കോതമംഗലം : കോതമംഗലം എം. എ. കോളേജ് സ്പോർട്സ് സ്റ്റേഡിയത്തിൽ നടന്ന എറണാകുളം റവന്യൂ ജില്ലാ സ്കൂൾ കായിക മേളയിൽ മിന്നി തിളങ്ങി കോതമംഗലം ഉപ ജില്ലാ. കോതമംഗലത്തെ മാർ ബേസിൽ ഹയർ സെക്കണ്ടറി സ്കൂളാണ് ചാമ്പ്യൻമാർ . 21 സ്വർണ്ണം,15 വെള്ളി,11വെങ്കലം എന്നിവ നേടി 151 പോയിന്റ് നേടിയാണ് മാർ ബേസിൽ സ്കൂൾ ജില്ലാ കായിക മേളയിൽ വിജയക്കൊടി നാട്ടിയത്. നിലവിലെ സംസ്ഥാന ചാമ്പ്യൻ സ്കൂളാണ് മാർ ബേസിൽ.12 സ്വർണ്ണം,11 വെള്ളി,4 വെങ്കലം നേടി കോതമംഗലത്തെ തന്നെ മാതിരപ്പിള്ളി ഗവ. വൊക്കേഷണൽ ഹയർ സെക്കണ്ടറി സ്കൂൾ 97 പോയിന്റുമായി രണ്ടാം സ്ഥാനത്തുണ്ട്.5 സ്വർണ്ണം,6 വെള്ളി,6 വെങ്കലം നേടി 49 പോയിന്റുമായി മണീട് ഗവ. ഹൈ സ്കൂൾ മൂന്നാം സ്ഥാനത്തുമാണ്.എസ്. എച്. ഓർഫനെജ് ഹൈസ്കൂൾ മൂക്കന്നൂർ ആണ് നാലാം സ്ഥാനത്തുള്ളത്. അവർക്ക് 6 സ്വർണ്ണം,3 വെള്ളി,2 വെങ്കലം എന്നിവ നേടി 41പോയിന്റ് ഉണ്ട്.
ഉപ ജില്ലയിൽ കോതമംഗലം ഉപ ജില്ലാ 45 സ്വർണ്ണം,35 വെള്ളി,17 വെങ്കലം നേടി 375 പോയിന്റ് മായി ഒന്നാമതും,10 സ്വർണ്ണം,10 വെള്ളി,10 വെങ്കലം നേടി അങ്കമാലി സബ് ജില്ലാ 93 പോയിന്റ് നേടി രണ്ടാമതുമാണ്.7 സ്വർണ്ണം,9 വെള്ളി,9 വെങ്കലം നേടി 88 പോയിന്റുമായി പിറവം മൂന്നാമതുമാണ്.10 സ്വർണ്ണം,9 വെള്ളി,6 വെങ്കലം നേടി എറണാകുളം ഉപ ജില്ലയാണ് 4 സ്ഥാനത്ത്.സമാപന സമ്മേളനം ഡീൻ കുര്യാക്കോസ് എം.പി. ഉദ്ഘാടനം ചെയ്യുതു.കോതമംഗലം മുൻസിപ്പൽ ചെയർമാൻ കെ കെ. ടോമി അധ്യക്ഷത വഹിച്ചു. ജില്ലാ പഞ്ചായത്ത്‌ പ്രസിഡന്റ് ഉല്ലാസ് തോമസ്,എറണാകുളം ഡി. ഡി. ഇ. ഹണി. ജി. അലക്സാണ്ടർ,മുൻസിപ്പൽ കൗൺസിൽ അംഗങ്ങൾ, സാമൂഹിക, രാഷ്ട്രിയ, വിദ്യാഭ്യാസ മേഖലയിൽ ഉൾപ്പെടെയുള്ള നിരവധി പേർ ചടങ്ങിൽ സംബന്ധിച്ചു.

കോതമംഗലം :കോതമംഗലത്തു നടന്ന നാലാമത് മാർ അത്തനേഷ്യസ് ചാമ്പ്യൻഷിപ്പിൽ എം. എ. ഇന്റർനാഷണൽ സ്കൂൾ ഓവറോൾ ചാമ്പ്യന്മാരായി.40 പോയിന്റ് നേടിയാണ് എം. എ. സ്കൂളിന്റെ വിജയം. സെൻറ്. പീറ്റേഴ്സ് സീനിയർ സെക്കന്ററി സ്കൂൾ കടയിരിപ്പ് .(38 പോയിന്റ് ), കാക്കനാട് രാജഗിരി ക്രിസ്തുജയന്തി (26 പോയിന്റ് )സ്കൂളുകൾ യഥാക്രമം രണ്ടും, മൂന്നും സ്ഥാനങ്ങൾ നേടി .ഓവറോൾ കിരീടം നേടിയ എം. എ. ഇന്റർനാഷണൽ സ്കൂളിന് 25,000 രൂപ ക്യാഷ്പ്രൈസും ട്രോഫിയും, രണ്ടാം സ്ഥാനം നേടിയ സെന്റ്. പീറ്റേഴ്സ് സ്കൂളിന് 20,000 രൂപ ക്യാഷ്പ്രൈസും ട്രോഫിയും, മൂന്നാം സ്ഥാനം നേടിയ രാജഗിരി സ്കൂളിന് 15,000 രൂപ ക്യാഷ്പ്രൈസും സമ്മാനിച്ചു. കൂടാതെ ഓരോ മത്സരയിനങ്ങളിലും ചാമ്പ്യന്മാരായവർക്ക് 10,000 രൂപ ക്യാഷ്പ്രൈസും ട്രോഫിയും, രണ്ടാം സ്ഥാനക്കാർക്ക് 5,000 രൂപ ക്യാഷ്പ്രൈസും നൽകി.ആകെ 2,50,000 രൂപയാണ് ചാമ്പ്യൻഷിപ്പിൽ ക്യാഷ്പ്രൈസായി നൽകിയത്.

കരാട്ടെയിലും,അത്ലറ്റിക്സ് ബോയ്സിലും, ഫുട്ബോൾ അണ്ടർ 14 ലിലും സെന്റ്. പീറ്റേഴ്സ് സീനിയർ സെക്കന്ററി സ്കൂൾ, കടയിരുപ്പ് ചാമ്പ്യന്മാരായി. ആർച്ചറിയിലും ഷൂട്ടിങ്ങിലും ആതിഥേയരായ എം. എ സ്കൂളും,ബാസ്കറ്റ്ബോൾ ബോയ്സിൽ കാർമ്മൽ വാഴക്കുളവും, ഗേൾസിൽ ടോക് എച്ച് വൈറ്റിലയും വിജയിച്ചു.ബാഡ്മിന്റൺ ബോയ്സിൽ ഭവൻസ് വിദ്യാമന്ദിർ ഏരൂറും, ഗേൾസിൽ ഭവൻസ് വിദ്യാമന്ദിർ ഇളമക്കരയും വിജയിച്ചു. അത്ലറ്റിക്സ് ഗേൾസിൽ വിദ്യോദയ സ്കൂൾ തേവക്കലും, ഫുട്ബാൾ അണ്ടർ 17-നിലും, ക്രിക്കറ്റിലും രാജഗിരി ക്രിസ്തുജയന്തി കാക്കനാടും, സ്വിമ്മിങ്ങിൽ വിശ്വജ്യോതി സ്കൂൾ അങ്കമാലിയും ചാമ്പ്യന്മാരായി. ബസേലിയോസ് പൗലോസ് ഇൻഡോർ സ്റ്റേഡിയത്തിൽ നടന്ന സമാപനസമ്മേളനത്തിൽ എം. എ.. ആർട്സ് കോളേജ് പ്രിൻസിപ്പൽ ഡോ. ഡെൻസിലി ജോസും,സ്കൂൾ പ്രിൻസിപ്പൽ അനിതാ ജോർജും ചേർന്ന് സമ്മാനദാനം നിർവഹിച്ചു.

കോതമംഗലം : കേരളത്തിലെ ഏറ്റവും വലിയ കട്ടൗട്ട് എന്ന് അവകാശപ്പെട്ടുകൊണ്ട് കോട്ടപ്പടിയിലെ പോർച്ചുഗൽ ആരാധകർ. റൊണാൾഡോയുടെ ഏറ്റവും വലിയ കട്ടൗട്ടർ എന്ന് അവകാശപ്പെട്ടുകൊണ്ട് എറണാകുളം ജില്ലയിലെ കോട്ടപ്പടി പഞ്ചായത്തിലെ ഒരുപറ്റം പോർച്ചുഗൽ ആരാധകരായ ചെറുപ്പക്കാരാണ് സ്ഥാപിച്ചിരിക്കുന്നത്. ലോകകപ്പ് ഫുട്ബോൾ പടിവാതിൽക്കൽ വന്നിരിക്കുന്ന സാഹചര്യത്തിൽ വിവിധ രാജ്യങ്ങളുടെയും കളിക്കാരുടെയും ഫാൻസുകാർ കൊടിതോരണങ്ങളും ഫ്ളക്‌സുകളുമാണ് പോരാട്ട വീര്യത്തോടെ പാതയോരങ്ങളിൽ സ്ഥാപിച്ചിരിക്കുന്നത്.

ഒരാഴ്ചയോളം നീണ്ടുനിന്ന കഠിനാധ്വാനത്തിന്റെ ഫലമായാണ് പോർച്ചുഗൽ ഫാൻസുകാർക്ക് 80 അടിയോളം ഉയരമുള്ള കൂറ്റൻ കട്ടൗട്ട് സ്ഥാപിക്കാനായത്. ക്രയിൻ ഉപയോഗിച്ചാണ് കട്ടൗട്ട് സ്ഥാപിച്ചത്. കൃഷിയിടത്തിലെ തെങ്ങിനേക്കാൾ ഉയരത്തിലാണ് കട്ടൗട്ട് നിലകൊള്ളുന്നത്. ഫുട്ബോളിനെ ജീവശ്വാസത്തെക്കാൾ വലുതായി സ്നേഹിക്കുന്ന ഒരുപറ്റം ചെറുപ്പക്കാരാണ് കോട്ടപ്പടി തുരങ്കം കവലയിൽ ലോകകപ്പിന്റെ ആവശമുൾക്കൊണ്ടുകൊണ്ട് തങ്ങളുടെ ടീമിന്റെ വിജയം ആശംസിച്ചുകൊണ്ട് നാട്ടുവഴികൾ പോലും ഫുട്ബോൾ ആവേശത്തിൽ നിറക്കുന്നത്.

പോർച്ചുഗൽ ആരാധകരോട് കിടപിടിക്കുന്ന രീതിയിൽ ഹോളണ്ടിന്റെയും അർജന്റീനയുടെയും ഫ്രാൻസിന്റെയും ആരാധകർ അവരവരുടെ ടീമുകളുടെ വലിയ പോസ്റ്ററുകളാണ്കോട്ടപ്പടി പാനിപ്രയുടെ വഴിയോരങ്ങളിൽ സ്ഥാപിച്ചിട്ടുള്ളത്. ഹത്തറിൽ ലോകകപ്പ് തുടങ്ങുമ്പോൾ തുരങ്കം കവലയിലും, കോട്ടപ്പടി ചേറങ്ങനാൽ കവലയിലും വലിയ സ്ക്രീൻ ഒരുക്കി കളികാണുവാനുള്ള ഒരുക്കത്തിലാണ് ഫുട്ബോൾ ആരാധകരെന്ന് കോതമംഗലം ഫുട്ബോൾ ക്ലബ് സെക്രട്ടറിയും കോട്ടപ്പടി ഫുട്ബോൾ അക്കാദമി കോച്ചുമായ ബോബി തറയിൽ വെളിപ്പെടുത്തി.