Connect with us

Hi, what are you looking for?

NEWS

എം.എ.കോളേജിൽ എൻ ഇ പി ദേശീയ സെമിനാർ ആരംഭിച്ചു

കോതമംഗലം: മാർ അത്തനേഷ്യസ്(ഓട്ടോണോമസ് )കോളേജിൽ എൻഇപി ദേശീയ സെമിനാർ മഹാത്മാഗാന്ധി സർവ്വകലാശാല വൈസ് ചാൻസലർ ഡോ. സി.ടി.അരവിന്ദകുമാർ ഉദ്ഘാടനം ചെയ്തു. ‘ഉന്നതവിദ്യാഭ്യാസത്തിന്റെ പുനഃക്രമീകരണം: എൻ ഇ പി നടപ്പിലാക്കുന്നതിനുള്ള മാർഗ്ഗങ്ങളും പുതുമകളും ‘ എന്നതാണ് സെമിനാറിന്റെ വിഷയം. കോളേജ് സ്റ്റുഡൻസ് സെന്ററിൽ ചേർന്ന ഉദ്ഘാടനയോഗത്തിന് പ്രിൻസിപ്പൽ ഡോ. മഞ്ജു കുര്യൻ അധ്യക്ഷത വഹിച്ചു. മുഖ്യപ്രഭാഷക ഡോ. ഷക്കീല ഷംസു ,മാർ അത്തനേഷ്യസ് കോളേജ് IQAC കോർഡിനേറ്റർ ഡോ. ബിനു വർഗീസ്, സെമിനാർ കോർഡിനേറ്റർ ശരത് ജി.നായർ എന്നിവർ പ്രസംഗിച്ചു. പുതിയ കാലത്തിന്റെ ആവശ്യങ്ങൾക്കനുസരിച്ച് വിദ്യാഭ്യാസ രംഗത്ത് നിലവിലുള്ള സാഹചര്യങ്ങൾ മാത്രമല്ല മനോഭാവവും മാറേണ്ടതുണ്ടെന്ന് വൈസ് ചാൻസലർ ഡോ. സി.ടി.അരവിന്ദകുമാർ അഭിപ്രായപ്പെട്ടു. ട്വിന്നിംഗ്,ഡ്യുവൽ ഡിഗ്രി പ്രോഗാമുകൾക്ക് വിദേശസർവ്വകലാശാലകളുമായി സഹകരിച്ച് മുന്നേറുന്നതിന്റെ സാധ്യതകൾ അദ്ദേഹം ചൂണ്ടിക്കാട്ടി. ബിരുദതലത്തിൽ വരുന്ന മാറ്റങ്ങൾ പടിപടിയായി തുടർന്നുള്ള ഗവേഷണോന്മുഖ തുടർ പഠനസമ്പ്രദായങ്ങളിലും പ്രതിഫലിക്കുമെന്നതിനാൽ മാറ്റത്തെ ഉൾക്കൊള്ളാൻ അദ്ദേഹം ആഹ്വാനം ചെയ്തു. തുടർന്ന് ദേശീയ വിദ്യാഭ്യാസനയത്തിന്റെ പരിപ്രേക്ഷ്യത്തിൽ ഉന്നതവിദ്യാഭ്യാസത്തിലെ മാറ്റങ്ങൾ എന്ന വിഷയം ഡോ. ഷക്കീല ഷംസു അവതരിപ്പിച്ചു. ആഗോള തലത്തിൽ സുസ്ഥിര വികസന ലക്ഷ്യങ്ങൾ നിറവേറ്റാൻ കഴിയുന്നില്ലെങ്കിൽ ഇപ്പോഴത്തെ വിദ്യാഭ്യാസ സമ്പ്രദായം കാലഹരണപ്പെടുമെന്നതിനാലാണ് പുതിയ ദേശീയ വിദ്യാഭ്യാസനയം പ്രായോഗികമാക്കുന്നതെന്നും സാങ്കേതിക മികവിൽ മുന്നേറുന്ന പുതിയ ലോകത്ത് ഏറ്റവും കൂടുതൽ മാനവവിഭവ ശേഷിയുള്ള വലിയ ജനാധിപത്യ രാജ്യമായ ഇന്ത്യയ്ക്ക് ഗണ്യമായ സംഭാവനകൾ നൽകാൻ കഴിയുമെന്നും ഡോ. ഷക്കീല ഷംസു അഭിപ്രായപ്പെട്ടു. ഇന്റർ ഡിസിപ്ലിനറി, മൾട്ടി ഡിസിപ്ലിനറി, ട്രാൻസ് ഡിസിപ്ലിനറി സങ്കല്പനങ്ങൾ, ഇൻസ്റ്റിറ്റ്യൂഷനൽ ഡവലപ്മെന്റ് പ്ലാൻ എന്നിവയെക്കുറിച്ച് വിശദമാക്കിക്കൊണ്ട് അധ്യാപകർ തങ്ങൾ പരിശീലിപ്പിക്കപ്പെട്ട പാതയിൽനിന്നും പുതിയ കാലത്തിന്റെ ആവശ്യങ്ങൾ തിരിച്ചറിഞ്ഞ് അധ്യാപന രീതിയിലും പാഠ്യപദ്ധതിയിലും മാറ്റം വരുത്തി പഠിതാവിന്റെ മൗലികമായ കഴിവുകളെ ശക്തിപ്പെടുത്തുന്ന തരത്തിൽ വൈവിധ്യപൂർണവും സമഗ്രവുമായ പഠനസംവിധാനം സ്വീകരിക്കേണ്ടതിന്റെ അനിവാര്യത ഡോ. ഷക്കീല ഷംസു ബോധ്യപ്പെടുത്തി.
ഉന്നതവിദ്യാഭ്യാസത്തിലെ മാറ്റങ്ങളുടെ പശ്ചാത്തലത്തിൽ യു ജി പാഠ്യപദ്ധതി നവീകരണം എന്ന വിഷയത്തിൽ ഡോ. ഷെഫീക് വി. (റിസർച്ച് ഓഫീസർ ഓൺ സ്പെഷ്യൽ ഡ്യൂട്ടി , കേരള സ്റ്റേറ്റ് ഹയർ എഡ്യുക്കേഷൻ റിഫോംസ് ഇംപ്ലിമെന്റേഷൻ സെൽ ) കേരളത്തിൽ NEP നടപ്പാക്കുന്നതിന് സർക്കാർ തലത്തിൽ സ്വീകരിച്ച നയപരിപാടികൾ വിശദമാക്കി. സെപ്റ്റംബറിൽ കേരളത്തിലെ എല്ലാ സർവ്വകലാശാലകളും 4 വർഷ ബിരുദപ്രോഗ്രാമിന്റെ പാഠ്യപദ്ധതിയും റെഗുലേഷനും പുറത്തിറക്കുമെന്ന് അഭിപ്രായപ്പെട്ടു. മികച്ച പഠനം ഉറപ്പാക്കുന്നതിന് കോഴ്സുകൾ തെരഞ്ഞെടുക്കുമ്പോൾ നിശ്ചിത ക്രെഡിറ്റ് നേടാൻ വിദ്യാർത്ഥികൾക്ക് ഏത് സർവ്വകലാശാലയിലെയും സ്ഥാപനങ്ങളെയും ആശ്രയിക്കാവുന്ന വിധത്തിൽ സ്വാതന്ത്ര്യം നൽകുന്നതും സമാന്തര ഓൺലൈൻ പഠന സൗകര്യങ്ങൾ പ്രയോജനപ്പെടുത്തുന്നതുമായ നൂതന സംവിധാനത്തിലേക്ക് കേരളം മാറുമ്പോൾ അക്കാദമിക തലത്തിൽ പരിശീലന പരിപാടികൾ സർക്കാർ ആസൂത്രണം ചെയ്യുന്നതായും അദ്ദേഹം അറിയിച്ചു.
മാർ അത്തനേഷ്യസ് കോളേജ്, നാകിന്റെയും , റൂസയുടെയും സഹകരണത്തോടെയാണ് കോളേജ് അധ്യാപകർക്കായി ദ്വിദിന സെമിനാർ സംഘടിപ്പിക്കുന്നത്.വിവിധ കോളേജുകളിലെ അധ്യാപകർ സെമിനാറിൽ പങ്കെടുത്തു.
ഇന്ന് ആഗസ്റ്റ് 19 ന് ബിരുദപാഠ്യപദ്ധതി ചട്ടക്കൂടിലെ നൂതനതകൾ ;OBE അനുസൃത കോഴ്സ് ഡിസൈനിംഗ്,ഉന്നതവിദ്യാഭ്യാസത്തിലെ പരിഷ്കാരങ്ങൾ – ജനകീയ ബദൽ ,  ഓറിയെന്റേഷൻ പ്രോഗാം എന്നീ വിഷയങ്ങളിലാണ് യഥാക്രമം ഡോ. മനുലാൽ പി.റാം., ഡോ. സുധീന്ദ്രൻ കെ.,ഡോ. ഉത്തര സോമൻ എന്നിവരുടെ പ്രബന്ധാവതരണങ്ങൾ നടക്കുക.

You May Also Like

NEWS

കോതമംഗലം : കോതമംഗലം താലൂക്ക് യൂണിയൻ അഖില കേരള വിശ്വകർമ്മ സഭയുടെ നേതൃത്വത്തിൽ ഋഷി പഞ്ചമി ദിനാഘോഷവും ശോഭയാത്രയും കുടുംബ സംഗമവും സംഘടിപ്പിച്ചു. സമ്മേളനം ആൻ്റണി ജോൺ എം എൽ എ ഉദ്ഘാടനം...

CRIME

കോതമംഗലം: ഊന്നുകല്ലില്‍ വേങ്ങൂര്‍ കുന്നത്തുതാഴെ ശാന്തയെ (61) കൊലപ്പെടുത്തി മാന്‍ഹോളില്‍ ഒളിപ്പിച്ച സംഭവത്തിലെ പ്രതി അടിമാലി പാലക്കാട്ടേല്‍ രാജേഷ് അറസ്റ്റിലായി. ഒരാഴ്ചയോളമായി ഒളിവിലായിരുന്ന പ്രതിയെ ഇന്നലെ എറണാകുളം മറൈന്‍ഡ്രൈവില്‍ നിന്നാണ് അറസ്റ്റുചെയ്തത്. പോലീസിന്റെ...

NEWS

കോതമംഗലം:ലയണ്‍സ് ക്ലബ്ബ് ഇന്‍റര്‍നാഷണലിൽ 55 വര്‍ഷം പ്രവര്‍ത്തിച്ചതിനുള്ള  മൈല്‍സ്റ്റോണ്‍ ഷെവറോണ്‍ അവാര്‍ഡിന് മുന്‍ മന്ത്രി ടി.യു. കുരുവിള അര്‍ഹനായി.ലയണ്‍സ് ഡിസ്ട്രിക്റ്റ് ഗവര്‍ണ്ണര്‍ കെ.ബി. ഷൈന്‍കുമാർ അവാര്‍ഡ് സമ്മാനിച്ചു. വി.എസ്. ജയേഷ്, കെ.പി. പീറ്റര്‍,...

NEWS

കോതമംഗലം :യു ഡി എഫ് പിണ്ടിമന മണ്ഡലം കമ്മിറ്റിയുടെ നേതൃത്വത്തിൽ രാഷ്ട്രീയ വിശിദീകരണ യോഗം നടത്തി മണ്ഡലം പ്രസിഡന്റ്‌ മത്തായി കോട്ടക്കുന്നേൽ അധ്യക്ഷത വഹിച്ച യോഗം യുഡിഫ് കൺവീനർ MS എൽദോസ് ഉദ്ഘാടനം...

NEWS

കോതമംഗലം : വടാട്ടുപാറ പൊയ്ക ഗവ ഹൈസ്കൂളിൽ വർണ്ണ കൂടാരം പദ്ധതിയും ഓപ്പൺ ജിം നിർമ്മാണോദ്ഘാടനവും നടന്നു. ഉദ്ഘാടനം ആന്റണി ജോൺ എം എൽ എ നിർവഹിച്ചു. സ്കൂൾ ഓഡിറ്റോറിയത്തിൽ സംഘടിപ്പിച്ച ചടങ്ങിൽ...

NEWS

പല്ലാരിമംഗലം: സംസ്ഥാന കൃഷിവകുപ്പിന്റെ ആത്മ പദ്ധതിപ്രകാരം പല്ലാരിമംഗലം ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ കൂൺകൃഷി ചെയ്യാൻ താല്പര്യമുള്ള കർഷകരെ കണ്ടെത്തി പരിശീലനം നൽകി. കൃഷിഭവൻ ഹാളിൽനടന്ന പരിശീലന പരിപാടി പഞ്ചായത്ത് വൈസ്പ്രസിഡന്റ് ഒ ഇ...

CRIME

കോതമംഗലം : ഊന്നുകൽ കൊലപാതകക്കേസിൽ പ്രതിസ്ഥാനത്തുള്ള അടിമാലി സ്വദേശിയെ കണ്ടെത്താനായില്ല. വേങ്ങൂർ സ്വദേശിനി ശാന്ത(61)യെ കൊലപ്പെടുത്തി ആഭരണവുമായി കടന്നുകളഞ്ഞ പ്രതിയെന്ന് സംശയിക്കുന്ന രാജേഷിനായി തിരച്ചിൽ അഞ്ച് ദിവസം പിന്നിട്ടു. പ്രതിയെക്കുറിച്ച് യാതൊരു സൂചനയും...

NEWS

വാരപ്പെട്ടി: പഞ്ചായത്തിലെ സർക്കാർ സ്കൂളുകൾക്ക് ഫർണിച്ചറുകൾ വിതരണം ചെയ്തു. വാരപ്പെട്ടി പഞ്ചായത്ത് വാർഷിക പദ്ധതിയിൽ പെടുത്തിയാണ് കോഴിപ്പിള്ളി, വാരപ്പെട്ടി ഇളങ്ങവം സർക്കാർ സ്കൂളുകൾക്കാണ് ക്ലാസ് മുറികളിലേക്കും ഓഫീസ് കൾക്കു മുള്ള ഫർണിച്ചറുകൾ വിതരണം...

NEWS

കോതമംഗലം : നിർദ്ധനരെ ചേർത്തുപിടിക്കാനും ആവശ്യഘട്ടങ്ങളിൽ സഹായമെത്തിക്കാനും ഓരോ കമ്യൂണിസ്റ്റുകാരനും മുന്നോട്ട് വരണമെന്നത് കാലഘട്ടത്തിൻ്റ ആവശ്യമായി കാണണമെന്ന് മുൻ എം എൽ എ എൽദോ എബ്രഹാം ആഹ്വാനം ചെയ്തു. സി പി ഐ...

NEWS

കോതമംഗലം: നെല്ലിക്കുഴിയിൽ ഭിന്നശേഷി കലോത്സവം സംഘടിപ്പിച്ചു. പഞ്ചായത്തിന്റെ നേതൃത്വത്തിൽ ചിറപ്പടി കമ്മ്യൂണിറ്റി ഹാളിൽ നടന്ന കലോത്സവം ആന്റണി ജോൺ എംഎൽഎ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് പി എം മജീദ് അധ്യക്ഷത വഹിച്ചു.ചടങ്ങിൽ...

NEWS

കോതമംഗലം: അങ്കമാലി- കാലടി കുററിലക്കര കേന്ദ്രമായി പ്രവർത്തിക്കുന്ന മധ്യ കേരളത്തിൽ ക്ഷീര കർഷക മേഖലയിലെ ഏറ്റവും വലിയ പ്രസ്ഥാനമായ പി.ഡി.ഡി.പി ഡയറിയുടെ ബോർഡ് സെക്രട്ടറിയായി കോതമംഗലം താലൂക്കിലെ പല്ലാരിമംഗലം സ്വദേശിയായ കെ.ജെ. ബോബനെതിരഞ്ഞെടുത്തു....

NEWS

കോതമംഗലം : കോതമംഗലം സെന്റ് അഗസ്റ്റിൻ ഗേൾസ് ഹയർ സെക്കൻഡറി സ്കൂളിൽ ഓണാഘോഷം സംഘടിപ്പിച്ചു. ഓണാഘോഷം ആന്റണി ജോൺ എം എൽ എ ഉദ്ഘാടനം ചെയ്തു. ലോക്കൽ മാനേജർ റവ സിസ്റ്റർ പോൾസി...

error: Content is protected !!