CHUTTUVATTOM
ഞങ്ങളും കൃഷിയിലേക്ക് പദ്ധതിയുടെ ഭാഗമായി കീരംപാറയിൽ കർഷക ഘോഷയാത്ര.

കോതമംഗലം : സംസ്ഥാന സർക്കാരിൻ്റെ നൂറ് ദിന കർമ്മ പരിപാടിയിൽ ഉൾപ്പെടുത്തി ക്യഷി വകുപ്പ് നടപ്പിലാക്കുന്ന ഞങ്ങളു ക്യഷി യിലേയക്ക് പദ്ധതിയുടെ ഭാഗമായി പന്ത്രണ്ടാം വാർഡിൽ വ്യാപാരി വ്യവസായി ഏകോപന സമിതി കീരംപാറ യൂണിറ്റ്, പബ്ലിക്ക് ലൈബ്രറി കീരംപാറ, കീരംപാറ ഗ്രാമ പഞ്ചായത്ത് പന്ത്രണ്ടാം വാർഡിൻ്റെയും സംയുക്ത ആഭിമുഖ്യത്തിൽ കീരംപാറ ടൗണിൽ വിപുലമായ കർഷക ഘോഷയാത്രയും പൊതും സമ്മേളനവും സംഘടിപ്പിച്ചു.. കീരംപാറ സെൻ്റ് സ്റ്റീഫൻസ് സ്കൂൾ അങ്കണത്തിൽ നിന്ന് താളമേളങ്ങളുടെ അകമ്പടിയിൽ നൂറ് കണക്കിന് വിദ്യാർത്ഥികൾ ,കർഷകർ, ജനപ്രതിനിധികൾ പങ്കെടുത്ത ഘോഷയാത്ര കീരംപാറ സെൻ്റ് സെബ്യ സ്റ്റൻസ് പള്ളി അങ്കണത്തിൽ എത്തിചേർന്നു. തുടർന്ന് നടന്ന പൊതുസമ്മേളനം കീരംപാറ ഗ്രാമ പഞ്ചായത്ത് പ്രസിഡൻറ് വി.സി ചാക്കോ ഉദ്ഘാടനം ചെയ്തു. വാർഡ് മെമ്പർ വി.കെ വർഗീസ് അദ്ധ്യക്ഷത വഹിച്ചു.
യോഗത്തിൽ ജില്ല പഞ്ചായത്ത് മെമ്പറും, കീരംപാറ സർവ്വീസ് സഹകരണ ബാങ്ക് പ്രസിഡൻ്റുംമായ കെ.കെ ദാനി പള്ളി വികാരി ‘ ഫാ. മാത്യം തെക്കേക്കര, ബ്ലോക്ക് വികസന കാര്യ. സ്റ്റാ. കമ്മിറ്റി ചെയർമാൻ ജോമി തെക്കേക്കര, ബ്ലോക്ക് ഡിവിഷൻ മെമ്പർ ലിസി ജോസ് ,കോതമംഗലം ക്വഷി അസി.ഡയറക്ടർ സിന്ധു വി.പി, വ്യാപാരി വ്യവസായി ഏകോപന സമിതി പ്രസിഡൻറ് ജിജി എളൂർ, സെൻ്റ് സ്റ്റീഫൻസ് ഗേൾസ് ഹൈസ്കൂൾ ഹെഡ്മാസ്റ്റർ ജീമോൻ ഫിലിപ്പോസ്, കായിക അദ്ധ്യ പകൻ ജിമ്മി ജോസഫ്, അസി. കൃഷി ഓഫീസർ എൽദോസ് പി ,ക്യഷി അസി.. ബേസിൽ വി.ജോൺ എന്നിവർ പ്രസംഗിച്ചു.
കാർഷിക മേഖലയിൽ സ്വയം പര്യാപ്തത കൈവരിക്കുക, വിഷ രഹിതവും,സുരക്ഷിത വുമായ ഭക്ഷ്യ ഉത്പാദനം പോത്സാഹിപ്പിക്കുക ,എല്ലായിടവും കൃഷിയിടമാക്കും ക, തരിശ് രഹിത പഞ്ചായത്ത്എന്നിവയാണ് ഞങ്ങളും ക്യഷിയിലേക്ക് പദ്ധതിയിലൂടെ ലക്ഷ്യമിടുന്നത് എന്ന് പഞ്ചായത്ത് പ്രസിഡൻ്റ് പറഞ്ഞു. തരിശായ പ്രദേശ ങ്ങൾ കൃഷി ചെയ്യണമെന്നും, ഓരോ കുടുംബവും കൃഷിയിൽ സ്വയം പര്യാപ്തമാവുന്നതോടൊപ്പം കർഷകർ മൂല്യവർദ്ധിത ഉൽപ്പന്നങ്ങളിലും ശ്രദ്ധ നൽകണമെന്നും യോഗത്തിൽ കൂട്ടായി പ്രതിജ്ഞ എടുത്തു.. തുടർന്ന് ഹൈബ്രിഡ് പച്ചക്കറി തൈകളും, വിത്തുകളും കർഷകർക്ക് ‘ വിതരണം ചെയ്തു. ചടങ്ങിൽ ക്യഷി ഓഫീസർ ബോസ് മത്തായി സ്വാഗതവും, കീരംപാറ പബ്ലിക്ക് ലൈബ്രറി പ്രസിഡൻ്റ് ദേവസ്യ കുട്ടി വർഗീസ് നന്ദിയും പറഞ്ഞു..
CHUTTUVATTOM
മാർ ബസേലിയോസ് നഴ്സിംഗ് കോളേജിന്റെ 20ാം വാർഷികം ആഘോഷിച്ചു.

കോതമംഗലം : ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയുടെ ഉടമസ്ഥതയിലുള്ള മാർ ബസേലിയോസ് കോളേജ് ഓഫ് നഴ്സിംഗിന്റെ 20-ാം വാർഷികം ആഘോഷിച്ചു. ബി .എസ്.സി നേഴ്സിംഗ് പഠനത്തിനായി അനുവദിച്ച അധിക ബാച്ചിന്റെയും നഴ്സിംഗ് കോളേജിൽ സ്റ്റുഡന്റ്സ് യൂണിയന്റെ നേതൃത്വത്തിൽ നടക്കുന്ന ജീവകാരുണ്യ പ്രവർത്തനങ്ങളുടേയും, സ്റ്റുഡന്റ് യൂണിയന്റെയും ഉദ്ഘാടനം മുൻ ആരോഗ്യ വനിത ശിശു വികസന വകുപ്പ് മന്ത്രി പി.കെ.ശ്രീമതി ടീച്ചർ നിർവ്വഹിച്ചു. എം.ബി.എം.എം. അസോസിയേഷൻ വൈസ് പ്രസിഡന്റ് ബിനു കൈപ്പിൽ അദ്ധ്യക്ഷത വഹിച്ചു.മാർ തോമ ചെറിയപള്ളി വികാരി ഫാ.ജോസ് പരത്തുവയലിൽ ആ മുഖപ്രസംഗം നടത്തി.
കോതമംഗലം എം.എൽ.എ. ആന്റണി ജോൺ മുഖ്യപ്രഭാഷണം നടത്തി. നെല്ലിക്കുഴി പഞ്ചായത്ത് പ്രസിഡന്റ് കെ.പി. മജീദ്, കേരള നഴ്സിംഗ് കൗൺസിൽ മെമ്പർ എം.എം. ഹാരിസ്, കെ.എ. നൗഷാദ്, കെ.എ. ജോയി,എം.ബി.എം.എം അസ്സോസിയേഷൻ സെക്രട്ടറി അഡ്വ.സി.ഐ. ബേബി ചുണ്ടാട്ട്, ചെറിയ പള്ളി ട്രസ്റ്റി ബിനോയി തോമസ് മണ്ണംഞ്ചേരി, നഴ്സിംഗ് കോളേജ് പ്രൻസിപ്പാൾ സെല്ലിയാമ്മ കുരുവിള, നഴ്സിംഗ് സ്കൂൾ പ്രൻസിപ്പാൾ ജൂലി ജോഷ്വ . എം എസ് എൽദോസ് , ടി.കെ.എൽദോസ് എന്നിവർ പ്രസംഗിച്ചു.
CHUTTUVATTOM
കോതമംഗലം താലൂക്കിലെ അങ്കന്വാടികളില് അമൃതംപൊടി വിതരണം നിലച്ചതായി പരാതി

കോതമംഗലം: താലൂക്കിന്റെ വിവിധ ഭാഗങ്ങളിലെ അങ്കന്വാടികളില് കുഞ്ഞുങ്ങള്ക്ക് നല്കുന്ന അമൃതംപൊടി വിതരണം നിലച്ചതായി പരാതി. താലൂക്കില് 236 അങ്കണവാടികളാണ് ഉള്ളത്. ഇതില് ഭൂരിഭാഗം അങ്കന്വാടികളിലും രണ്ട് മാസത്തോളമായി അമൃതം പൊടി വിതരണം നിലച്ചിട്ട് വിതരണം നിലച്ചിതില് ശക്തമായ പ്രതിഷേധവും ഉയരുന്നുണ്ട്്. രക്ഷിതാക്കളും അങ്കന്വാടി ജീവനക്കാരും ഇക്കാര്യം ബന്ധപ്പെട്ടവരുടെ ശ്രദ്ധയില്പ്പെടുത്തിയിട്ടും പരിഹാരമായിട്ടില്ലെന്നാണ് ആക്ഷേപം. ആറ് മാസം മുതല് മൂന്ന് വയസ് വരെയുള്ള കുഞ്ഞുങ്ങള്ക്കാണ് അമൃതംപൊടി നല്കുന്നത്. ഒരു കുഞ്ഞിന് ദിവസേന 135 ഗ്രാം എന്ന തോതില് ഒരു മാസത്തേക്ക്്് അഞ്ഞൂറ് ഗ്രാം വീതമുള്ള ആറ് പാക്കറ്റുകളാണ് നല്കുന്നത്. പെരുമ്പാവൂര് വെങ്ങോല ഭാഗത്ത് നിന്ന് കുടുംബശ്രീ യൂണിറ്റ് മുഖേനയാണ് താലൂക്കില് ഉള്പ്പെടെ അമൃതം പൊടി വിതരണം ചെയ്തിരുന്നത്. യൂണിറ്റ് പുതിയ കെട്ടിടത്തിലേക്ക് മാറ്റി പ്രവര്ത്തനം തുടങ്ങാന് വൈദ്യുതി കണക്ഷന് ലഭിക്കാത്തതാണ് കാരണം. യൂണിറ്റിന്റെ അറ്റകുറ്റപണി നടക്കുന്നതിനാലാണ് അമൃതം പൊടിയുടെ വിതരണം മുടങ്ങിയിട്ടുള്ളതെന്നാണ് അധികൃതര് അങ്കന്വാടി ജീവനക്കാരെ അറിയിച്ചിട്ടുള്ളത്. എന്നാല് മറ്റ് യൂണിറ്റുകളില് നിന്ന് അമൃതംപൊടി എത്തിക്കാനും നടപടിയുണ്ടായില്ല. അടുത്തമാസം പൊടി ലഭ്യമാകുമെന്ന് പറയുന്നുണ്ടെങ്കിലും ഇക്കാര്യത്തില് കൃത്യമായ ഉറപ്പ് ലഭിച്ചിട്ടില്ലെന്നും ജീവനക്കാര് പറഞ്ഞു.
CHUTTUVATTOM
പൈങ്ങോട്ടൂര് ശ്രീനാരായണഗുരു കോളേജില് ഒന്നാം വര്ഷ ബിരുദ ക്ലാസുകള് ആരംഭിച്ചു

പൈങ്ങോട്ടൂര് : ശ്രീനാരായണഗുരു കോളേജ് ഓഫ് ആര്ട്സ് ആന്ഡ് സയന്സില് ഒന്നാം വര്ഷ ബിരുദ ക്ലാസുകള് ആരംഭിച്ചു. കോളേജ് പത്താം വര്ഷത്തിലേക്ക് കടക്കുന്നതിന്റെ ഭാഗമായി പൈങ്ങോട്ടൂര് പഞ്ചായത്ത് പ്രസിഡന്റ് ജിജി സാജു ഒരു വര്ഷം നീണ്ടു നില്ക്കുന്ന ആഘോഷങ്ങള്ക്ക് തുടക്കംകുറിച്ചു. കോളേജ് പ്രിന്സിപ്പല് ഡോക്ടര് ആശ എന്.പി അധ്യക്ഷത വഹിച്ചു. 2022-23 അധ്യയന വര്ഷത്തെ കോളേജ് മാഗസിന് ‘ചിമിഴ്’ പ്രകാശനം ഗുരുചൈതന്യ ചാരിറ്റബിള് ട്രസ്റ്റ് സെക്രട്ടറി ഹനി പൂമ്പാലവും, 2019-20 അധ്യയന വര്ഷത്തെ മാഗസിന് ‘മുക്കൂറ്റി’ പ്രകാശനം ഗുരു ചൈതന്യ ചാരിറ്റബിള് ട്രസ്റ്റ് ട്രഷറര് ശോഭ ശശി രാജും നിര്വഹിച്ചു. മാനേജര് ജോമോന് മണി,പ്രസിഡന്റ് സുരേന്ദ്രന് ആരവല്ലി, വൈസ് പ്രിന്സിപ്പല് ശ്രീനി എം.എസ്, പി.റ്റി. എ വൈസ് പ്രസിഡന്റ് ഫീനിക്സ് സാല്മോന്, മുന് പി.ടി.എ വൈസ് പ്രസിഡന്റ് സന്തോഷ് തകിടിയില്, ചെയര്മാന് ജിതിന് ജോര്ജ് എന്നിവര് പ്രസംഗിച്ചു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS6 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
NEWS14 hours ago
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി
-
CRIME2 days ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS5 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS1 week ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു