കോതമംഗലം: ചെറുവട്ടൂരിലും കൂട്ടംപുഴ മണികണ്ഠൻ ചാലിലും കിണറിൽ വീണ പശുക്കളെ കോതമംഗലം അഗ്നി രക്ഷാ സേന രക്ഷിച്ചു. ഇന്ന് വൈകുന്നേരം നാലു മണിക്ക് ചെറുവട്ടൂർ മുന്നൂറ്റിപതിനാല് രാമചന്ദ്രൻ കുറിയ മഠത്തിൽ എന്നയാളുടെ പശുവിനെയും അഞ്ച് മുപ്പതിന് മണികണ്ഠൻചാൽ ഷൈനി കല്ലുവെട്ടാം കുഴി എന്നയാളുടെ പശുവിനെയുമാണ് സുരക്ഷിതമായി പുറത്തെടുത്തത്.
മണികണ്ഠൻചാലിലെ കിണർ ഇടുങ്ങിയതും ശുദ്ധവായു ഇല്ലാത്തതുമായിരുന്നു. അഗ്നിരക്ഷാ സേനാംഗം പി.എം.ഷാനവാസ് ശ്വസന ഉപകരണത്തിന്റെ സഹായത്തിൽ കിണറിൽ ഇറങ്ങി വളരെ പണിപ്പെട്ട് പശുവിനെ ബൽറ്റിൽ ബന്ധിച്ച് നാട്ടുകാരുടെ സഹായത്താൽ പുറത്തെത്തിച്ചു. ഗ്രേഡ് അസ്സി. സ്റ്റേഷൻ ഓഫീസർ കെ എം മുഹമ്മദ് ഷാഫി നേതൃത്വം നല്കി. വിഷ്ണുമോഹൻ കെ.പി. ഷമീർ . അനുരാജ് എം ആർ സുധീഷ് കെ.യു. ബാദുഷ.കെ.എസ് അരുൺ കെ.ആർ സ്റുതിൻപ്രദീപ്, അഖിൽ കെ എം എന്നിവരും രക്ഷാദൗത്യത്തിൽ പങ്കാളികളായി.
