CHUTTUVATTOM

ജനപ്രതിനിധികളുടെ എണ്ണം നോക്കിയല്ല ആശയത്തിലെ സത്യസന്ധത നോക്കിയാണ് രാജ്യത്ത് സോഷ്യലിസ്റ്റ് പ്രസ്ഥാനങ്ങളിലേക്ക് ജനങ്ങൾ ആകൃഷ്ടരാവുന്നത്: സലിം മടവൂർ

Published

2 years ago

July 2, 2020

kothamangalamnews.com

കോതമംഗലം: മറ്റേതൊരു രാഷ്ട്രീയ പ്രസ്ഥാനങ്ങളേക്കാളും രാജ്യത്ത് പൊതു സമൂഹത്തിൽ സോഷ്യലിസ്റ്റ് പ്രസ്ഥാനങ്ങൾക്ക് ജനങ്ങൾക്കിടയിൽ സ്വീകാര്യതയും പ്രസക്തിയും വർദ്ധിച്ചിട്ടുള്ളത് ജനപ്രതിനിധികളുടെ എണ്ണം നോക്കിയിട്ടില്ല. മറിച്ച് ആശയത്തിലെ സത്യസന്ധതയും സ്വീകാര്യതയുമാണെന്ന് ലോക് താന്ത്രിക് യുവജനതാദൾ അഖിലേന്ത്യാ പ്രസിഡന്റ് സഖാവ് സലിം മടവൂർ പറഞ്ഞു. കോൺഗ്രസ്സിനും ബി.ജെ.പി.ക്കും ബദലായി രാജ്യം ഭരിച്ച ഒരേ ഒരു പ്രസ്ഥാനവും ജനതാദൾ ആണ്. ജനതാദൾ നേതാവും മുൻ പ്രധാനമന്ത്രിയുമായിരുന്ന വി.പി.സിംഗ് മണ്ഡൽ കമ്മീഷൻ റിപ്പോർട്ട് നടപ്പിലാക്കിയത് സോഷ്യലിസ്റ്റ് പാർട്ടിയുടെ ചങ്കൂറ്റത്തിന്റെ തെളിവാണ്.

പ്ലാച്ചിമട കോക്കോ കോള സമരം നയിച്ചത് ഞങ്ങളുടെ പ്രിയ നേതാവ് അന്തരിച്ച എം.പി.വീരേന്ദ്രകുമാറാണ്. മാത്രമല്ല ഈ സമരത്തിന് ഊർജ്ജം പകർന്നത് ജനതാദൾ യുവജനപ്രസ്ഥാനമാണ്. രാജ്യത്ത് പൊതുസമൂഹത്തിനും യുവാക്കൾക്കും ഗുണകരമാകുന്ന വിഷയങ്ങളിൽ ലോക് താന്ത്രിക് യുവജനതാദൾ ക്രിയാത്മകമായി ഇടപെടുന്നു എന്നുള്ളത് തന്നെയാണ് കോതമംഗലമുൾപ്പെടെ രാജ്യത്തെ ഒട്ടുമിക്ക കോണുകളിൽ നിന്നും യുവാക്കൾ മറ്റ് പ്രസ്ഥാനങ്ങൾ വിട്ട് ഈ പ്രസ്ഥാനത്തിനു കീഴിൽ അണിനിരക്കുന്നതിന്റെ തെളിവാണെന്നും സലിം മടവൂർ പറഞ്ഞു. ലോക് താന്ത്രിക് യുവജനതാദൾ (എൽ.വൈ.ജെ.ഡി ) കോതമംഗലം നിയോജകമണ്ഡലം നേതൃയോഗം നെല്ലിമറ്റത്ത് ഓൺലൈനിലൂടെ ഉദ്ഘാടനം ചെയ്ത് സംസാരിക്കുകയായിരുന്നു സലിം മടവൂർ.

നിയോജകമണ്ഡലം കൺവീനർ ദിലീപ് പയ്യാരപിള്ളി അദ്ധ്യക്ഷനായി. ലോക് താന്ത്രിക് ജനതാദൾ (എൽ.ജെ.ഡി ) സംസ്ഥാന സമിതിയംഗം മനോജ് ഗോപി മുഖ്യ പ്രസംഗം നടത്തി.പാർട്ടി നേതാക്കളായ ബിജു തേങ്കോട്, ശിവൻ മാരമംഗലം തുടങ്ങിയവർ പ്രസംഗിച്ചു. ജനകൻ ഗോപിനാഥ് സ്വാഗതവും ദീപു നാരായണൻ നന്ദിയും പറഞ്ഞു. നിയോജക മണ്ഡലം ഭാരവാഹികളായി ദിലീപ് പയ്യാരപിള്ളി പ്രസിഡന്റായും ജനകൻ ഗോപിനാഥ് ജനറൽ സെക്രട്ടറിയായും ദീപു നാരായണൻ ട്രഷററായുമുള്ള ഒൻപതംഗ കമ്മറ്റിയെ തിരഞ്ഞെടുത്തു. സാമൂഹ്യ അകലം പാലിച്ചാണ് നേതൃയോഗം നടത്തിയത്.

CHUTTUVATTOM

റേഷൻ വ്യാപാരികൾ കോതമംഗലം താലൂക്ക് സപ്ലൈ ഓഫീസിന് മുന്നിൽ ധർണ്ണ നടത്തി

Published

3 days ago

September 26, 2022

kothamangalamnews.com

കോതമംഗലം : റേഷൻ വ്യാപാരികളോട് സർക്കാർ കാണിക്കുന്ന അവഗണന അവസാനിപ്പിക്കണമെന്ന് ആവശ്യപ്പെട്ടുകൊണ്ട് കോതമംഗലം താലൂക്ക് സപ്ലൈ ഓഫീസിന് മുമ്പിൽ റേഷൻ വ്യാപാരികൾ പ്രതിഷേധ ധർണ്ണ നടത്തി. വേതന പാക്കേജ് കാലോചിതമായി പരിഷ്കരിക്കുക , വിതരണം കഴിഞ്ഞ് അഞ്ചു ദിവസത്തിനുള്ളിൽ വേതനം നൽകുമെന്ന വാക്ക് പാലിക്കുക , ഓണം ഉത്സവബത്തയും, ഓഗസ്റ്റ് മാസത്തെ കമ്മീഷനും ഉടൻ ലഭ്യമാക്കുക, കിറ്റിന് കമ്മീഷൻ നൽകണമെന്ന ഹൈക്കോടതി വിധി ഉടൻ നടപ്പിലാക്കുക, മണ്ണെണ്ണ ഡോർ ഡെലിവറിയായി നൽകുക, പഞ്ചസാര കമ്മീഷൻ വർദ്ധിപ്പിക്കുക , തുടങ്ങിയ ആവശ്യങ്ങൾ ഉന്നയിച്ചാണ് ധർണ നടത്തിയത്. ധർണ സമരം സംഘടനയുടെ ജില്ല പ്രസിഡന്റ്.വി .വി. ബേബി ഉദ്ഘാടനം ചെയ്‌തു. ജില്ല വൈസ് പ്രസിഡണ്ട് മാജോ മാത്യു, എം എസ്. സോമൻ, എം.എം.രവി.തുടങ്ങിയവർ സംബന്ധിച്ചു.

CHUTTUVATTOM

പട്ടികജാതി ക്ഷേമ സമിതി നടത്തുന്ന സംസ്ഥാന പ്രചാരണ ജാഥയ്ക്ക് കോതമംഗലത്ത് ഉജ്ജല വരവേൽപ്പ് നൽകി.

Published

3 days ago

September 26, 2022

kothamangalamnews.com

കോതമംഗലം: എല്ലാവർക്കും ഭൂമിയും വീടും, എയ്ഡഡ് മേഖലയിൽ തൊഴിൽ സംവരണം ,മെച്ചപ്പെട്ട വിദ്യാഭ്യാസം എന്നി ആവശ്യങ്ങൾ ഉന്നയിച്ച്‌ പട്ടികജാതി ക്ഷേമ സമിതി നടത്തുന്ന സംസ്ഥാന പ്രചാരണ ജാഥയ്ക്ക് കോതമംഗലത്ത് ഉജ്ജല വരവേൽപ്പ് നൽകി. പികെഎസ് സംസ്ഥാന സെക്രട്ടറി അഡ്വ. കെ സോമപ്രസാദ് എക്സ് എം പി ക്യാപ്ടനായ ജാഥയെ താളമേള വാദ്യ കലാരൂപങ്ങളുടെ അകമ്പടിയോടെ പോസ്റ്റോഫീസ് കവലയിൽ സ്വീകരണം നൽകി
മുനിസിപ്പൽ ഓഫീസിലേക്ക് ആനയിച്ചു. നൂറ് കണക്കിന് പ്രവർത്തകർ പങ്കെടുത്തു.
തുടർന്ന് നടന്ന സ്വീകരണ സമ്മേളനത്തിൽ പി കെ എസ് ഏരിയ പ്രസിഡൻ്റ് പി ആർ വിനോദ് അധ്യക്ഷനായി.

ജാഥ ക്യാപ്ടൻ അഡ്വ. കെ സോമപ്രസാദ് , ആൻ്റണി ജോൺ എം എൽ എ ,
വൈസ് ക്യാപ്റ്റൻ വണ്ടിത്തടം മധു, ജാഥാ മാനേജർ വി ആർ ശാലിനി, എസ് അജയകുമാർ, കെ ശാന്തകുമാരി എംഎൽഎ, സി കെ ഗിരിജ ,സിപിഐ എം സംസ്ഥാന കമ്മിറ്റിയംഗം എസ് സതീഷ് , ജില്ലാ സെക്രട്ടറിയറ്റംഗം ആർ അനിൽ കുമാർ, ഏരിയ സെക്രട്ടറിമാരായ കെ എ ജോയി, ഷാജി മുഹമ്മദ് , സ്വാഗതസംഘം ചെയർമാൻ സി പി എസ് ബാലൻ, കെ സി അയ്യപ്പൻ, എം എൻ ശശി, ശശി കുമാർ എന്നിവർ സംസാരിച്ചു.

CHUTTUVATTOM

ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ കോതമംഗലം താലൂക്കിന്റെ വാർഷിക പൊതുയോഗവും കുടുംബസംഗമവും നടന്നു.

Published

3 days ago

September 26, 2022

kothamangalamnews.com

കോതമംഗലം : ഓൾ കേരള പ്രൈവറ്റ് ബാങ്ക് അസോസിയേഷൻ കോതമംഗലം താലൂക്കിന്റെ ഇരുപതാമത് വാർഷിക പൊതുയോഗവും കുടുംബ സംഗമവും ഫാസ് ഓഡിറ്റോറിയത്തിൽ(കോഴിപ്പിള്ളി പാലത്തിനു സമീപം)വച്ച് നടന്നു. പ്രസിഡന്റ് ബിജു താമരച്ചാലിൽ അധ്യക്ഷത വഹിച്ച ചടങ്ങിൽ ആന്റണി ജോൺ എം എൽ എ പരിപാടി ഉദ്ഘാടനം ചെയ്തു. ജില്ലാ പ്രസിഡന്റ് ഫ്രാൻസിസ് സേവ്യർ,സംസ്ഥാന സീനിയർ വൈസ് പ്രസിഡന്റ്,താലൂക്ക് രക്ഷാധികാരി ഇ പി ജോസ്,സംസ്ഥാന രക്ഷാധികാരി സി എം ജേക്കബ്,സംസ്ഥാന വൈസ് പ്രസിഡന്റ്,കുന്നത്തുനാട് താലൂക്ക് പ്രസിഡന്റ് ഗീവർഗീസ് ബാബു ജില്ലാ സെക്രട്ടറി എം വി ഗിരീഷ്,മുവാറ്റുപുഴ താലൂക്ക് പ്രസിഡന്റ് ജോർജ് ജോൺ റ്റി,ജില്ലാ കമ്മറ്റി മെമ്പർ സജി മത്തായി,ജില്ലാ ട്രഷറർ മത്തായി ജോൺ എന്നിവർ ചടങ്ങിൽ സന്നിഹിതരായിരുന്നു. വൈസ് പ്രസിഡന്റ് വിശ്വനാഥൻ പി പി സ്വാഗതവും സെക്രട്ടറി ടോണി മാത്യു കൃതജ്ഞതയും പറഞ്ഞു.