കോതമംഗലം : വടാട്ടുപാറ ഗ്രൗണ്ട് ജംഗ്ഷനിൽ വീടിക്കുന്നേൽ ബാബുവിന്റെ മകൻ അനീഷി (37) നെയാണ്ഒഴുക്കിൽപ്പെട്ട് കാണാതായത്. കുട്ടമ്പുഴ പഞ്ചായത്തിലെ വടാട്ടുപാറ പലവൻ പടിപുഴയിൽ കുളിക്കാൻ ഇറങ്ങിയ അനീഷ് ഒഴുക്കിൽപ്പെടുകയായിരുന്നുവെന്നാണ് പ്രാഥമിക നിഗമനം. ശക്തമായ ഒഴുക്കുള്ള പ്രദേശമാണ് ഇവിടെ. ഈ പുഴയിൽ നിരവധി തവണ ആളുകൾ ഒഴുക്കിൽപ്പെട്ടിട്ടുണ്ട്.ഇവിടെ വനം വകുപ്പ് പ്രവേശനം നിരോധിച്ചിട്ടുള്ള പ്രദേശമാണ്. ഇന്ന് വൈകിട്ട് 4 മണിയോടെ കാണാതായ അനീഷിന് വേണ്ടി ഫയർഫോഴ്സും, നാട്ടുകാരും പുഴയിൽ തിരച്ചിൽ നടത്തി. ആന്റണി ജോൺ എംഎൽഎ സ്ഥലം സന്ദര്ശിച്ചു ഉദ്യോഗസ്ഥർക്ക് നിർദ്ദേശങ്ങൾ നൽകി.
ശക്തമായ അടിയൊഴുക്കുള്ളതിനാൽ തിരച്ചിലിന് അത്ര എളുപ്പമല്ല. എത്ര ദൂരം ഒഴുകിപ്പോയെന്ന് കൃത്യമായി കണക്കാക്കാൻ കഴിയില്ല. കാട്ടുമൃഗങ്ങളുടെ ശല്യമുള്ള പ്രദേശമായതിനാൽ രാത്രി തിരച്ചിൽ നിർത്തി. കോതമംഗലം ഫയർഫോഴ്സ് അസിസ്റ്റൻറ് സ്റ്റേഷൻ ഓഫീസർ സജി മാത്യൂവിന്റെ നേതൃത്വത്തിൽ സ്ക്ബാ ടീം സീനിയർ ഫയർ & റെസ്ക്യൂക്യൂ ഓഫീസർ അനിൽ കുമാർ ,ജോഷി, സിദ്ദിഖ്, ബിജു എന്നിവരാണ് തെരച്ചിൽ നടത്തിയത്. വെൽഡിംഗ് തൊഴിലാളിയായ അനീഷ് അവിവാഹിതനാണ്.
