കോതമംഗലത്തെ മാധ്യമ പ്രവർത്തകരുടേയും ജനപ്രതിനിധികളുടേയും സംഗമം നടന്നു.

കോതമംഗലം: തങ്കളം റോട്ടറി ഹാളിൽ വച്ച് നടന്ന താലൂക്കിലെ മാധ്യമ പ്രവർത്തകരുടേയും ജനപ്രതിനിധികളുടേയും സംഗമം ഡീൻ കുര്യാക്കോസ് എം.പി ഉദ്ഘാടനം ചെയ്തു. രാവിലെ 10ന് ആരംഭിച്ച സംഗമത്തിൽ താലൂക്കിലെ മുഴുവൻ മാധ്യമപ്രവർത്തകരും പ്രമുഖ ജനപ്രതിനിധികളും പങ്കെടുത്തു. പ്രസ് ക്ലബ് പ്രസിഡൻ്റ് ജോഷി അറക്കൽ അധ്യക്ഷത വഹിച്ച യോഗത്തിൽ പ്രസ് ക്ലബ് കാർഡിൻ്റെ പ്രകാശനം ആൻ്റണി ജോൺ എം.എൽ.എ നിർവഹിച്ചു. ചടങ്ങിൽ കോതമംഗലം പ്രസ് ക്ലബ് അംഗവും ഡോ.അംബേദ്കർ പുരസ്കാര ജേതാവുമായ സിജോ ജീവൻ ടി.വിയെ ഡീൻ കുര്യാക്കോസ് എം.പി പുരസ്കാരം നൽകി ആദരിച്ചു.

ബ്ലോക്ക് പഞ്ചായത്ത് പ്രസിഡൻ്റ് പി.എ.എം ബഷീർ, മുൻസിപ്പൽ ചെയർമാൻ കെ.കെ ടോമി, വൈസ് ചെയർമാൻ, സ്റ്റാൻഡിംഗ് കമ്മിറ്റി ചെയർമാൻമാർ,പഞ്ചായത്ത് പ്രസിഡൻ്റുമാർ, വൈസ് പ്രസിഡൻ്റ്, ജില്ലാ പഞ്ചായത്തംഗങ്ങൾ, ബ്ലോക് പഞ്ചായത്തംഗങ്ങൾ, തുടങ്ങിയവർ ആശംസകൾ അർപ്പിച്ചു. പ്രസ് ക്ലബ് സെക്രട്ടറി സോണി നെല്ലിയാനി വാർത്തകൾ നൽകുന്നതിനെ സംബന്ധിച്ച് ക്ലാസെടുത്തു. ദീപു ശാന്താറാം, ബെന്നി ആർട്ലൈലൈൻ, പി.എ സോമൻ, ജോർജ് കെ.സി.വി ലെത്തീഫ് കുഞ്ചാട്ട്,പി.സി പ്രകാശ്,നിസാർ അലിയാർ, ടാൽ സൻ പി മാത്യു, കെ.പി കുര്യാക്കോസ്, കെ.എ സൈനുദ്ദീൻ എന്നിവർ സംഗമത്തിന് നേതൃത്വം നൽകി.