NEWS
മലയാളത്തനിമ വിളിച്ചോതി അന്താരാഷട്രാ മാതൃഭാഷാ ദിനം ആചരിച്ചു.

കോതമംഗലം: മാർ അത്തനേഷ്യസ് കോളേജിലെ എം കോം ഇന്റർ നാഷണൽ ബിസിനസ് വിഭാഗത്തിന്റെ നേതൃത്വത്തിൽ രണ്ടും നാലും സെമസ്റ്റർ വിദ്യാർത്ഥികൾ അന്താരാഷട്രാ മാതൃഭാഷാ ദിനം ആചരിച്ചു. നാലാം സെമസ്റ്ററിലെ ക്ലാസ് മേധാവികളായ അനന്തു ബിനോയ്, മീര എസ് നായർ , സനൽ എ നായർ എന്നിവരുടെ നേതൃത്വത്തിൽ വിവിധ മത്സരങ്ങൾ സംഘടിപ്പിച്ചു. മലയാളത്തനിമ വിളിച്ചോതുന്ന തരത്തിലുള്ള കേരനാട്, പൗർണ്ണമി, ധ്വനി, സ്വറ പറ, എഴുത്തച്ഛൻ എന്നീ പേരുകളിൽ അഞ്ചു ഗ്രൂപ്പായാണ് മത്സരം ആരംഭിച്ചത്.
മലയാള പുസ്തക വായന ,നാനാർത്ഥo , തെറ്റായി മലയാള അക്ഷരങ്ങൾ എഴുതി അവയെ ശരിയാക്കി എഴുതുക, ആശയ വികസനം, മലയാളം മാത്രം സംസാരിക്കുക, മലയാള ഗാനങ്ങൾ അഭിനയിച്ചു കാണിക്കുക, കുട്ടിക്കാല ഓർമ്മകൾ ഉണർത്തുന്ന രീതിയിലുള്ള പേര് ,സ്ഥലം ,മൃഗം, വസ്തു ,സിനിമ എന്നിവ പറഞ്ഞുള്ള മത്സരങ്ങൾ തുടങ്ങിയവയാണ് വിദ്യാർത്ഥികൾക്കായി സംഘടിപ്പിച്ചത്.
മൂന്നാമത്തെ ഗ്രൂപ്പായ ധ്വനിയാണ് മത്സരങ്ങളിലെ വിജയികൾ.രണ്ടാം സെമസ്റ്റർ വിദ്യാർത്ഥികളുടെ ആഭിമുഖ്യത്തിൽ കോളേജ് അങ്കണത്തിലെ വൃക്ഷത്തിൽ മലയാള അക്ഷര മാലകൾ പ്രദർശിപ്പിക്കുകയും ചെയ്തു.
അവിടെ വച്ച് മത്സരത്തിൽ വിജയിച്ച ധ്വനിയിലെ അംഗങ്ങളായ മരിയ മോൾ മാത്യു, ദേവിക മണപ്പാട്ട്, ഗീഷ്മ രാജ്, സുധിൻ ശശി, അനീറ്റ സുനിൽ, ഡോണ ജോബി, ജുബ്ന ജബ്ബാർ എന്നിവർക്ക് അക്കാദമിക് ഡീൻ ആയ ഡോ. എം. എസ് വിജയകുമാരി സമ്മാനങ്ങൾ വിതരണം നടത്തുകയും ചെയ്തു. വിദ്യാർത്ഥികളും അധ്യാപകരും മലയാളം മാത്രം സംസാരിച്ചുകൊണ്ടാണ് അന്താരാഷ്ട്രാ മാതൃഭാഷാ ദിനം ആചരിച്ചത്.
NEWS
ഭൂതത്താന്കെട്ട് ബാരിയേജിന് സമീപത്തെ കൃഷിയിടത്തില് കടുവയിറങ്ങി

കോതമംഗലം : ഭൂതത്താന്കെട്ട് കൂട്ടിക്കൽ ചേലക്കുളം പൈലിയുടെ കൃഷിയിടത്തില് കടുവയിറങ്ങിയത് ജനങ്ങളെ ആശങ്കയിലാഴ്ത്തി. കഴിഞ്ഞദിവസം ഇവിടെയെത്തിയ കടുവ വളര്ത്തുമൃഗങ്ങളെ ഓടിച്ചിരുന്നു. വളര്ത്തുനായയെ പിന്നീട് കണ്ടെത്തിയിട്ടില്ല. കാല്പ്പാടുകള് കടുവയുടേതാണെന്ന് പരിശോധനക്കെത്തിയ വനംവകുപ്പ് ഉദ്യോഗസ്ഥര് സ്ഥിരീകരിച്ചിട്ടുണ്ട്. ക്യാമറ സ്ഥാപിച്ച് നിരീക്ഷണം നട്ത്തുകയും മറ്റ് നടപടികള് സ്വീകരിക്കുകയും ചെയ്യുമെന്ന് അധികൃതര് വ്യക്തമാക്കി. ആശങ്ക പരിഹരിക്കാന് നടപടി വേണമെന്നാണ് നാട്ടുകാരുടെ ആവശ്യം.
NEWS
ഇര വിഴുങ്ങിക്കിടന്ന പെരുമ്പാമ്പിനെ പിടികൂടി.

കോതമംഗലം :- ചേലാട് സ്വദേശി കുര്യൻ എന്നയാളുടെ പറമ്പിൽ ഇര വിഴുങ്ങിക്കിടന്ന പെരുമ്പാമ്പിനെ ഇന്ന് പിടികൂടി. പറമ്പിൽ ജോലി ചെയ്തു കൊണ്ടിരുന്ന പണിക്കാരാണ് കൈത്തോട്ടിൽ കിടന്ന പാമ്പിനെ ആദ്യം കണ്ടത്. കോതമംഗലം ഫോറസ്റ്റ് റേഞ്ച് ഓഫീസിൽ വിവരം അറിയിച്ചതിനെ തുടർന്ന് ആവോലിച്ചാലിൽ നിന്നും പാമ്പുപിടുത്ത വിദഗ്ദ്ധൻ CK വർഗ്ഗീസ് എത്തി പാമ്പിനെ രക്ഷപെടുത്തി ഉൾ വനത്തിൽ തുറന്നു വിട്ടു.
NEWS
നെല്ലിക്കുഴി ഗ്രാമ പഞ്ചായത്തിലെ ബിജെപി മെമ്പർ രാജി വച്ചു.

കോതമംഗലം : നെല്ലിക്കുഴി ഗ്രാമപഞ്ചായത്ത് ആറാം വാർഡ് അംഗം സനൽ പുത്തൻപുരയ്ക്കൽ രാജി വച്ചു. ഇന്ന് ഉച്ചക്ക് 3 മണിക്ക് പഞ്ചായത്ത് സെക്രട്ടറി മുൻപാകെ രാജി സമർപ്പിച്ചു. 2020 ഡിസംബർ മാസത്തിൽ നടന്ന തദ്ദേശ്ശ തെരഞ്ഞെടുപ്പിൽ പട്ടികജാതി സംവരണ വാർഡായി തെരഞ്ഞെടുത്ത തൃക്കാരിയൂർ തുളുശ്ശേരിക്കവല ആറാം വാർഡിൽ ബിജെപി സ്ഥാനാർത്ഥിയായി താമര ചിഹ്നത്തിൽ മത്സരിച്ച സനൽ 194 വോട്ടിന്റെ ഭൂരിപക്ഷത്തിൽ സിപിഎം സ്ഥാനാർത്ഥി വി കെ ചന്ദ്രനെ പരാജയപ്പെടുത്തിയിരുന്നു.
സനലിന് വിദേശത്ത് ജോലി ശരിയായിട്ടുണ്ടെന്നും മൂന്നര മാസത്തിനകം വിദേശത്തേക്ക് പോകേണ്ടി വരുമെന്നതിനാലാണ് രാജി സമർപ്പിച്ചതെന്ന് സനൽ അറിയിച്ചു. തനിക്ക് എല്ലാവിധ പിന്തുണയും നൽകി കൂടെ നിന്ന പാർട്ടിയോടും പാർട്ടി പ്രവർത്തകരോടും, വാർഡ് നിവാസികളോടും എല്ലാവിധ നന്ദിയും കടപ്പാടും അറിയിക്കുന്നതായും സനൽ പറഞ്ഞു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
-
CRIME1 week ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
CRIME4 days ago
കോതമംഗലത്ത് വൻ ഹെറോയിൻ വേട്ട
-
CRIME1 week ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
ACCIDENT1 week ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
CRIME4 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
AGRICULTURE6 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
Business1 week ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം
-
AGRICULTURE4 days ago
പിണ്ടിമനയിലും തണ്ണീർമത്തൻ വസന്തം
You must be logged in to post a comment Login