“പുണ്യബാവ” പ്രകാശനം ചെയ്തു.

കോതമംഗലം : പരിശുദ്ധ യൽദൊ മാർ ബസേലിയോസ് ബാവായുടെ 335-)മത് ഓർമ പെരുന്നാളിൽ പി സി ക്രീയെഷൻസ് പുറത്തിറക്കിയ “പുണ്യബാവ” സി ഡി യുടെ പ്രകാശനം ഐസക് മാർ ഒസ്‌താത്തിയോസ്‌ മെത്രാപോലിത്തയും,ആൻ്റണി ജോൺ എം എൽ എ യും ചേർന്ന് കോതമംഗലം മാർ തോമ ചെറിയ പള്ളി ട്രസ്റ്റി ജോമോൻ പാലക്കാടന് നൽകി കൊണ്ട് പ്രകാശനം ചെയ്തു. പള്ളി വികാരി ഫാദർ ജോസ് പരത്തുവയലിൽ,സഹ വികാരിമാരായ ഫാദർ എൽദോസ് കാക്കനാട്ട്,ഫാദർ എൽദോസ് കുമ്മംകോട്ടിൽ,ഫാദർ എലിയാസ് മാരിയിൽ,ഫാദർ വികാസ് വടക്കൻ, തോമസ് വാരപ്പെട്ടി എന്നിവർ സംബന്ധിച്ചു.

പരിശുദ്ധ യാക്കോബായ സുറിയാനി ഓർത്തഡോക്സ് സഭ മലബാർ ഭദ്രാസനത്തിൽ നീലഗിരി മേഖലയിൽ മാങ്ങോട് സെന്റ് ജോർജ് യാക്കോബായ സുറിയാനി സിംഹാസന പള്ളി ഇടവകാംഗവും,നോർത്ത് അമേരിക്കൻ അതി ഭദ്രാസനത്തിൽ സാക്രമെന്റോ സെന്റ് ബേസിൽ യാക്കോബായ സുറിയാനി പള്ളിയുടെയും,സാന്റിയാഗോ സെന്റ് ഇഗ്‌നേഷ്യസ് യാക്കോബായ പള്ളിയുടെയും വികാരിയായ ഫാദർ കുരിയാക്കോസ് പുതുപ്പാടിയുടെ വരികളും,അങ്കമാലി ഭദ്രാസനത്തിലെ കോതമംഗലം മേഖലയിലെ പുന്നേക്കാട്‌ സെന്റ് ജോർജ് ഗെത്സീമോൻ യാക്കോബായ സുറിയാനി പള്ളി ഇടവകാംഗവും,കാലിഫോർണിയ സെന്റ് ബേസിൽ യാക്കോബായ സുറിയാനി പള്ളി അംഗവുമായ എൽദോസ് പാലക്കാടന്റെ ശബ്‌ദവും,മുവാറ്റുപുഴ മേഖലയിലെ കാരക്കുന്നം സെന്റ് മേരീസ്‌ യാക്കോബായ പള്ളി ഇടവകാംഗം തോമസ് വാരപ്പെട്ടിയുടെ സംഗീതവും കോർത്തിണക്കിയതാണ് “പുണ്യബാവ”.