കോതമംഗലം :കിടപ്പുരോഗികൾക്ക് സ്വാന്തനമായി അഡ്വ :ഡീൻ കുര്യാക്കോസ് എംപി യുടെ പ്രാദേശിക വികസന പദ്ധതിയിൽ നിന്നും കോതമംഗലം നിയോജകമണ്ഡലത്തിലെ വിവിധ തദ്ദേശസ്വയംഭരണ സ്ഥാപനങ്ങൾക്ക് അനുവദിച്ചിട്ടുള്ള പാലിയേറ്റിവ് കെയർ വാഹനങ്ങളുടെ താക്കോൽ ദാനം കോതമംഗലം ഗാന്ധി സ്ക്വയറിൽ അഡ്വ :ഡീൻ കുര്യാക്കോസ് എം പി ഉത്‌ഘാടനം നിർവഹിച്ചു .
കോതമംഗലം താലൂക്ക് ആശുപത്രി ,കോട്ടപ്പടി കുടുംബാരോഗ്യ കേന്ദ്രം ,കീരംപാറ പ്രാഥമിക ആരോഗ്യ കേന്ദ്രം ,നേര്യമംഗലം കുടുംബാരോഗ്യ കേന്ദ്രം തുടങ്ങിയ ആശുപത്രി പാലിയേറ്റീവ് കെയറിനാണു വാഹനം കൈമാറിയത് .ഇടുക്കി പാർലമെന്റ് മണ്ഡലത്തിൽ കോവിഡ് പ്രതിരോധത്തിന് ഉപകരണങ്ങൾ വാങ്ങുന്നതിലേക്ക് അനുവദിച്ച ഒന്നര കോടി രൂപയിൽ ചിലവഴിക്കാൻ കഴിയാത്ത ബാക്കി തുക ഉപയോഗിച്ചാണ് പദ്ധതി നടപ്പാക്കിയത് .ആരോഗ്യ മേഘലയിൽ പൊതു ജനപങ്കാളിത്തത്തോടെ കൂടുതൽ പദ്ധതികൾ ആവിഷ്കരിക്കുമെന്ന് ഉത്‌ഘാടനം നിർവഹിച്ചു ഡീൻ കുര്യാക്കോസ് എം .പി പറഞ്ഞു .
ചടങ്ങിൽ മുൻസിപ്പൽ ചെയർപേഴ്സൺ മഞ്ജു സിജു അധ്യക്ഷയായി .റ്റി യു കുരുവിള എക്സ് എം എൽ എ ,കെ പി ബാബു ,എ ജി ജോർജ് ,എബി എബ്രഹാം ,ഷമീർ പനക്കൽ ,എം കെ വേണു ,ബെന്നി പോൾ ,ബീന ബെന്നി ,പ്രിൻസ് വര്‍ക്കി ,ഷൈജന്റ് ചാക്കോ ,പി എ ബാദുഷ ,ഷിബു കുര്യാക്കോസ് ,അനൂപ് ജോർജ് ,അനൂപ് കാസ്സിം ,പി റ്റി ഷിബി തുടങ്ങിയവർ പ്രസംഗിച്ചു.
