കോതമംഗലം : കോതമംഗലം മാർ അത്തനേഷ്യസ് കോളേജിൽ 1987-89 വർഷം പ്രീഡിഗ്രി പഠിച്ച എല്ലാ ഗ്രൂപ്പിലെയും വിദ്യാർത്ഥികളുടെ സംഗമം ” ഒരു വട്ടം കൂടി ” എം. എ. കോളേജ് ഇൻഡോർ സ്റ്റേഡിയത്തിൽ നടന്നു . മുൻ പ്രിൻസിപ്പൽ പ്രൊഫ. എം. കെ. ബാബു സംഗമം ഉത്ഘാടനം നിർവഹിച്ചു . ചടങ്ങിൽ എം. എ. കോളേജിൽ നിന്നും വിരമിച്ച 33ൽ പരം അദ്ധ്യാപക രെ പൊന്നാട അണിയിച്ച് ആദരിച്ചു.
33 വർഷങ്ങൾക്കു ശേഷമാണ് ഈ ഒത്തു ചേരൽ. കൺവീനർ ബേസിൽ മാത്യു സ്വാഗതം പറഞ്ഞ യോഗത്തിൽ പൂർവ്വ വിദ്യാർത്ഥിയും, പരിപാടിയുടെ ജനറൽ കൺവീനറും, ഇപ്പോൾ മാര്‍ അത്ത നേഷ്യസ് എൻജിനീയറിങ് കോളേജ് പ്രിൻസിപ്പാളുമായ ഡോ. ബോസ് മാത്യു ജോസ് അധ്യക്ഷനായിരുന്നു.
അലുമിനി അസോസിയേഷൻ പ്രസിഡന്റ് പ്രൊഫ. കെ എം കുര്യാക്കോസ്, അലുമിനി കോഡിനേറ്റർ പ്രൊഫ.എ എം എൽദോസ്, പ്രൊഫ. ബേബി എം വർഗീസ്, ശാന്തൻപാറ എസ് ഐ സിദ്ദീഖ്, ഡെപ്യൂട്ടി തഹസിൽദാർ നസീറ, ഡോ .മോഹൻകുമാർ, സി ജി മണിക്കുട്ടൻ, ബെന്നി പോൾ നാസർ പി പി, ബൈജു മാധവ്, എൽദോസ് മാത്യു എന്നിവർ ആശംസകൾ അർപ്പിച്ച് സംസാരിച്ചു. ബിന്ദു ജോസിന്റെ നേതൃത്വത്തിൽ വിവിധ കലാപരിപാടികളും അവതരിപ്പിച്ചു. അലൂമിനി അസോസിയേഷൻ വൈസ് പ്രസിഡന്റും, പൂർവ്വ വിദ്യാർത്ഥിയുമായ മോഹന ചന്ദ്രൻ നന്ദിയും പറഞ്ഞു.
ചിത്രം : പൂർവ്വ വിദ്യാർത്ഥി സംഗമം കോതമംഗലം എം എ കോളേജ് മുൻ പ്രിൻസിപ്പൽ പ്രൊഫ. എം.കെ ബാബു ഉത്ഘാടനം ചെയ്യുന്നു. ഇടത്ത് നിന്ന് : ബെന്നി പോൾ,നാസ്സർ പി.പി.,ബേസിൽ മാത്യു, പ്രൊഫ. കെ.എം കുര്യക്കോസ്, ഡോ. ബോസ് മാത്യു , ഡോ. മോഹൻ കുമാർ, ഡോ. എ എം എൽദോസ്,പി.കെ മോഹന ചന്ദ്രൻ,ബൈജു മാധവ്, മണികുട്ട ൻ സി.ജി.
