Connect with us

Hi, what are you looking for?

NEWS

മാമലക്കണ്ടം എളബ്ലാംശ്ശേരിക്കുടിയിൽ തകർന്ന ഫെൻസിങ്ങ് പവർ കൂട്ടി അടിയന്തിരമായി പുനസ്ഥാപിക്കുവാനും,നാശ നഷ്ടം സംഭവിച്ചവർക്ക് നഷ്ട പരിഹാരം നൽകുവാനും തീരുമാനമായി.

കോതമംഗലം: കുട്ടമ്പുഴ പഞ്ചായത്തിൽ മാമലക്കണ്ടം എളബ്ലാംശ്ശേരിക്കുടിയിൽ കാട്ടാനക്കൂട്ടം തകർത്ത ഫെൻസിങ്ങ് അടിയന്തിരമായി പവർ കൂട്ടി പുനസ്ഥാപിക്കുന്നതിനും,നാശ നഷ്ടം സംഭവിച്ചവർക്ക് നഷ്ട പരിഹാരം നൽകുവാനും തീരുമാനമായി. പ്രദേശത്തെ കാട്ടാന ശല്യം തടയുന്നതിൻ്റെ ഭാഗമായി 2.5 കിലോമീറ്റർ ദൂരം ഫെൻസിങ്ങ് നടത്തുന്ന പ്രവർത്തി നടന്നു വരികയായിരുന്നു. ഏകദേശം 2.2 കിലോമീറ്റർ ദൂരം ഫെൻസിങ്ങ് പൂർത്തീകരിക്കുകയും ചെയ്തിരുന്നു. എന്നാൽ കഴിഞ്ഞ ദിവസമുണ്ടായ കാട്ടാനക്കൂട്ടത്തിൻ്റെ ആക്രമണത്തിൽ ഫെൻസിങ്ങ് തകരുകയും,മൂന്നോളം വീടുകൾ തകർക്കുകയും നിരവധിയായ കൃഷിക്കും നാശ നഷ്ടം സംഭവിക്കുകയും ചെയ്തിരുന്നു.

പ്രസ്തുത പ്രദേശം ആന്റണി ജോൺ എംഎൽഎ സന്ദർശിച്ചു.ഇവിടെ തകർന്ന ഭാഗത്തെ ഫെൻസിങ്ങ് അടിയന്തിരമായി പവർ കൂട്ടി പുനസ്ഥാപിക്കുവാനും ഇതിനു വേണ്ടി കൂടുതൽ ബാറ്ററികളും പാനൽ ബോർഡും അടക്കമുള്ള അനുബന്ധ സാമഗ്രികളും അടങ്ങുന്ന പുതിയ പവർ സിസ്റ്റം ഒരു കിലോ മീറ്റർ ഇടവിട്ട് സ്ഥാപിക്കുവാനും തീരുമാനമായി.ഇതിൻ്റെ പരിപാലനത്തിനായി പ്രദേശത്തെ ആളുകളെ ഉൾപ്പെടുത്തി ഒരു കമ്മിറ്റി രൂപീകരിക്കുകയും ഇതിനായി ഒരു വാച്ചറെ നിയമിക്കുവാനും തീരുമാനിച്ചു.

അതോടൊപ്പം നാശ നഷ്ടം സംഭവിച്ചവർക്ക് ട്രൈബൽ – ഫോറസ്റ്റ് ഡിപ്പാർട്ടുമെന്റുകളിൽ നിന്നുള്ള സാമ്പത്തിക സഹായം അടിയന്തിരമായി ലഭ്യമാക്കുവാനും തീരുമാനിച്ചതായി ആന്റണി ജോൺ എംഎൽഎ അറിയിച്ചു.റ്റിഡിഒ ജി അനിൽകുമാർ,ഫോറസ്റ്റ് റേയ്ഞ്ച് ഓഫീസർ അരുൺ കെ നായർ,റ്റിഇഒ ആർ നാരായണൻകുട്ടി,മുൻ പഞ്ചായത്ത് പ്രസിഡന്റ് പി എൻ കുഞ്ഞുമോൻ,എം എസ് ആരോമൽ,വി ഡി പ്രസാദ്,കാണിക്കാരൻ രാജപ്പൻ മാത്തി എന്നിവർ എംഎൽഎയോടൊപ്പം ഉണ്ടായിരുന്നു.

You May Also Like

CHUTTUVATTOM

കുട്ടമ്പുഴ: താളുംകണ്ടം ആട് ഗ്രാമം പദ്ധതി നടപ്പാക്കി. കുട്ടമ്പുഴ ഗ്രാമപഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി താളുംകണ്ടം ആദിവാസി കുടീയിലെ 30 കുടുംബങ്ങൾക്ക് 2 ആട് വിതമാണ്,ആട് ഗ്രാമം പദ്ധതി നടപ്പാക്കി....

NEWS

കോതമംഗലം :ഇളങ്ങവം ഗവ ഹൈടെക് എൽ പി സ്കൂൾ 62 -)മത് വാർഷികാഘോഷവും, സ്തുത്യർഹമായ സേവനത്തിനു ശേഷം സെർവീസിൽ നിന്നും വിരമിക്കുന്ന രജനി ടീച്ചർക്കുള്ള യാത്രയയപ്പും സംഘടിപ്പിച്ചു. ഉദ്ഘാടനം ആന്റണി ജോൺ എംഎൽഎ...

NEWS

കോതമംഗലം : കോതമംഗലം നിയോജക മണ്ഡലത്തിൽ എം എൽ എയുടെ ആസ്തി വികസന ഫണ്ട് 3.5 കോടി രൂപ ചിലവഴിച്ചുള്ള കനാൽ ബണ്ട് നവീകരണത്തിന് തുടക്കമായി. മെയിൻ കനാൽ, ഹൈ ലെവൽ, ലോ...

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....