കോതമംഗലം : യാക്കോബായ സുറിയാനി സഭയുടെ അങ്കമാലി ഭദ്രാസനത്തിലെ കോതമംഗലം മേഖലയിലെ വൈദീകനായിരുന്ന വലിയകുന്നേൽ ബഹു. സെബി എൽദോസ് കശീശയുടെ ഭൗതീക ദേഹം വെല്ലൂരിൽ നിന്ന് ഇന്ന് വൈകിട്ടോടെ (5/1/2022) കോതമംഗലത്ത് എത്തിക്കും. ഭൗതികശരീരം കോതമംഗലം മൗണ്ട് സീനായ് കാതോലിക്കേറ്റ് അരമനയിലെ മോർ ബസേലിയോസ് കത്തീഡ്രലിലേക്കാണ് എത്തിക്കുക.
മരണാനന്തര ശുശ്രുഷകൾ നാളെ (6/1/2022) രാവിലെ 10മണിക്ക് മൗണ്ട് സീനായ് മോർ ബസേലിയോസ് കത്തീഡ്രലിൽ ആരംഭിച്ച് തുടർന്ന് വൈകിട്ട് 3ന് ചെറിയപള്ളി , വലിയപള്ളി എന്നിവടങ്ങളിൽ എത്തിച്ച് വിടവാങ്ങൽ ശുശ്രുഷക്ക്‌ശേഷം, അച്ചൻ താമസിച്ച ഭവനത്തിൽ കയറ്റി വെള്ള വിരിച്ച് പ്രാർത്ഥന നടത്തി ഇടവകയായ പിണ്ടിമന സെന്റ് ജോൺസ് യാക്കോബായ സുറിയാനി പള്ളിയിൽ സമാപന ശുശ്രുഷക്ക്‌ശേഷം കബറടക്കം.
വന്ദ്യ പുരോഹിതന് കോതമംഗലം വാർത്തയുടെ ആദരാജ്ഞലികൾ.
