കോതമംഗലം : എം എ ഇന്റർനാഷണൽ സ്കൂളിന്റെ വാർഷികാഘോഷം വിപുലമായ പരിപാടികളോടെ നടന്നു. ക്രൈം ബ്രാഞ്ച് എസ് പി (ഇടുക്കി )കെ എം ജിജിമോൻ വാർഷികാഘോഷ പരിപാടികൾ ഉദ്ഘാടനം ചെയ്തു മുഖ്യപ്രഭാഷണം നടത്തി. അക്കാദമിക മികവിനൊപ്പം അതിജീവനത്തിന്റെ പാത കൂടി കുട്ടികൾക്ക് പരിചയ പ്പെടുത്തേണ്ടതുണ്ടെന്നും മാതാ – പിതാക്കളുടെയും ഗുരുക്കന്മാരുടെയും സ്‌നേഹം തിരിച്ചറിയപ്പെടാതെ പോകുന്നതാണ് കുട്ടികളെ അപഥസഞ്ചാരത്തിലേക്ക് നയിക്കുന്നത് എന്നും അദ്ദേഹം തന്റെ പ്രഭാഷണത്തിൽ ഏവരെയും ഓർമപ്പെടുത്തി.
2021-22അധ്യയന വർഷത്തിൽ ഐ സി എസ് സി പരീക്ഷകളിൽ സംസ്ഥാനതലത്തിൽ മൂന്നാം സ്ഥാനവും ദേശീയതലത്തിൽ നാലാം സ്ഥാനവും നേടിയ( 99.2%)ജോഷ്ബീ ബിന്നി, നയന ഷാജി മേക്കുന്നേൽ എന്നീ വിദ്യാർത്ഥികളെ ആദരിച്ചു. കൂടാതെ കലാ -കായിക -അക്കാദമിക മത്സരങ്ങളിൽ വിജയം കരസ്ഥമാക്കിയവർക്കുള്ള സമ്മാനദാനവും നടത്തി.
സ്കൂൾ പ്രിൻസിപ്പൽ ശ്രീമതി. അനിതാ ജോർജ് അധ്യക്ഷത വഹിച്ച ചടങ്ങിൽ സ്കൂൾ ഹെഡ് ഗേൾ മരിയ സിജു സ്വാഗതവും ഹെഡ് ബോയ് ഡാനിയേൽ മാത്യു നന്ദിയും രേഖപ്പെടുത്തി. എം എ കോളേജ് അസോസിയേഷൻ വൈസ് ചെയർമാൻ ശ്രീ. എ ജി ജോർജും മറ്റു ബോർഡ്‌ മെമ്പേഴ്സും ചടങ്ങിൽ സന്നിഹിതരായിരുന്നു.
