Connect with us

Hi, what are you looking for?

NEWS

ശ്രീലങ്കയിലെ യൂണിവേഴ്സിറ്റികളുമായി സഹകരിക്കാൻ എം.എ  കോളേജ്

കോതമംഗലം : മാർ അത്തനേഷ്യസ് (ഓട്ടോണോമസ് )കോളേജും, എം. എ. എഞ്ചിനീയറിംഗ് കോളേജും ശ്രീലങ്കയിലെ ഉന്നത വിദ്യാഭ്യാസസ്ഥാപനങ്ങളുമായി സഹകരിക്കാനുള്ള പ്രവർത്തനങ്ങൾ ആരംഭിച്ചു. ഇതുവഴി വിഞ്ജാനം, ഗവേഷണം, പാഠ്യപദ്ധതി പരിഷ്‌ക്കരണം തുടങ്ങിയ മേഖലകളിൽ അന്തർദ്ദേശീയ സാദ്ധ്യതകൾ അക്കാദമികരംഗത്ത് പരസ്പരം പ്രയോജനപ്പെടുത്താനാണ് ശ്രമം.
ശ്രീലങ്ക നാഷണൽ സ്കൂൾ ഓഫ് ബിസിനസ്‌ മാനേജ്മെന്റ് ഗ്രീൻ യൂണിവേഴ്സിറ്റി വൈസ് ചാൻസലർ പ്രൊഫ. ഇ.എ. വീരസിംഗം, കൊളംബോ യൂണിവേഴ്സിറ്റി വൈസ് ചാൻസലർ പ്രൊഫ. എച്ച്. ഡി. കരുണരത്നെ, ശ്രീലങ്കൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി പ്രതിനിധികൾ, ഈസ്റ്റേൺ യൂണിവേഴ്സിറ്റി വൈസ് ചാൻസലർ പ്രൊഫ. വി. കനകസിംഗം, ശ്രീലങ്കൻ ഉന്നത വിദ്യാഭ്യാസ വകുപ്പ് അഡീഷണൽ സെക്രട്ടറി രോഹിതാ ഉദ്‌വവാല, ഇന്ത്യൻ ഹൈക്കമ്മീഷൻ ഫസ്റ്റ് സെക്രട്ടറി എൽദോസ് മാത്യു പുന്നൂസ് എന്നിവരുമായി എം എ കോളേജ് അസോസിയേഷൻ സെക്രട്ടറി ഡോ. വിന്നി വർഗീസിന്റെ നേതൃത്വത്തിലുള്ള സംഘം പ്രാഥമിക ചർച്ചകൾ നടത്തി.
തുടർന്ന് ശ്രീലങ്ക നാഷണൽ സ്കൂൾ ഓഫ് ബിസിനസ്‌ മാനേജ്മെന്റ് (NSBM) ഗ്രീൻ യൂണിവേഴ്സിറ്റിയുമായി എം. എ. കോളേജും, എം. എ. എഞ്ചിനീയറിംഗ് കോളേജും ധാരണാപത്രം ഒപ്പുവച്ചു. കഴിഞ്ഞ ദിവസം എൻ എസ് ബി എം ഗ്രീൻ യൂണിവേഴ്സിറ്റിയിൽ വച്ചായിരുന്നു ഇരുസ്ഥാപനങ്ങളുടേയും പ്രതിനിധികൾ ധാരണാപത്രം ഒപ്പുവച്ചത്. എൻ. എസ്. ബി. എം ഗ്രീൻ യൂണിവേഴ്സിറ്റിയെ പ്രതിനിധീകരിച്ച് വൈസ് ചാൻസ്‌ലർ പ്രൊഫ. ഇ. എ. വീരസിംഗം, ഡെപ്യൂട്ടി വൈസ് ചാൻസ്‌ലർ പ്രൊഫ. ചാമിൻ രനായകെ, പ്രൊഫ. ഭരത് ഡോദൻ കൊതുവ എന്നിവരും ഫാക്കൽറ്റി ഡീൻമാരും മുതിർന്ന അദ്ധ്യാപകരും ധാരണാപത്രം ഒപ്പുവയ്ക്കുന്ന ചടങ്ങിൽ പങ്കെടുത്തു. കോതമംഗലം മാർ അത്തനേഷ്യസ് അസോസിയേഷനെ പ്രതിനിധീകരിച്ച് കോളേജ് അസോസ്സിയേഷൻ സെക്രട്ടറി ഡോ. വിന്നി വറുഗീസ്, എം. എ. എഞ്ചിനീയറിംഗ് കോളേജ് പ്രിൻസിപ്പൽ ഡോ. ബോസ് മാത്യു ജോസ്, എം. എ.കോളേജ് വൈസ് പ്രിൻസിപ്പൽ ഡോ. എബി പി. വർഗ്ഗീസ്, ഡോ. രാജേഷ് കെ. തുമ്പക്കര, ഡോ. ശാലിനി ബിനു, ഡോ. കുര്യൻ ജോൺ, ഡോ. എൽസൺ ജോൺ, ഇന്റർനാഷണൽ റിലേഷൻസ് ഓഫീസർ ദിവ്യ എസ്. പി. എന്നിവരും ധാരണാപത്രം ഒപ്പുവയ്ക്കുന്ന ചടങ്ങിൽ പങ്കെടുത്തു.

You May Also Like

NEWS

കോട്ടപ്പടി: മുട്ടത്തുപാറ പ്ലാച്ചേരിയിൽ കിണറിൽവീണ കാട്ടാനയെ രക്ഷപ്പെടുത്തിയ സംഭവത്തിൽ വനംവകുപ്പ് ഉദ്യോഗസ്ഥർക്ക് വീഴ്ചയുണ്ടായിട്ടില്ലെന്ന് മന്ത്രി എ.കെ.ശശീന്ദ്രൻ പറഞ്ഞു.കോടതി വിധി നിലനിൽക്കുന്നതിനാലാണ് ആനയെ മയക്കുവെടിവച്ച് പുനരധിവാസ കേന്ദ്രത്തിലേക്ക് മാറ്റാൻ കഴിയാതിരുന്നത്.കാട്ടാന വീണ്ടും ജനവാസമേഖലകളിലേക്ക് ഇറങ്ങുന്ന...

NEWS

കോതമംഗലം: പിണ്ടിമന ഗ്രാമപഞ്ചായത്തിന്റെയും കോതമംഗലം ഫയർ ഫോഴ്സിസിന്റെയും ജില്ലാ സ്പോർട്സ് കൗൺസിലിന്റെയും സംയുക്താഭിമുഖ്യത്തിൽ സൗജന്യനീന്തൽ പരിശീലനം ആരംഭിച്ചു. രാവിലെ 9 മുതൽ 11വരെ കരിങ്ങഴ തോട്ടിലാണ് പരിശീലനം. എസ്.ടി.ഒ പി.കെ. എൽദോസ്, എ.എസ്.ടി.ഒ...

NEWS

കോതമംഗലം : അരവിന്ദ് കെജിരിവാളടക്കമുള്ള മുഖ്യ മന്ത്രിമാരെ പോലും കള്ള കേസിൽ കുടുക്കി ജയിലിട്ട മോദി സർക്കാർ പിണറായി വിജയന്റെ കൊള്ളകൾ കണ്ടില്ല എന്ന് നടിക്കുന്നത് സിപിഎമ്മും ബിജെപിയും തമ്മിലുള്ള അന്തർധാര മൂലമാണെന്ന്...

NEWS

കോതമംഗലം: കോട്ടപ്പടി കുളങ്ങാട്ടുകുഴിയില്‍ ജനവാസമേഖലയിൽ കാട്ടാനക്കൂട്ടമിറങ്ങി കൃഷി നാശം വരുത്തി. കുളങ്ങാട്ടുകുഴിയില്‍ സെന്റ് ജോര്‍ജ് യാക്കോബായ പള്ളിക്ക് സമീപത്താണ് ആനക്കൂട്ടം കാടുവിട്ട് പുറത്തിറങ്ങി നാശം വിതച്ചത്.വിവിധ കൃഷിയിടങ്ങളില്‍ കാര്‍ഷീകവിളകള്‍ നശിപ്പിച്ചു.കൊറ്റാലില്‍ തങ്കച്ചന്റെ പറമ്പില്‍...