കോതമംഗലം : കോതമംഗലം മണ്ഡലത്തിലെ കുട്ടമ്പുഴ – കീരംപാറ പഞ്ചായത്തുകളെ തമ്മിൽ ബന്ധിപ്പിക്കുന്ന ഇഞ്ചത്തൊട്ടി പാലം നിർമ്മാണവുമായി ബന്ധപ്പെട്ട ഇൻവെസ്റ്റിഗേഷൻ റിപ്പോർട്ടിന് ഉടൻ അനുമതി നൽകുമെന്ന് ബഹു: പൊതുമരാമത്ത് വകുപ്പ് മന്ത്രി ജി സുധാകരൻ നിയമ സഭയിൽ വ്യക്തമാക്കി. കോതമംഗലം മണ്ഡലത്തിലെ കുട്ടമ്പുഴ – കീരംപാറ പഞ്ചായത്തുകളെ തമ്മിൽ ബന്ധിപ്പിക്കുന്നതും പ്രസ്തുത പ്രദേശങ്ങളിലെ ജനങ്ങൾക്ക് വളരെ ഉപകാരപ്രദവുമായ ഇഞ്ചത്തൊട്ടി പാലം നിർമ്മാണത്തിന് വേഗത്തിൽ അനുമതി ലഭ്യമാക്കണമെന്ന് ആവശ്യപ്പെട്ട് ആന്റണി ജോൺ എംഎൽഎ ഉന്നയിച്ച നിയമ സഭ ചോദ്യത്തിന് മറുപടി പറയുമ്പോൾ ആണ് ഇക്കാര്യം വ്യക്തമാക്കിയത്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
ഇതു സംബന്ധിച്ച് 5.50 ലക്ഷം രൂപയുടെ ഇൻവെസ്റ്റിഗേഷൻ എസ്റ്റിമേറ്റിന് വേഗത്തിൽ അനുമതി നൽകണമെന്നും,പ്രൈസ് ഐ ഡി നം: ആർ ഡി/2018/7709 ആയി തയ്യാറാക്കിയിട്ടുള്ള ഇൻവെസ്റ്റിഗേഷൻ റിപ്പോർട്ടിൽ തുടർ നടപടി വേഗത്തിലാക്കണമെന്നും എംഎൽഎ ആവശ്യപ്പെട്ടു.
ഇഞ്ചത്തൊട്ടി പാലം നിർമ്മാണവുമായി ബന്ധപ്പെട്ട് 5.50 ലക്ഷം രൂപയുടെ ഇൻവെസ്റ്റിഗേഷൻ എസ്റ്റിമേറ്റ് തയ്യാറാക്കി ഭരണാനുമതിയ്ക്കായി നിരത്തു വിഭാഗം ചീഫ് എഞ്ചിനീയർക്ക് സമർപ്പിക്കുകയും എന്നാൽ റോഡ് ഒ ഡി ആർ വിഭാഗത്തിൽ വരുന്നതിനാൽ ഭരണാനുമതി നൽകിയിട്ടില്ലെന്നും എന്നാൽ, 2020-21 വർഷത്തിലെ ബഡ്ജറ്റിൽ ഈ പ്രവൃത്തി ഉൾപ്പെട്ടിട്ടുണ്ടെന്നും ഇൻവെസ്റ്റിഗേഷൻ എസ്റ്റിമേറ്റിന് ഉടൻ അനുമതി നൽകുന്നതാണെന്നും ബഹു:പൊതുമരാമത്ത് വകുപ്പ് മന്ത്രി ആന്റണി ജോൺ എംഎൽഎയെ നിയമസഭയിൽ അറിയിച്ചു.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login