കോതമംഗലം : കൃഷിയിടങ്ങളിൽ നാശനഷ്ടം വരുത്തുന്ന കാട്ടുപന്നികളെ വെടിവച്ചു കൊല്ലാൻ അനുമതി ലഭിച്ചതിനെ തുടർന്ന് പുന്നേക്കാട് ഇന്ന് ഒരു പന്നിയെ വെടിവച്ചു. കോതമംഗലം ഫോറസ്റ്റ് ഡിവിഷനിൽ കാട്ടു പന്നിയെ വെടിവക്കാൻ ലൈസൻസുള്ളത് 9 പേരുടെ പാനലിനാണ്.
കാട്ടുപന്നിയുടെ ശല്യമുണ്ടെന്ന് പുന്നേക്കാട് ഭാഗത്ത് നിന്ന് കർഷകൻ്റെ പരാതി ലഭിച്ചതിൻ്റെ അടിസ്ഥാനത്തിലാണ് തട്ടേക്കാട് സെക്ഷൻ ഫോറസ്റ്റ് ഓഫീസർ ഷിബു A M , പന്നിയെ വെടിവക്കാൻ അനുമതിയുള്ള ജോബി ജോൺ, റിബിൻ റോയി എന്നിവരുടെ നേതൃത്വത്തിൽ കൃഷിയിടത്തിലെത്തിയ കാട്ടുപന്നിയെ വെടിവച്ചു കൊന്നത്. കോതമംഗലം ഫോറസ്റ്റ് ഡിവിഷനിൽ ആദ്യമായാണ് ഇത്തരത്തിൽ പന്നിയെ വെടിവച്ചു കൊല്ലുന്നത്.
