കോതമംഗലം : 2023-24 അദ്ധ്യായന വർഷത്തിൽ, എറണാകുളം ജില്ലയിൽ ഏറ്റവും കൂടുതൽ രക്തദാനം നടത്തിയ വിദ്യാഭ്യാസ സ്ഥാപനത്തിനുള്ള ഐ. എം . എ. എവർ റോളിംഗ് പുരസ്ക്കാരം കോതമംഗലം മാർ അത്തനേഷ്യസ് കോളേജ് ഓഫ് എഞ്ചിനിയറിംഗിലെ എൻഎസ്എസ് യൂണിറ്റ് സ്വന്തമാക്കി.
കൊച്ചിൻ ഐഎംഎ യുടെ നേതൃത്വത്തിൽ സ്ഥാപിതമായ ഈ പുരസ്കാരം ദേശീയ രക്തദാന ദിന ആഘോഷങ്ങളുടെ ഭാഗമായി എറണാകുളം,കലൂർ ഐഎംഎ ഹൗസിൽ വച്ചു നടന്ന ചടങ്ങിൽ, ചാലക്കുടി എം പി ബെന്നി ബഹനാൻ, ഐഎംഎ ചെയർമാൻ ഡോ. കെ എ നാരായണൻകുട്ടി എന്നിവർ ചേർന്ന് സമ്മാനിച്ചു. എം. എ. എഞ്ചി.കോളേജ് എൻ. എസ്. എസ്. പ്രോഗ്രാം ഓഫീസർമാരായ ഡോ. ദർശൻ ലാൽ,പ്രൊഫ. എൽദോ രാജ്,എൻഎസ്എസ് വോളന്റീയർമാർ എന്നിവർ ചേർന്ന് പുരസ്കാരം ഏറ്റുവാങ്ങി.
