CRIME
യൂട്യൂബ് നോക്കി ചാരായം വാറ്റിയ നാലു യുവാക്കൾ പിടിയിൽ

കോട്ടപ്പടി : കൗതുകത്തിന്റെ പുറത്തു മൊബൈലിൽ യൂട്യൂബ് നോക്കി ചാരായം വാറ്റുന്നതിനിടെ നാലു യുവാക്കൾ കോട്ടപ്പടി പോലീസിന്റെ പിടിയിലായി. പ്രഷർ കുക്കറും എസിയുടെ കംപ്രസർ ട്യൂബും പാചകവാതക സിലിണ്ടറും ഉപയോഗിച്ച് വീട്ടിൽ മറ്റാരുമില്ലാത്ത സമയത്ത് അടുക്കളയിൽവച്ച് ചാരായം വാറ്റുന്നതിനിടെയാണ് സംഘം പിടിയിലായത്. റൂറൽ എസ്പിക്ക് ലഭിച്ച രഹസ്യസന്ദേശത്തിന്റെ അടിസ്ഥാനത്തിലാണ് കോട്ടപ്പടി പോലീസ് റെയ്ഡ് നടത്തിയത്. കോട്ടപ്പടി പ്ലാവിൻചുവട് വടോട്ടുമാലിൽ പ്രദീപ് (32), പ്ലാമുടി കോളശേരി രഞ്ജിത് (34), ചേറങ്ങനാൽ ചെറുപുറം ബിബിൻ (26), ചേറങ്ങനാൽ കല്ലുമാലിക്കൽ ലിറ്റു (28) എന്നിവരാണ് അറസ്റ്റിലായത്. ചാരായവും വാഷും വാറ്റ് ഉപകരണങ്ങളും പോലീസ് പിടിച്ചെടുത്തു. കഴിഞ്ഞ ശനിയാഴ്ച്ച രാത്രി പത്തു മണിയോടുകൂടി പ്രദീപിന്റെ വീട്ടിൽ വെച്ചാണ് ചാരായം വാറ്റിയത്.
വാറ്റിയെടുക്കുന്നത് അപ്പോൾ തന്നെ കുടിച്ചു തീർക്കുകയായിരുന്നെന്നും ഇതിനാൽ 100 മില്ലി ലിറ്റർ ചാരായം മാത്രമാണ് ഇവിടെ നിന്നു ലഭിച്ചതെന്നും കോട്ടപ്പടി സർക്കിൾ ഇൻസ്പെക്ടർ ശ്രീജിത്ത് സി പറഞ്ഞു. റെയ്ഡിൽ സബ് ഇൻസ്പെക്ടർ സബ് എം പീറ്റർ , സീനിയർ സിപിഒ അബ്ദുൽ കരിം ,പ്രദീപ് കുമാർ, കരിം സി.എം , സിപിഒമാരായ ജിജോ വര്ഗീസ് , രഞ്ജിത് ,ഷിബു ജോൺ , സിദ്ധിക്ക് സി.എം തുടങ്ങിയവർ പങ്കെടുത്തു. പ്രദീപ് കുറുപ്പംപടിയിലെ ഒരു ബാർ ഹോട്ടലിലെ ജീവനക്കാരനാണ്. ഇയാൾ നിരവധി കേസിൽ പ്രതിയാണെന്നും പോലീസ് പറഞ്ഞു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
CRIME
കൈക്കൂലി : പായിപ്ര പഞ്ചായത്ത് ഓവർസിയർ വിജിലൻസ് പിടിയിൽ

മൂവാറ്റുപുഴ: കൈക്കൂലി വാങ്ങുന്നതിനിടെ പഞ്ചായത്ത് ഓവർസിയർ വിജിലൻസ് പിടിയിൽ. പായിപ്ര പഞ്ചായത്ത് ഓവർസിയർ സൂരജ് പി.ടിയെയാണ് വിജിലൻസ് അറസ്റ്റ് ചെയ്തത്. പായിപ്ര സ്വദേശിയിൽ നിന്നും ബിൽഡിംഗ് പെർമിറ്റിനായി 5000 രൂപ കൈക്കൂലി വാങ്ങുന്നതിനിടെയാണ് പിടിയിലായത്. പഞ്ചായത്ത് ഓഫീസിന് സമീപത്തുവച്ചാണ് ഇദ്ദേഹത്തെ പിടികൂടിയത്. വിജിലൻസ് എറണാകുളം ഡിവൈഎസ്പി ബാബുക്കുട്ടന്റെ നേതൃത്വത്തിൽ സി ഐ മാരായ മനു, സാജു ജോർജ്ജ്, എസ് ഐ മാരായ ഹരീഷ് കുമാർ, സാജു ജോർജ്, അസിസ്റ്റന്റ് സബ ഇ ൻസ്പെക്ടർ മാരായ ജയപ്രകാശ്, ഷിബു, ഉമേശ്വരൻ, പ്രവീൺ, ജോസഫ്, സി പി ഒമാരായ മനോജ്, ജയദേവൻ, ബിജുമോൻ, പ്രജിത്ത്, രതീഷ് എന്നിവർ ചേർന്നാണ് പ്രതിയെ പിടികൂടിയത്.
CRIME
ബസിൽ വച്ച് യുവതിയെ ശല്യം ചെയ്ത പല്ലാരിമംഗലം സ്വദേശി പിടിയിൽ

കോതമംഗലം : കോട്ടയം – പാലക്കാട് കെ.എസ്.ആർ.ടി.സി ബസിൽ യാത്ര ചെയ്ത യുവതിയെ ബസിൽ വച്ച് ശല്യം ചെയ്ത ആൾ പിടിയിൽ. പല്ലാരിമംഗലം മാവുടിയിൽ താമസിക്കുന്ന പേഴക്കാപ്പിള്ളി അമ്പലത്തറയിൽ സുനിൽ (48) നെയാണ് പെരുമ്പാവൂർ പോലീസ് അറസ്റ്റ് ചെയ്തത്. 26 നു വൈകിട്ട് ആണ് സംഭവം യുവതിയുടെ പരാതിയെ തുടർന്ന് പെരുമ്പാവൂർ പോലീസ് നടത്തിയ അന്വേഷണത്തിൽ പിറ്റേദിവസം തന്നെ കോതമംഗലം അടിവാട് ഭാഗത്തുനിന്ന് പിടികൂടുകയായിരുന്നു.
സമാന സംഭവത്തിന് എറണാകുളം സെൻട്രൽ പോലീസ് സ്റ്റേഷനിൽ ഇയാൾക്കെതിരെ കേസുണ്ട്. ഇൻസ്പെക്ടർ ആർ.രഞ്ജിത്ത്, എസ്.ഐമാരായ റിൻസ്.എം.തോമസ്, എം.കെ.അബ്ദുൾ സത്താർ, എസ്.സി.പി.ഒമാരായ പി.എ.അബ്ദുൾ മനാഫ്, സി.കെ.മീരാൻ, ജിഞ്ചു.കെ.മത്തായി തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
CRIME
കാപ്പാ ഉത്തരവ് ലംഘിച്ച നിരന്തര കുറ്റവാളിയായ കോതമംഗലം സ്വദേശിയെ അറസ്റ്റ് ചെയ്തു

കോതമംഗലം : കാപ്പാ ഉത്തരവ് ലംഘിച്ച നിരന്തര കുറ്റവാളിയെ അറസ്റ്റ് ചെയ്തു. കോതമംഗലം കറുകടം മാവിന്ചുവട് ഭാഗത്ത് നിന്നും ഇപ്പോള് പുതുപ്പാടി താണിക്കത്തടം കോളനി റോഡ് ഭാഗത്ത് താമസിക്കുന്ന ചാലില് പുത്തന്പുര (കല്ലിങ്ങപറമ്പില്) വീട്ടില് ദിലീപ് (41) നെയാണ് കോതമംഗലം പോലീസ് അറസ്റ്റ് ചെയ്തത്. കോതമംഗലം പോലീസ് സ്റ്റേഷന് പരിധിയില് കഴിഞ്ഞ ഏഴ് വര്ഷത്തിനുളളില് കൊലപാതകം, കൊലപാത ശ്രമം, ആയുധ നിയമ പ്രകാരമുള്ള കേസ് തുടങ്ങി നിരവധി കേസുകളില് പ്രതിയാണ്. 2021 ല് കോതമംഗലം പുതുപ്പാടി സ്ക്കൂള്പ്പടി ഭാഗത്ത് വച്ച് പ്രിന്സ് എന്നയാളെ കൊലപ്പെടുത്തിയ കേസിലെ പ്രതിയായ ഇയാള് ജാമ്യത്തിലിറങ്ങി കഴിഞ്ഞ നവംബറില് ആ കേസിലെ സാക്ഷിയായ സുജിത്ത് എന്നയാളെ ഭീഷണിപ്പെടുത്തിയിരുന്നു.
സംഭവത്തെ തുടര്ന്ന് കോതമംഗലം പോലീസ് സ്റ്റേഷനില് രജിസ്റ്റര് ചെയ്ത കേസില് പ്രതിയായി. തുടര്ന്ന് റൂറൽ ജില്ല പോലീസ് മേധാവി വിവേക് കുമാര് നൽകിയ റിപ്പോർട്ടിന്റെ അടിസ്ഥാനത്തിൽ കാപ്പ ചുമത്തി ഒരു വര്ഷത്തേക്ക് നാട് കടത്തിയിരുന്നു. ഈ വ്യവസ്ഥ ലംഘിച്ച് ജില്ലയില് പ്രവേശിച്ചതിനാണ് ഇപ്പോള് അറസ്റ്റ്. അറസ്റ്റ് ചെയ്ത സംഘത്തില് ഇൻസ്പെക്ടർ ബിജോയ്, എസ്.ഐ റജി, എ.എസ്.ഐ സലിം, എസ്.സി.പി.ഒ മാരായ കൃഷ്ണകുമാർ, അജിംസ്, ഷിയാസ്, ജയൻ എന്നിവരാണ് ഉണ്ടായിരുന്നത്.
-
ACCIDENT3 days ago
ബസും സ്കൂട്ടറും കൂട്ടിയിടിച്ച് യുവതി മരിച്ചു.
-
ACCIDENT5 days ago
കാറും ബൈക്കും കൂട്ടിയിടിച്ചു: യുവാവിന് പരിക്ക്
-
CRIME5 days ago
പെൺകുട്ടി മാത്രമുള്ള സമയം വീട്ടിൽ അതിക്രമിച്ച് കയറി ഉപദ്രവിച്ച പല്ലാരിമംഗലം സ്വദേശി അറസ്റ്റിൽ
-
NEWS1 week ago
കോതമംഗലത്ത് രണ്ടിടങ്ങളിൽ തീ പിടുത്തം : ജാഗ്രത പുലർത്തണമെന്ന് അഗ്നി രക്ഷാ സേന
-
NEWS1 week ago
കുട്ടമ്പുഴ – കീരംപാറ പഞ്ചായത്തുകളിൽ ബഫർ സോൺ പരിധികളിൽ 1031 നിർമ്മിതികൾ കണ്ടെത്തിയതായി വനം വകുപ്പ് മന്ത്രി
-
CRIME4 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയെ അറസ്റ്റ് ചെയ്തു
-
NEWS2 days ago
തങ്കളം – കോഴിപ്പിള്ളി ന്യൂ ബൈപ്പാസ് രണ്ടാം ഘട്ട രണ്ടാം റീച്ചിന്റെ നിർമ്മാണ പ്രവർത്തനങ്ങൾ ആരംഭിച്ചു.
-
CRIME3 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയായ കോതമംഗലം സ്വദേശിയെ അറസ്റ്റ് ചെയ്തു