കോതമംഗലം: ഇരുചക്ര വാഹന മോഷ്ടാവ് പോലീസ് പിടിയില്‍. കോതമംഗലം തങ്കളം ബൈപ്പാസ് പരിസരത്ത് നിന്ന് ഇരുചക്രവാഹനം മോഷ്ടിച്ച ഇടുക്കി കമ്പംമേട്ട് സ്വദേശി പുളിക്കപിടികയില്‍ റോഷന്‍ ആന്റണി (29) യെയാണ് കോതമംഗലം പോലീസ് അറസ്റ്റു ചെയ്തത്. 24ന് രാത്രി നേര്യമംഗലം സ്വദേശി ബേസില്‍ ബേബി എന്നയാളുടെ സ്‌കൂട്ടര്‍ കോതംഗലം ഭാഗത്ത് നിന്നും മോഷ്ടിച്ചെടുത്ത് പ്രതി കടന്നുകളയുകയായിരുന്ുന. തുടര്‍ന്ന് കോതമംഗലം പോലീസ് ഇന്‍സ്പെക്ടര്‍ ബിജോയി പി.റ്റിക്ക് ലഭിച്ച രഹസ്യ വിവരത്തെ തുടര്‍ന്ന് വ്യാഴാഴ്ച തോപ്പുംപടി ഭാഗത്തു നിന്നുമാണ് പ്രതി അറസറ്റിലായത്. മോഷണം ചെയ്ത സ്‌കൂട്ടറും പോലീസ് കണ്ടെടുത്തു. ഇയാള്‍ക്കെതിരെ വിവിധ സ്റ്റേഷനുകളിലായി 40 ഓളം മോഷണകേസ്സുകളും,ജയില്‍ ഉദ്യാഗസ്ഥരെ ആക്രമിച്ച കേസ്സുകളും,അടിപിടി കേസ്സുകളും നിലവിലുണ്ട്. അന്വേഷണ സംഘത്തില്‍ ,എസ് .ഐ ഷാഹുല്‍ഹമിദ് ,മൊയിദിന്‍കുട്ടി, , എസ് .സി. പി ഒ മാരായ സലിം.പി.ഹസ്സന്‍, സുഭാഷ് ചന്ദ്രന്‍ എന്നിവരാണ് ഉണ്ടായിരുന്നത് .പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു .
