Connect with us

Hi, what are you looking for?

NEWS

കോതമംഗലം എം. എ. കോളേജിന് ഫാ. ജോയി പീണിക്കപറമ്പിൽ പുരസ്‌കാരം

m.a college kothamangalam

കോതമംഗലം : കായിക ലോകത്ത് മിന്നിത്തിളങ്ങുന്ന കോതമംഗലം മാർ അത്തനേഷ്യസ് കോളേജിന് ദേശീയ അവാർഡ്.2022 -23 അധ്യയനവർഷത്തെ കായിക നേട്ടങ്ങളും, കായികമേഖലയിലെ സംഭാവനകളും മുൻനിർത്തിക്കൊണ്ട് ഏറ്റവും മികച്ച സ്പോർട്സ് പ്രമോട്ടിങ് കോളേജിനുള്ള ഇരിങ്ങാലക്കുട ക്രൈസ്റ്റ് കോളേജ് (ഓട്ടോണമസ്) ഫാ. ജോയി പീണിക്കപറമ്പിൽ ദേശീയ അവാർഡിനാണ് മാർ അത്തനേഷ്യസ് കോളേജ് (ഓട്ടോണമസ് ) അർഹമായത് . കഴിഞ്ഞ രണ്ടു പതിറ്റാണ്ടുകളുടെ കായിക ചരിത്രത്തിൽ 24 അന്തർദേശീയ താരങ്ങളും 500 ൽ പരം ദേശീയ മെഡലുകളും എം എ കോളേജിന് സ്വന്തമാണ്. 13 സംസ്ഥാനതല ഇവന്റുകൾ 2022- 23-ൽ മാർ അത്തനേഷ്യസ് കോളേജിന്റെ ആഭിമുഖ്യത്തിൽ സംഘടിപ്പിച്ചു .

കൂടാതെ മൂന്ന് സംസ്ഥാന ചാമ്പ്യൻഷിപ്പുകളിൽ ഒന്നാം സ്ഥാനവും, ഏഴു യൂണിവേഴ്സിറ്റി ചാമ്പ്യൻഷിപ്പുകളിൽ ചാമ്പ്യൻ പട്ടവും കരസ്ഥമാക്കി. ഈ നേട്ടങ്ങളാണ് അവാർഡിന് കോളേജിനെ അർഹമാക്കിയത് . അത്‌ലറ്റിക്സ്, ഫുട്ബോൾ, സ്വിമ്മിംഗ്, ആർച്ചറി, പവർ ലിഫ്റ്റിങ് എന്നീ ഇനങ്ങളിലാണ് കോളേജിന് നേട്ടങ്ങൾ കൈവരിക്കാൻ സാധിച്ചത്. 2021 – 22 കാലയളവിലെ ഏറ്റവും മികച്ച കായിക നേട്ടങ്ങൾക്കുള്ള എംജി സർവ്വകലാശാല അവാർഡും മാർ അത്തനേഷ്യസ് കോളേജ് കരസ്ഥമാക്കിയിരുന്നു. ഈ 26 ന് ക്രൈസ്റ്റ് കോളേജ് ക്യാമ്പസിൽ വച്ച് നടക്കുന്ന ചടങ്ങിൽ,ബെംഗളൂർ ക്രൈസ്റ്റ് യൂണിവേഴ്‌സിറ്റി വൈസ് ചാൻസലറും,പ്രതിരോധ മന്ത്രാലയം ദേശീയ കേഡറ്റ് കോർപ്‌സിലെ കേണൽ കമാൻഡന്റുമായ ഡോ. ഫാ. എബ്രഹാം വെട്ടിയാങ്കൽ മാണി പുരസ്കാരം നൽകും. നേട്ടങ്ങൾക്ക് പിന്നിൽ പ്രയത്നിച്ച പരിശീലകരെയും, കായികതാരങ്ങളെയും കായിക വിഭാഗത്തെയും കോളേജ് അസോസിയേഷൻ സെക്രട്ടറി ഡോ. വിന്നി വർഗീസ്, കോളേജ് പ്രിൻസിപ്പൽ ഡോ. മഞ്ജു കുര്യൻ എന്നിവർ അഭിനന്ദിച്ചു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...