NEWS
സത്യസന്ധനായ പൊലീസ് ഉദ്യോഗസ്ഥനെ ബലിയാടക്കിയ നടപടിക്ക് എതിരെ നഗരത്തിൽ ഫ്ലക്സ് ബോർഡുകൾ.

കോതമംഗലം : മുഖം നോക്കാതെ നടപടിയെടുത്തതിന്റെ പേരിൽ കോതമംഗലം സർക്കിൾ ഇൻസ്പെക്ടറിനെ സ്ഥലം മാറ്റിയതിൽ പ്രതിഷേധിച്ചും, ഭരണവർഗ്ഗങ്ങൾക്ക് അടിമപെടാതെ സത്യസന്ധമായ നിലപാടെടുത്ത സി ഐ ബേസിൽ തോമസിന് അഭിനന്ദനങ്ങൾ അറിയിച്ചും പൗരാവലിയുടെ പേരിൽ കോതമംഗലം താലൂക്കിലെ വിവിധ ഭാഗങ്ങളിൽ ഫ്ലക്സ് ബോർഡകൾ സ്ഥാപിച്ചു.
കർത്തവ്യ നിർവ്വഹണത്തിൽ ഏർപ്പിട്ടിരുന്ന പിണ്ടിമന ഗ്രാമപഞ്ചായത്ത് സെക്രട്ടറിയെ ഓഫീസിൽ കയറി മർദ്ദിക്കുകയും അദേഹത്തിന്റെ മൂക്കിന്റെ പാലത്തിന് പരിക്കേല്പിക്കുകയും ചെയ്ത സിപിഎം ലോക്കൽ കമ്മിറ്റി സെക്രട്ടറി സഹിതമുള്ള പ്രതികളെ സംഭവ സ്ഥലത്ത് നിന്നും സി ഐ യുടെ നേതൃത്വത്തിൽ അറസ്റ്റ് ചെയ്ത് കോടതിയിൽ ഹാജരാക്കുകയും, കോടതി പ്രതികളെ റിമാൻഡ് ചെയ്ത് മുവാറ്റുപുഴ ജയിലിലടക്കുകയുമായിരുന്നു.
പ്രതികളെ കസ്റ്റടിയിലെടുത്ത് സ്റ്റേഷനിലെത്തിച്ച ഉടൻ സിപിഎം ജില്ലാ സംസ്ഥാന നേതാക്കൾ സ്റ്റേഷനിലെത്തി പ്രതികളെ വിട്ട് നൽകണമെന്നും സ്റ്റേഷൻ ജാമ്യം നൽകി വിട്ടയകാണമെന്നും ആവശ്യപ്പെട്ട് ഭരണ തലത്തിൽ സി ഐ ക്ക് മേൽ സമ്മർദ്ദം ചെലുത്തിയിരുന്നു. എന്നാൽ താൻ സത്യസന്ധമായ നിലപാടേ ഇക്കാര്യത്തിൽ എടുക്കൂ എടുക്കൂ എന്നും പ്രതികളെ വിട്ടായിക്കില്ലെന്നും സി ഐ ഉറച്ച നിലപാടെടുത്തു. സി ഐ ക്ക് എതിരെ സിപിഎം ന്റെ നേതൃത്വത്തിൽ പൊതുയോഗം സംഘടിപ്പിക്കുകയും പൊതുയോഗത്തിൽ സി ഐ ക്ക് എതിരെ അസഭ്യവർഷം ചൊരിയുകയും ചെയ്തിരുന്നു.
സിപിഎം ലോക്കൽ സെക്രട്ടറിയും, ഏരിയ കമ്മിറ്റി നേതാവും സഹിതമുള്ളവർക്കെതിരെ നട്ടെല്ല് വളയ്ക്കാതെ നിലപാടെടുത്ത സി ഐ യെ തൃശ്ശൂർ റൂറലിലേക്കാണ് സ്ഥലം മാറ്റിയത്.
ഇത്തരം പ്രവർത്തികൾ പോലീസിന്റെയും സ്തുത്യർഹമായ സേവനം ചെയ്യുന്ന ഉദ്യോഗസ്ഥരുടെയും മനോവീര്യം തർക്കുമെന്നും, ഭരണ വർഗ്ഗത്തിന്റെ ഒത്താശക്ക് കൂട്ട് നിൽക്കാത്തതിന്റെ പേരിൽ സി ഐ യെ സ്ഥലം മാറ്റിയതിൽ വലിയ പ്രതിഷേധമാണ് നാട്ടിൽ ഉയർന്നിട്ടുള്ളത്.
ഭരണവർഗ്ഗത്തിന്റെ നടപടിയിൽ പ്രതിഷേധിച്ചും, സി ഐ ക്ക് അഭിനന്ദനങ്ങൾ അറിയിച്ചും നിരവധി ഫ്ലക്സ് ബോർഡുകളാണ് താലൂക്കിന്റെ വിവിധ ഭാഗങ്ങളിൽ പൗരാവലിയുടെ പേരിൽ ഉയർന്നിട്ടുള്ളത്.
NEWS
മണിക്കിണർ പാലം നിർമ്മാണത്തിന്റെ തുടർ നടപടികൾ വേഗത്തിലാക്കും: മന്ത്രി പി എ മുഹമ്മദ് റിയാസ് നിയമസഭയിൽ.

കോതമംഗലം : മണിക്കിണർ പാലം നിർമ്മാണത്തിന്റെ തുടർ നടപടികൾ വേഗത്തിലാക്കുമെന്ന് മന്ത്രി പി എ മുഹമ്മദ് റിയാസ് നിയമസഭയിൽ വ്യക്തമാക്കി.ഇതു സംബന്ധിച്ച ആന്റണി ജോൺ എം എൽ എ യുടെ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം അറിയിച്ചത്.ഒന്നാം പിണറായി സർക്കാരിന്റെ അവസാന കാലഘട്ടത്തിൽ 928 ലക്ഷം രൂപയുടെ ഭരണാനുമതി നല്കിയ പല്ലാരിമംഗലം പഞ്ചായത്തിലെ മണിക്കിണർ പാലത്തിന്റെ നിർമ്മാണവുമായി ബന്ധപ്പെട്ട് റവന്യൂ വകുപ്പിൽ നിന്നും അനുമതി ലഭ്യമായിട്ടുള്ളത് എം എൽ എ സഭയുടെ ശ്രദ്ധയിൽപെടുത്തി.
പല്ലാരിമംഗലത്ത് നിന്നും സമീപ പഞ്ചായത്തുകളായ കവളങ്ങാട്,പോത്താനിക്കാട്,പൈങ്ങോട്ടൂർ പഞ്ചായത്തുകളിലേക്കും ഇടുക്കി ജില്ലയിലേക്കും എളുപ്പത്തിൽ എത്തിച്ചേരുവാൻ സഹായകരമായതും,പ്രദേശത്തിന്റെ വികസനത്തിന് വലിയ സാധ്യതയും ഉള്ളതായ പ്രസ്തുത പാലത്തിന്റെ സ്ഥലമേറ്റെടുപ്പ് നടപടികൾ വേഗത്തിലാക്കി സാങ്കേതിക അനുമതി നല്കി ടെണ്ടർ നടപടികൾ പൂർത്തീകരിച്ച് പാലം നിർമ്മാണം വേഗത്തിലാക്കണമെന്ന് എം എൽ എ നിയമസഭയിൽ ആവശ്യപ്പെട്ടു.കോതമംഗലം മണ്ഡലത്തിലെ പല്ലാരിമംഗലം പഞ്ചായത്തിൽ മണിക്കിണർ പാലം നിർമ്മാണത്തിന് 19-2-21 ലെ സഉ(സാധാ ) നം.253/2021 പൊ മ വ പ്രകാരം 928 ലക്ഷം രൂപയുടെ ഭരണാനുമതി നല്കിയിരുന്നു.സ്ഥലമെടുപ്പ് നടപടികൾക്കായി റവന്യൂ വകുപ്പിൽ നിന്നും ഉത്തരവ് ലഭിച്ചതിനെ തുടർന്ന് ജില്ലാ കളക്ടർക്ക് അർത്ഥനാ പത്രം സമർപ്പിക്കുകയും സ്ഥലമെടുപ്പ് നടപടികൾക്കായി സ്പെഷ്യൽ തഹസിൽദാർ എൻ.എച്ച്. No 1 കാക്കനാടിന് ആവശ്യപ്പെട്ട തുക കൈമാറുകയും ചെയ്തിട്ടുണ്ട്.
സ്ഥലമേറ്റെടുപ്പ് നടപടികൾ റവന്യൂ വകുപ്പ് മുഖേന പുരോഗമിച്ച് വരുന്നു.സ്ഥലമേറ്റെടുക്കൽ പൂർത്തിയാകുന്ന മുറയ്ക്ക് സാങ്കേതിക അനുമതി ലഭ്യമാക്കി ടെണ്ടർ നടപടികൾ പൂർത്തിയാക്കി പ്രവർത്തി ആരംഭിക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ആന്റണി ജോൺ എം എൽ എ യെ നിയമസഭയിൽ അറിയിച്ചു.
NEWS
വിവാഹത്തിൽ പങ്കെടുക്കാൻ കൂട്ട അവധി; കോതമംഗലം സിവിൽ സ്റ്റേഷനിലെ ജീവനക്കാരുടെ നടപടി വിവാദത്തിൽ

കോതമംഗലം : സർക്കാർ ഓഫീസിൽ കൂട്ട അവധിയിൽ വലഞ്ഞ് ജനങ്ങൾ. കോതമംഗലം മിനി സിവിൽ സ്റ്റേഷനിൽ പ്രവർത്തിക്കുന്ന താലൂക്ക് ഓഫീസിലേയും വില്ലേജ് ഓഫീസിലേയും ജീവനക്കാർ കൂട്ട അവധിയെടുത്തതോടെയാണ് ജനങ്ങൾ വലഞ്ഞത്. ജീവനക്കാരുടെ കൂട്ട അവധി ഓഫിസ് പ്രവർത്തനങ്ങൾ താളം തെറ്റിച്ചതായി പരാതിയിൽ പറയുന്നു. താലൂക്ക് റവന്യൂ ഉദ്യോഗസ്ഥൻ്റെ വിവാഹത്തിൽ പങ്കെടുക്കുന്നതിനു വേണ്ടിയായിരുന്നു ജീവനക്കാർ അവധിയെടുത്തത്.
താലൂക്ക് ഓഫീസിൽ മതിയായ ഉദ്യോഗസ്ഥരില്ലാതിരുന്നത് ഇന്നലെ ആവശ്യങ്ങൾക്കായെത്തിയ ആളുകൾ നിരാശയോടെ മടങ്ങുന്നതിന് കാരണമായി. 71 ജീവനക്കാരുള്ള താലൂക്ക് ഓഫീസിൽ നിന്ന് 35 ൽ പരം ജീവനക്കാരാണ് വിവാഹത്തിൽ പങ്കെടുക്കാനായി അവധിയെടുത്തത്. കൂടാതെ അഞ്ച് ജീവനക്കാരുടെ കുറവും ഓഫീസിലുണ്ടായിരുന്നു. ആകെ 27 പേരാണ് താലൂക്ക് ഓഫീസിൽ ഹാജരായത്.
കൂടാതെ കളക്ടറുടെ അനുമതിയോടെയാണ് ജീവനക്കാർ അവധിയെടുത്തതെന്നും തഹസിൽദാർ റേച്ചൽ കെ വർഗീസ് വിശദീകരിച്ചു. ഒപ്പം ഓഫീസ് സേവനങ്ങൾക്ക് തടസ്സം വരാത്ത രീതിയിൽ ക്രമീകരണം ഏർപ്പെടുത്തിയിരുന്നതായും തഹസിൽദാർ പറഞ്ഞു. എന്നാൽ ഇത്രയധികം ജീവനക്കാർ കൂട്ട അവധിയെടുത്തത് വിവാദത്തിന് വഴിവെച്ചു. കൂട്ട അവധിയെടുത്തതിന് ഉദ്യോഗസ്ഥരോട് മേലുദ്യോഗസ്ഥൻ വിശദീകരണം ആവശ്യപ്പെട്ടിട്ടുണ്ട്.
NEWS
നവീകരിച്ച പാലമറ്റം – കൂവപ്പാറ റോഡ് ഉദ്ഘാടനം ചെയ്തു.

കോതമംഗലം : ജില്ലാ പഞ്ചായത്തിന്റെ 20 ലക്ഷം രൂപ അനുവദിച്ച് നിർമ്മാണം പൂർത്തീകരിച്ച കീരംപാറ പഞ്ചായത്ത് ആറാം വാർഡിലെ പാലമറ്റം – കൂവപ്പാറ കോളനി റോഡ് ഉദ്ഘാടനം ചെയ്തു.പഞ്ചായത്ത് പ്രസിഡന്റ് മാമച്ചൻ ജോസഫ് അധ്യക്ഷത വഹിച്ച ചടങ്ങിൽ റോഡിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു. ജില്ലാ പഞ്ചായത്ത് മെമ്പർ കെ കെ ദാനി,പഞ്ചായത്ത് വൈസ് പ്രസിഡന്റ് ബീന റോജോ,ബ്ലോക്ക് പഞ്ചായത്ത് മെമ്പർ ജോമി തെക്കേക്കര,പഞ്ചായത്ത് മെമ്പർമാരായ വി സി ചാക്കോ,ഷാന്റി ജോസ്,സിനി ബിജു,ജിജോ ആന്റണി,മഞ്ചു സാബു,ബേസിൽ ബേബി,വിവിധ രാഷ്ട്രീയ പാർട്ടി നേതാക്കൾ,പ്രദേശവാസികൾ എന്നിവർ ചടങ്ങിൽ പങ്കെടുത്തു.
-
CRIME1 week ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
CRIME3 days ago
കോതമംഗലത്ത് വൻ ഹെറോയിൻ വേട്ട
-
CRIME1 week ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
ACCIDENT7 days ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
CRIME3 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
AGRICULTURE5 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
Business1 week ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം
-
AGRICULTURE3 days ago
പിണ്ടിമനയിലും തണ്ണീർമത്തൻ വസന്തം