കോതമംഗലം: കഴിഞ്ഞ ഒരാഴ്ച മുൻപ് മലയൻകീഴ് – കോഴിപ്പിള്ളി ബൈപാസ് റോഡിലെ ഹോട്ടൽ ” 96 ” സ്ഥാപനത്തിനു സമീപത്ത് വച്ച് വിദേശ നിർമ്മിത ആഡംബര വാച്ച് പൊതുപ്രവർത്തകനായ മനോജ് ഗോപിക്ക് കളഞ്ഞ് കിട്ടുകയായിരു. വാച്ച് കോതമംഗലം പോലീസ് സ്റ്റേഷനിൽ മനോജ് ഗോപി ഏൽപിക്കുകയും ചെയ്തു. വാച്ച് കളഞ്ഞ് കിട്ടിയ വിവരം സോഷ്യൽ മീഡിയകളിലും പ്രാധേശിക ചാനലുകളിലും അറിയിപ്പായി വാർത്തയുമുണ്ടായിരുന്നു. പിറവം സ്വദേശി അമൽ. ടി. കുട്ടൻ തന്റെ സുഹൃത്ത് ക്കളുമൊത്ത് യാത്ര ചെയ്യവെ ഹോട്ടലിൽ കയറി ഭക്ഷണം കഴിച്ച് തിരികെ പോകുന്നതിനിടയിൽ വാച്ച് എങ്ങനെയോ നഷ്ടപ്പെടുകയായിരുന്നു. വിദേശത്തുള്ള തന്റെ സഹോദരി അയച്ച് തന്ന വാച്ചാണെന്നും നാട്ടിൽ നാൽപതിനായിരത്തിനു മുകളിൽ വില മതിക്കുന്നതാണെന്നും അമൽ പറഞ്ഞു. കോതമംഗലം സബ് ഇൻസ്പെക്ടർ ലിബു തോമസിന്റെ സാന്നിദ്ധ്യത്തിൽ സ്റ്റേഷനിൽ വച്ച് വാച്ച് ഉടമസ്ഥന് കൈമാറി. മനോജ് ഗോപിയെ അഭിനന്ദിക്കുകയും ചെയ്തു.
