കോതമംഗലം : സംയുക്ത ട്രേഡ് യൂണിയന്റെ ആഭിമുഖ്യത്തില്‍ നടത്തുന്ന 48 മണിക്കൂര്‍ പൊതു പണിമുടക്കിന്റെ ഭാഗമായി രണ്ടാം ദിവസം കോതമംഗലം നഗരത്തില്‍ പ്രകടനവും പൊതുസമ്മേളനവും നടത്തി. ചൊവ്വാഴ്ച രാവിലെ കെ.എസ്.ആര്‍.ടി.സി. ജങ്ങ്ഷനില്‍ നിന്നും ആരംഭിച്ച പ്രകടനം കോതമംഗലം മുനിസിപ്പല്‍ ബസ് സ്റ്റാന്റിനു മുന്നില്‍ എത്തിച്ചേര്‍ന്നതോടെ പൊതുസമ്മേളനം ആരംഭിച്ചു. എ.ഐ.ടി.യു.സി. സംസ്ഥാന വൈസ് പ്രസിഡന്റ് കെ.കെ. അഷറഫ് പൊതുസമ്മേളനം ഉദ്ഘാടനം ചെയ്യ്തു. സി.ഐ.ടി.യു. എരിയ കമ്മറ്റി വൈസ് പ്രസിഡന്റ് പി.പി. മൈതീൻ ഷാ അദ്ധ്യക്ഷനായി. ഐ.എന്‍.ടി.യു.സി. റീജിയണൽ പ്രസിഡന്റ് അബു മൊയ്തീൻ സ്വാഗതം പറഞ്ഞു.
എച്ച്.എം.എസ്. സംസ്ഥാന വൈസ് പ്രസിഡന്റ് മനോജ് ഗോപി , സി.ഐ.ടി.യു. താലൂക്ക് സെക്രട്ടറി സി.പി.എസ്. ബാലന്‍, എ.ഐ.ടി.യു.ഡി. താലൂക്ക് സെക്രട്ടറി എം.എസ്. ജോർജ് , ഐ.എൻ.ടി.യു.സി. നിയോജക മണ്ഡലം ജനറൽ സെക്രട്ടറി റോയി കെ.പോൾ , സീതി മുഹമ്മദ്, ജില്ലാ സെക്രട്ടറി, ചന്ദ്രലേഖ ശശിധരന്‍ , ഷാജി പീച്ചക്കര,കെ.എം.ബഷീർ, കെ.പി.മോഹനൻ , വി.കെ. ജിൻസ്, രാജമ്മ രഘു , എസ്.കെ.എം.ബഷീർ, വിൽസൻ തോമസ് തുടങ്ങിയവർ പ്രസംഗിച്ചു.
ഫോട്ടോ: 48 മണിക്കൂർ പണിമുടക്കിന്റെ രണ്ടാം ദിനം കോതമംഗലം മുനിസിപ്പൽ ബസ് സ്റ്റാന്റിൽ സംയുക്ത ട്രേഡ് യൂണിയൻ താലൂക്ക് സമിതി പൊതുസമ്മേളന ളം എ.ഐ.ടി.യു.സി സംസ്ഥാന വൈസ് പ്രസിഡന്റ് കെ.കെ. അഷറഫ് ഉദ്ഘാടനം ചെയ്യുന്നു.
