കോതമംഗലം : കോതമംഗലം ബ്ലോക്ക് പഞ്ചായത്ത് ഭരണ സമിതിയുടെ ദുർഭരണത്തിനും വികസന മുരടിപ്പിനും പ്രസിഡന്റിന്റെ ഭരണഘടന ലംഘനത്തിനുമെതിരെ എൽ.ഡി.എഫ് കോതമംഗലം നിയോജക മണ്ഡലം കമ്മറ്റി ബ്ലോക്കാഫീസ് മാർച്ചും ധർണ്ണയും നടത്തി. രാവിലെ 11 മണിക്ക് കോതമംഗലം മുനിസിപ്പൽ ആഫീസിനു മുന്നിൽ നിന്നും പ്രതിക്ഷേധ പ്രകടനം ആരംഭിച്ചു. നഗരം ചുറ്റി ബ്ലോക്ക് പഞ്ചായത്ത് ആഫീസിന് 500 മീറ്റർ അകലെ മലയൻകീഴ് ജംഗ്ഷനിൽ പ്രതിക്ഷേധ മാർച്ച് പോലീസ് തടഞ്ഞു. തുടർന്ന് പ്രതിഷേധ ധർണ്ണ നടത്തി. ബ്ലോക്ക് പഞ്ചായത്ത് ഭരണം ഒരു വർഷം പിന്നിടുമ്പോൾ പ്രസിഡന്റിന്റെ കച്ചവട ലാഭ താൽപര്യം മുൻ നിർത്തിയുള്ള പ്രവർത്തനം മൂലം സംസ്ഥാന ഗവൺമെന്റ് നൽകിയിട്ടുള്ള തനത് ഫണ്ട് കൾ പോലും ചിലവഴിക്കാൻ കഴിയാതെ ജില്ലയിൽ ഏറ്റവും പിന്നിലും സംസ്ഥാനത്തെ ആകെയുള്ള 148 ബ്ലോക്ക് പഞ്ചായത്ത് കളിലേയും വികസന കണക്ക് പരിശോദിച്ചാൽ 142 -ാം സ്ഥാനവും ഇതിൽ നിന്നും പകൽ പോലെ പൊതുജനത്തിന് മനസ്സിലായതാണ് ബ്ലോക്ക് പഞ്ചായത്തിൽ കോൺഗ്രസ് നേതൃത്വം നൽകുന്ന ഭരണ സമിതിയുടെ കഴിവുകേടും വികസന മുരടിപ്പും.
നിയമങ്ങളും ചട്ടങ്ങളും കാറ്റിൽ പറഞ്ഞിയാണ് ഭരണം നടക്കുന്നത്. ബ്ലോക്ക് പഞ്ചായത്തിന്റെ ഔദ്യോഗിക വാഹനം പെരുവഴിയിലിട്ട് പ്രസിഡന്റ് ചട്ടലംഘനം നടത്തി ആഢംബര സ്വകാര്യ വാഹനം സർക്കാരിന്റെ ചിലവിൽ ഇന്ധന മടിക്കുകയും സർക്കാർ ശമ്പളം പറ്റുന്ന ഡ്രൈവറെ സ്വകാര്യ വാഹനത്തിന്റെ ഡ്രൈവറാക്കി മാറ്റി നടക്കുന്നതും ഇതിനെതിരെ പ്രതിക്ഷേധമുയർന്നപ്പോൾ തെറ്റായ വിവരം അധികാരികളെ ധരിപ്പിച്ചതും UDF ഭരണ സമിതിയാണ്. വികസന കാര്യ സ്റ്റാന്റിംങ്ങ് കമ്മറ്റി അറിയാതെ തന്നിഷ്ട പ്രകാരം സ്വന്തം സാമ്പത്തിക ലാഭം ലക്ഷ്യമാക്കി പദ്ധതികൾ പ്രഖ്യാപിക്കുന്നതിനെതിരെ പ്രതിപക്ഷത്തിനു മാത്രമല്ല UDFനുള്ളിലും അതൃപ്തിയുള്ളതായാണ് അറിവ്.
കാർഷിക മേഖലയുമായി ബന്ധപ്പെട്ട് വിപണന കേന്ദ്രത്തിന്റെ ലക്ഷക്കണക്കിന് രൂപയുടെ ഫണ്ട് സ്വന്തം പേരിൽ ആക്കണമെന്ന് വാശി പിടിച്ച് അവസാന തീയതി നാളിതുവരെയായിട്ടും തുടങ്ങാനായിട്ടില്ല. തന്റെ വ്യക്തി താൽപര്യ, കച്ചവടതാൽപര്യത്തിന് വഴങ്ങാത്ത ജീവനക്കാരോടും വിരമിക്കാൻ 3 മാസം മാത്രമുള്ള സെക്രട്ടറിയോടും വേലക്കാരോട് പെരുമാറുന്ന രീതിയിൽ സഭ്യമല്ലാത്ത ഭാഷകൾ പോലും പരസ്യമായി ഉപയോഗിന്നതിനെതിരെ മാനക്കേട് ഓർത്ത് സെക്രട്ടറിയടക്കമുള്ള ഒരു വിഭാഗം ജീവനക്കാർ സ്ഥലം മാറിപ്പോകാൻ മേലുദ്യോഗസ്ഥരോടാവശ്യപ്പെട്ട തുൾപ്പെട്ടെ യുളള വിവരങ്ങൾ എൽ.ഡി.എഫ് നേതാക്കൾ പ്രതിക്ഷേധ ധർണ്ണയിൽ പറഞ്ഞു. എൽ.ഡി.എഫ്. നിയോജകമണ്ഡലം കമ്മറ്റി നടത്തിയ പ്രതിക്ഷേധ ധർണ്ണ സി.പി.ഐ.എം. ജില്ലാ സെക്രട്ടറിയേറ്റ് അംഗം ആർ. അനിൽകുമാർ ഉദ്ഘാടനം ചെയ്തു.
സി.പി.ഐ. താലൂക്ക് സെക്രട്ടറി പി.ടി. ബെന്നി അദ്ധ്യക്ഷനായി. കോതമംഗലം, കവളങ്ങാട് സി.പി.ഐ.എം. ഏരിയ സെക്രട്ടറിമാരായ കെ.എ. ജോയി, ഷാജി മുഹമ്മദ്, കേരള കോൺഗ്രസ് മാണി ജില്ലാ സെക്രട്ടറി പോൾ മുണ്ടയ്ക്കൽ, ജനതാദൾ സംസ്ഥാന സമിതി അംഗം മനോജ് ഗോപി , ജനാതിപത്യ കേരള കോൺഗ്രസ് നിയോജക മണ്ഡലം പ്രസിഡന്റ് ബാബു പോൾ, എൻ.സി.പി. നിയോജക മണ്ഡലം പ്രസിഡന്റ് തോമസ് തോമ്പ്രയിൽ,കേരള കോൺഗ്രസ് – സ്ക്കറിയ – നിയോജക മണ്ഡലം പ്രസിഡന്റ് ഷാജി പീച്ചക്കര, കേരള കോൺഗ്രസ് ബി.പ്രസിഡന്റ് ബേബി പൗലോസ്,എൽ.ഡി.എഫ് ബ്ലോക്ക് പഞ്ചായത്ത് പ്രതിപക്ഷ നേതാവ് , കെ.കെ.ഗോപി , എന്നിവർ പ്രസംഗിച്ചു.
