കുട്ടമ്പുഴ : രഹസ്യ വിവരത്തെതുടർന്ന് എറണാകുളം എക്സൈസ് എൻഫോഴ്സ്മെന്റ് ആന്റ് ആന്റി നർക്കോട്ടിക് സ്പെഷ്യൽ സ്ക്വാഡ് പ്രിവന്റീവ് ഓഫീസർ എൻ. എ. മനോജിന്റെ നേതൃത്വത്തിൽ പൂയംകുട്ടി ഫോറസ്റ്റ് സ്റ്റേഷനിലെ വനപാലകരുമായി പൂയംകുട്ടി കൂവപ്പാറ തണ്ട് കരയിൽ നടത്തിയ മിന്നൽ പരിശോധനയിൽ വനാതിർത്തിയോട് ചേർന്ന് പാറയിടുക്കിൽ രഹസ്യമായി പ്രവർത്തിച്ചിരുന്ന വാറ്റ് കേന്ദ്രം തകർത്തു 450 ലിറ്റർ വാഷും വാറ്റുപകരണങ്ങളും പിടിച്ചെടുത്ത് കേസാക്കി. ടി കേസ് കൂടുതൽ അന്വേഷണങ്ങൾക്കായി കുട്ടമ്പുഴ റേഞ്ചിൽ ഏൽപ്പിച്ചു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
കുട്ടമ്പുഴ, കൂവപ്പാറ, പൂയംകുട്ടി, മണികണ്ടംചാൽ ഭാഗങ്ങൾ കേന്ദ്രീകരിച്ച് പരിശോധനകൾ ശക്തമാക്കും, പരിശോധനയിൽ സെക്ഷൻ ഫോറസ്റ്റ് ഓഫീസർ സിജു C T, ബീറ്റ് ഫോറസ്റ്റ് ഓഫീസർ വിനീഷ്കുമാർ സിവിൽ എക്സൈസ് ഓഫീസർ ജോമോൻ ജോർജ്ജ്, ബദർ അലി ഫോറസ്റ്റ് വാച്ചർമാരായ സുകു C, ബിന്ദു G എന്നിവരും ഉണ്ടായിരുന്നു.
![](https://kothamangalamnews.com/wp-content/uploads/2023/11/kothamangalamnews.png)