ആലുവ: കേരള ജേർണലിസ്റ്റ്സ് യൂണിയൻ (കെ.ജെ.യു) ജില്ലാ കമ്മിറ്റി സംഘടിപ്പിച്ച ആലുവ സർക്കാർ ഗേൾസ് ഹയർ സെക്കൻ്ററി സ്കൂളിൽ സംഘടിപ്പിച്ച മെറിറ്റ് അവാർഡ് 2024 ആലുവ നഗരസഭ ചെയർമാൻ എം.ഒ. ജോൺ ഉദ്ഘാടനം ചെയ്തു. വിവിധ പരീക്ഷകളിൽ ഉന്നത വിജയം കൈവരിച്ച കെ.ജെ.യു അംഗങ്ങളുടെ മക്കളെയും എസ്.എസ്.എൽ.സി പരീക്ഷയിൽ 100 ശതമാനം വിജയം നേടിയ ആലുവ ഗവ. ഗേൾസ് ഹൈസ്‌കൂളിനെയും പ്ലസ് ടു പരീക്ഷയിൽ മികച്ച വിജയം നേടിയ ഹയർ സെക്കൻഡറി സ്‌കൂളിനെയും എം.ഒ. ജോൺ ആദരിച്ചു. കെ.ജെ.യു ജില്ലാ പ്രസിഡന്റ് ലത്തീഫ് കുഞ്ചാട്ട് അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി കെ.സി. സ്മിജൻ മുഖ്യപ്രഭാഷണം നടത്തി.
സ്കൂൾ പ്രിൻസിപ്പൽ കെ.എം. ബിന്ദു, ഹെഡ്മിസ്ട്രസ് വി.വി. അനിത, കെ.ജെ.യു സംസ്ഥാന വൈസ് പ്രസിഡന്റ് എം.എ. ഷാജി, സംസ്ഥാന സോഷ്യൽ മീഡിയ കൺവീനർ ബോബൻ ബി. കിഴക്കേത്തറ, ശ്രീമൂലം മോഹൻദാസ്, സുനീഷ് മണ്ണത്തൂർ, ശശി പെരുമ്പടപ്പിൽ, വി. ദിലീപ് കുമാർ, സുരേഷ് മരട്, എം.ജി. സുബിൻ, എസ്.എ. രാജൻ, എം.പി. നിത്യൻ, സി.എസ്. ഷിജു, സന്തോഷ് കുമാർ, പി.എസ്. അനിരുദ്ധൻ, ജിഷ ബാബു, അജ്മൽ കാമ്പായി, വിപിൻദാസ് എന്നിവർ സംസാരിച്ചു.
