേസിൽ കുട്ടമ്പുഴ സ്വദേശിക്ക് 33 വർഷം തടവും പിഴയും
-
ACCIDENT7 days ago
പെരുമ്പിലാവിലുണ്ടായ വാഹനാപകടത്തിൽ രണ്ട് കവളങ്ങാട് സ്വദേശികൾ മരണപ്പെട്ടു.
-
NEWS6 days ago
കോതമംഗലത്തിന്റെ സ്വന്തം സാധു യാത്രയായി
-
CRIME7 days ago
വീട്ടമ്മക്ക് നേരെ ആക്രമണവും ഭർത്താവിനെ കൊലപ്പെടുത്താൻ ശ്രമവും; രണ്ട് പേർ കോതമംഗലം പോലീസ് പിടിയിൽ
-
ACCIDENT1 week ago
വാഹനാപകടത്തിൽ ഡിവൈഎഫ്ഐ പ്രവർത്തകനായ യുവാവ് മരിച്ചു