Connect with us

Hi, what are you looking for?

EDITORS CHOICE

ലോക് ഡൗണിൽ വരയുടെ ലോകം തീർക്കുകയാണ് സിജു പുന്നേക്കാട്.

  • ഏബിൾ. സി. അലക്സ്‌

കോതമംഗലം: കൊറോണ വൈറസ് വ്യാപനം തടയുന്നതിനായി പ്രഖ്യപിച്ച ലോക് ഡൗൺ കാലത്ത് വെറുതെ ഇരിക്കുവാൻ സിജുവിനു സമയമില്ല. മിഴിവാർന്ന വർണ്ണചിത്രങ്ങൾ ഒരുക്കുകയാണ് ഈ യുവ ചിത്രകാരൻ .കോതമംഗലം പുന്നേക്കാട് കദളിപ്പറമ്പിൽ സിജു വരയുടെ ലോകത്തേക്ക് ചെറുപ്രായത്തിൽ തന്നെ കടന്നു വന്നയാളാണ്. കോതമംഗലം വീനസ് ചിത്രകല വിദ്യാലയത്തിൽ നിന്നാണ് തുടക്കം. ഇതിനൊടകം 6000 വിസ്മയ ചിത്രങ്ങൾ തൻ്റെ ഭാവനയിൽ സിജു വരച്ചുകൂട്ടി. ഈ ലോക് ഡൗൺ കാലം കൊറോണയുമായി ബന്ധപ്പെട്ട ചിത്രങ്ങളും, പ്രതിരോധ മാർഗങ്ങളും ഒരു ചിത്രകാരൻ്റെ ഭാവനയിൽ കോർത്തിണക്കി വരച്ചുകൊണ്ടിരിക്കുകയാണ് സിജു.

കൂടാതെ നിരവധി ബോധവൽക്കരണ ചിത്രങൾ കേരള പോലിസ് അസോസിയേഷനു വേണ്ടിയും വരച്ച് നൽകിയിട്ടുണ്ട്. അക്രിലിക്, ഇൻക് പെയിൻ്റ്, കളർ പെൻസിൽ എന്നിവയാണ് സാധാരണയായി ഉപയോഗിക്കാറ്. ചിത്രങ്ങൾ, ചിത്രകഥകൾ, കാർട്ടൂണുകൾ എന്നിവയിലൂടെയാണ് ഇദേഹം സന്ദേശം നൽകുന്നത്. കുട്ടികളുടെതുൾപ്പെടെയുള്ള പല ആനുകാലിക പ്രസിദ്ധികരണങ്ങളിലും സിജു വരച്ച ചിത്രങളാണ് കഥാപാത്രങ്ങൾക്ക് മിഴിവേകിയിരിക്കുന്നത്.

കഥാ, കവിത, ലേഖനം, നോവൽ ഉൾപ്പെടെ 9 പുസ്തകങ്ങളുടെ രചയിതാവു കൂടിയാണിദ്ദേഹം.വ്യത്യസ്തവും, വർണ്ണാഭവുമായ ചിത്രങ്ങളുടെ ഒരു നീണ്ട നിര തന്നെ ഇദ്ദേഹം സൃഷ്ടിച്ചിട്ടുണ്ട്. അതിലൂടെ ഒട്ടനവധി വിശിഷ്ട വ്യക്തികളുടെ പ്രശംസ നേടിയെടുക്കുവാനും സിജുവിനു സാധിച്ചു. പുന്നേക്കാട് സെൻ്റ് ജോർജ് പളളിയിൽ മഹാ പരിശുദ്ധനായ അബ്ദുൾ ജലീൽ ബാവയുടെ മനോഹരമായ ഛായ ചിത്രം സിജു ഒരുക്കിയത് ബാവയുടെ ജീവചരിത്രം അക്ഷരങ്ങളായി ചേർത്ത് ,ചേർത്ത് എഴുതിയാണ്.

ഡീൻ കുര്യാക്കോസ് എം.പി.യുടെയും, കിഴക്കമ്പലം അന്ന- കിറ്റെക്സ് ഉടമ അന്തരിച്ച എം. സി ജേക്കബിൻെറയും ഒക്കെ ചിത്രങ്ങൾ അക്ഷരങ്ങൾ കൊണ്ട് എഴുതി, ഇതുപോലെ ജിവൻ തുടിക്കുന്ന ചിത്രങ്ങളാക്കി മാറ്റി. അങ്ങനെ കാഴ്ചക്കാരിൽ അത്ഭുത വഹ മായ അനുഭൂതി തിർക്കുകയാണ് ഈ യുവ കലാകാരൻ. ഇപ്പോൾ കിറ്റെക്സ് ഗ്രൂപ്പിൽ സിനിയർ ഡിസൈനർ ആയി ജോലി നോക്കുന്ന സിജു വിൻ്റ ഈ ഉദ്യമങ്ങൾക്ക് പിന്തുണയും പ്രോത്സാഹനവുമായി ഭാര്യ മിനുവും, മക്കളായ അക്ഷരയും, തന്മയും കൂട്ടിനുണ്ട്.അങ്ങനെ ജന മനസുകൾ കീഴടങ്ങി സിജു തന്റെ വര തുടർന്നുകൊണ്ടേയിരിക്കുന്നു.

You May Also Like

NEWS

കോതമംഗലം : ആവോലിച്ചാൽ ലിഫ്റ്റ് ഇറിഗേഷൻ പദ്ധതി- കേന്ദ്ര വനം പരിസ്ഥിതി മന്ത്രാലയത്തിന്റെ അനുമതി ലഭിക്കുന്നതിനുള്ള നടപടികൾ വേഗത്തിൽ പുരോഗമിക്കുന്നതായി വനം വകുപ്പ് മന്ത്രി എ കെ ശശീന്ദ്രൻ നിയമസഭയിൽ വ്യക്തമാക്കി.ആന്റണി ജോൺ...

NEWS

കോതമംഗലം : കഴിഞ്ഞ ദിവസങ്ങളിലായി പ്ലാന്റേഷനിലും ജനവാസ മേഖലയിലുമടക്കം ഭീതി സൃഷ്ടിക്കുന്ന കാട്ടാന കൂട്ടത്തെ ഉൾവനത്തിലേക്ക് തുരത്തുന്നതിനുള്ള ശ്രമങ്ങൾ ആരംഭിച്ചു. രാവിലെ ഏഴു മണി മുതൽ തന്നെ നാട്ടുകാരും വനം വകുപ്പും സംയുക്തമായിട്ടാണ്...

NEWS

ബൈജു കുട്ടമ്പുഴ കീരംപാറ :പുന്നേക്കാട് തമ്പടിച്ച കാട്ടാനക്കൂട്ടങ്ങളെ തുരുത്താനുള്ള ഉദ്യമത്തിന് തുടക്കം. കീരംപാറ പഞ്ചായത്തിലെ പുന്നേക്കാട് പ്ലാന്റേഷനിൽ തമ്പടിച്ചിട്ടുള്ള കാട്ടാന കൂട്ടങ്ങളെ തുരുത്താൻ കോതമംഗലം ഫോറസ്റ്റ് ബിഎസ് സംഘങ്ങളും ശ്രമം നടത്തി. രണ്ട്...

NEWS

കോതമംഗലം :- ഇന്ന് പുലർച്ചെ കാട്ടാനക്കൂട്ടം പുന്നേക്കാട് ടൗണിലെത്തി; കാട്ടാനകളിൽ നിന്ന് സംരക്ഷണം ആവശ്യപ്പെട്ട് പ്രദേശവാസികൾ. ഇന്ന് പുലർച്ചെ രണ്ട് മണിയോടെയാണ് മൂന്നോളം ആനകൾ കീരംപാറ പഞ്ചായത്തിലെ പുന്നേക്കാട് ടൗണിനു സമീപം എത്തിയത്....