Connect with us

Hi, what are you looking for?

EDITORS CHOICE

പന്തുരുട്ടി വീരഗാഥ രചിക്കാൻ സെവൻസ് ടീം; കേരളത്തിന്റെ ഗോൾ വല കാത്ത കരുത്തുമായി ഒരു കുടുംബം.

കോതമംഗലം: നഗരസഭയിൽ പന്തുരുട്ടി വീരഗാഥ രചിക്കാൻ സെവൻസ് ടീം . തിരഞ്ഞെടുപ്പിൽ താരം ഫുട്ബോളാണ്. ‌ ഏഴ് സി.പി.എം. സ്വതന്ത്രമാരാണ് ഫുട്ബോൾ ചിഹ്നത്തിൽ കോതമംഗലം നഗരസഭയിൽ മാറ്റുരക്കുന്നത്. തിരഞ്ഞെടുപ്പ് ഗോദയിൽ ഫുട്‌ബോൾ പ്രേമികളും കളിക്കാരുമായ പലരും സ്ഥാനാർഥികളാണ്.

2005 മുതൽ 2010 വരെ കേരള സന്തോഷ് ട്രോഫി ടീമിൽ കേരളത്തിന്റെ ഗോൾവല കാത്ത ജിനേഷ് തോമസ് ഈ തിരഞ്ഞെടുപ്പിൽ സജീവമാണ്. കാരണം ജിനേഷിൻ്റെ ഭാര്യ മത്സര രംഗത്തുണ്ട്, തിരഞ്ഞെടുപ്പു ചിഹ്നം ഫുട്ബോൾ ആണ് . നഗരസഭ പതിനാനാറാം വാർഡിലാണ് സിജി ജിനേഷ് മത്സരിക്കുന്നത്. മാറഡോണയുടെ കടുത്ത ആരാധകനും നിലവിലെ നഗരസഭ കൗൺസിലറുമായ കെ.വി തോമസ് ഹാട്രിക് വിജയത്തിനായി എട്ടാം വാർഡിൽ വീണ്ടും ജനവിധി തേടുന്നു.

ODIVA

എം.എ. കോളേജ് ഗ്രൗണ്ടിൽ 25 വർഷമായി മുടങ്ങാതെ ഫുട്‌ബോൾ പരിശീലിക്കുന്ന വെറ്ററൻ താരം കൂടിയാണ് തോമസ് ,നഗരസഭ നാലാം വാർഡിൽ എൽദോസ് പോളും അഞ്ചിൽ സിജി രാജും ഒമ്പതിൽ രമ്യ വിനോദും 11-ൽ റോസിലി ഷിബുവും 14-ൽ സൗമ്യ ജോണും സി.പി.എം. സ്വതന്ത്രരായി ഫുട്ബോൾ ചിഹ്നത്തിൽ മത്സരിക്കുന്നുണ്ട്. ഇവരുടെയെല്ലാം ഇഷ്ടവിനോദം ഫുട്ബോളാണ് . അതു കൊണ്ടാണ് രണ്ടാമതൊന്ന് ആലോചിക്കാതെ ഇവരെല്ലാം ഫുട്ബോൾ ചിഹ്നം തിരഞ്ഞെടുത്തത്. എതിരാളിയുടെ പോസ്റ്റിലേക്ക് ഫുട്ബോൾ പായിച്ച് വിജയ കൊടി പാറിക്കുമെന്ന വിശ്വാസത്തിലാണ് ഈ സെവൻസ് ടീം.

You May Also Like

NEWS

കോതമംഗലം: കോതമംഗലം താലൂക്കിലെ പല പ്രദേശങ്ങളിലും ഡെങ്കിപ്പനി വ്യാപകം. താലൂക്ക് ആശുപത്രിയിലും മറ്റ് സ്വകാര്യ ആശുപത്രികളിലും ചികിത്സക്കായി എത്തുന്ന ഡെങ്കിപ്പനി ബാധിതരുടെ എണ്ണം ഓരോ ദിവസവും വര്‍ധിക്കുന്നുണ്ട്. നിരവധി പേരെ കിടത്തി ചികിത്സയ്ക്ക്...

NEWS

കോതമംഗലം : കൊച്ചി – ധനുഷ്കോടി ദേശീയ പാതയിൽ നേര്യമംഗലത്ത് മരം വീണ് ഗതാഗതം തടസ്സപ്പെട്ടു. ശനി വൈകിട്ട് 3 മണിക്കാണ് മരം വീണത്. ഒരു മണിക്കൂറോളം ഗതാഗത തടസം നേരിട്ടു.കോതമംഗലത്ത് നിന്നും...

NEWS

കവളങ്ങാട്: കേരള കർഷകസംഘം പൈങ്ങോട്ടൂർ വില്ലേജ് കമ്മിറ്റിയുടെ നേതൃത്വത്തിൽ ചാത്തമറ്റം ഫോറസ്റ്റ് ഓഫീസിലേക്ക് മാർച്ചും ധർണയും നടത്തി. ചാത്തമറ്റം സ്കൂൾ ജംഗ്ഷനിൽ നിന്നും ആരംഭിച്ച മാർച്ച് സിപിഐ എം ഏരിയാ സെക്രട്ടറി ഷാജി...

NEWS

കുട്ടമ്പുഴ: പഞ്ചായത്തിലെ നാല് അങ്കണവാടി ജീവനക്കാർക്ക് യാത്രയയപ്പ് നൽകി. കൂറ്റാംപാറ അങ്കണവാടി വർക്കർ ശാരദ എം റ്റി, സത്രപ്പടി അങ്കണവാടി വർക്കർ ട്രീസാമോൾ പി എസ്, വടാട്ടുപാറ റോക്ക് ജംഗ്ഷൻ അങ്കണവാടി ഹെൽപ്പർ...