കോതമംഗലം: മാര്‍ത്തോമ ചെറിയപള്ളിയില്‍ കബറടങ്ങിയ പരിശുദ്ധ എല്‍ദോ മാര്‍ ബസേലിയോസ് ബാവയുടെ 338-ാം ഓര്‍മപ്പെരുന്നാള്‍ (കന്നി-20) 25 മുതല്‍ 4 വരെ ആഘോഷിക്കും. പ്രധാന പെരുന്നാള്‍ ഒക്ടോബര്‍ 2, 3 തീയതികളിലാണ്. 25ന് രാവിലെ 7.30ന് അഞ്ചിന്മേല്‍ കുര്‍ബാന ഏലിയാസ് മാര്‍ യൂലിയോസ് മെത്രാപ്പോലിത്ത, വൈകിട്ട് 4ന് ചക്കാലക്കുടി ചാപ്പലില്‍ നിന്ന് പള്ളിയിലേക്ക് പ്രദക്ഷിണം, 5ന് കൊടിയേറ്റ വികാരി ഫാ. ജോസ് പരത്തുവയലില്‍. 26ന് കല്‍ക്കുരിശ് പെരുന്നാള്‍ രാവിലെ 7.30ന് അഞ്ചിന്മേല്‍ കുര്‍ബാന പൗലോസ് മാര്‍ ഐറേനിയോസ് മെത്രാപ്പോലിത്ത, തുടര്‍ന്ന് പടിഞ്ഞാറെ കല്‍ക്കുരിസിലേക്ക് പ്രദക്ഷിണം, വൈകിട്ട് 6ന് സന്ധ്യാനമസ്‌കാരം. 27 മുതല്‍ 30 വരെ ദിവസേന രാവിലെ 7.30ന് അഞ്ചിന്മേല്‍ കുര്‍ബാനയും വൈകിട്ട് സന്ധ്യനമസ്‌കാരവും ഉണ്ടാകും. ഒക്ടോബര്‍ 1ന് രാവിലെ 6നും 7.15നും 8.45നും കുര്‍ബാന മാത്യൂസ് മാര്‍ അപ്രേം മെത്രാപ്പോലീത്ത, വൈകിട്ട് 6ന് സന്ധ്യനമസ്‌കാരം, 6.30ന് കുര്‍ബാന ഏലിയാസ് മാര്‍ യൂലിയോസ്്് മെത്രാപ്പോലിത്ത. പ്രധാന പെരുന്നാള്‍ ദിവസമായ 2ന് രാവിലെ 7.30ന് മൂന്നിന്മേല്‍ കുര്‍ബാനക്ക് ശ്രേഷ്ഠ കാതോലിക്ക ബാവയുടെ മുഖ്യകാര്‍മികത്വത്തില്‍ ജോസഫ് മാര്‍ ഗ്രിഗോറിയോസ് മെത്രാപ്പോലിത്ത സഹകാര്‍മ്മികനാവും, വൈകിട്ട് 3മേമ്പൂട്ടില്‍ നിന്ന്് പള്ളി ഉപകരണങ്ങള്‍ ആഘോഷമായി പള്ളിയകത്തേക്ക്, 5ന് വിവിധ പ്രദേശങ്ങളില്‍ നിന്ന് എത്തുന്ന കാല്‍നട തീര്‍ത്ഥാടക സംഘത്തിന് സ്വ്ീകരണം, വൈകിട്ട് 6.30ന് സന്ധ്യാനമസ്‌കാരം ശ്രേഷ്ഠ കാതോലിക്ക ബാവയുടെ പ്രധാന കാര്‍മികത്വത്തില്‍, രാത്രി 8ന് പെരുന്നാള്‍ സന്ദേശം, 10ന് നഗരപ്രദക്ഷിണം, ആകാശവിസ്മയം എന്നിവ നടക്കും. 3ന് രാവിലെ 6.30ന് കുര്‍ബാന ഡോ. എബ്രഹാം മാര്‍ സേവേറിയോസ്്മെത്രാപ്പോലിത്ത, 8.30ന് കുര്‍ബാന- പെരുന്നാള്‍ സന്ദേശം ശ്രേഷ്ഠ കാതോലിക്ക ബാവയുടെ മുഖ്യകാര്‍മ്മികത്വത്തില്‍, മെത്രാപ്പോലിത്തമാരായ മാത്യൂസ് മാര്‍ ഈവാനിയോസ്, ഏലിയാസ് മാര്‍ യൂലിയോസ് സഹകാര്‍മ്മികരാവും, 10.30ന് നേര്‍ച്ച സദ്യ, ഉച്ചക്ക്് 2ന് പ്രദക്ഷിണം, വൈകിട്ട് 5ന് പള്ളി ഉപകരണങ്ങള്‍ തിരികെ മേമ്പൂട്ടിലേക്ക്, 6ന് സന്ധ്യാനമസ്‌കാരം. 4ന് രാവിലെ 7.30ന് മൂന്നിന്മേല്‍ കുര്‍ബാന ശ്രേഷ്ഠ കാതോലിക്ക ബാവ, ഗീവര്‍ഗീസ മാര്‍ കൂറിയോസ് മെത്രാപ്പോലിത്ത, 9ന് പാച്ചോര്‍ നേര്‍ച്ച,10ന് ആനയുടെ കബര്‍ വണക്കം, വൈകിട്ട് 4ന് കൊടിയിറക്കും.
