കോതമംഗലം : എൽഡിഎഫ് സ്ഥാനാർഥി ആന്റണി ജോൺ നാമനിർദ്ദേശ പത്രിക സമർപ്പിച്ചു.
രാവിലെ ഇടവക ദേവാലയമായ സെന്റ് ജോർജ് കത്തീഡ്രൽ പള്ളിയിലും ഈശോ അച്ഛന്റെയും, ഫാ.ജോർജ് മുണ്ടയ്ക്കലിന്റെയും, പൂർവീകരുടെയും കല്ലറകളിലും എത്തി പ്രാർത്ഥിച്ചു. ശേഷം കോതമംഗലം വിശുദ്ധ മാർത്തോമ ചെറിയ പള്ളിയിൽ എത്തി പരിശുദ്ധ യൽദോ മാർ ബസേലിയോസ് ബാവായുടെ കബറിങ്കലും തുടർന്ന് വിശുദ്ധ മർത്താ മറിയം വലിയ പള്ളിയിലും, ചേലാട് തെക്കേ കുരിശിലും എത്തി പ്രാർത്ഥിച്ചു.
തുടർന്ന് 10.30 യോടുകൂടി കോതമംഗലം ഗാന്ധി സ്ക്വയറിൽ ഗാന്ധി പ്രതിമയ്ക്ക് മുന്നിൽ പുഷ്പ ചക്രം അർപ്പിച്ച് പുഷ്പാർച്ചനയും നടത്തി.തുടർന്ന് എൽ ഡി എഫ് നേതാക്കൾക്കും പാർട്ടി പ്രവർത്തകർക്കുമൊപ്പം പ്രകടനമായി കോതമംഗലം താലൂക്ക് ഓഫീസിലെത്തി അസി. റിട്ടേണിംഗ് ഓഫീസറായ കോതമംഗലം തഹസിൽദാർ എം ഗിരീഷ് കുമാർ മുൻപാകെ നാമനിർദ്ദേശ പത്രിക സമർപ്പിച്ചു
