കോതമംഗലം : ഗ്രീന്‍ ഫീല്‍ഡ് ഹൈവേ പദ്ധതി രൂപ രേഖ തയ്യാറാക്കിയതിന് ശേഷം തുടര്‍ നടപടി സ്വീകരിക്കുമെന്നും ദേശീയ പാത അതോറിറ്റി അറിയിച്ചതായി മന്ത്രി മുഹമ്മദ് റിയാസ് നിയമ സഭയില്‍. എം സി റോഡിന് സമാന്തരമായി നിര്‍മ്മിക്കുന്ന ഗ്രീന്‍ ഫീല്‍ഡ് ഹൈവേയുടെ നിലവിലെ സ്ഥിതിയെ സംബന്ധിച്ചും തുടര്‍ പ്രവര്‍ത്തനങ്ങള്‍ വേഗത്തില്‍ ആകണമെന്നും ആന്റണി ജോണ്‍ എം എല്‍ എ നിയമസഭയില്‍ ആവശ്യപ്പെട്ടു .എം സി റോഡിന് സാമാന്തരമായി നിര്‍മ്മിക്കുവാന്‍ ഉദ്ദേശിക്കുന്ന ഗ്രീന്‍ ഫീല്‍ഡ് ഹൈ വേയുടെ വിശദമായ പദ്ധതി രേഖ തയ്യാറാക്കുന്ന പ്രവര്‍ത്തി പുരോഗിക്കുകയാണെന്നും വിശദമായ ഡി പി ആര്‍ തയ്യാറാകുന്ന മുറയ്ക്ക് തുടര്‍നടപടികള്‍ സ്വീകരിക്കുന്നതാണെന്നും ദേശീയ പാത അതോറിറ്റി അറിയിച്ചതായി മന്ത്രി മുഹമ്മദ് റിയാസ് നിയമസഭയില്‍ അറിയിച്ചു.
