Connect with us

Hi, what are you looking for?

NEWS

കവളങ്ങാട് പഞ്ചായത്തില്‍ അവിശ്വാസ പ്രമേയ ചർച്ചയിൽ വൈസ് പ്രസിഡൻ്റ് ജിൻസിയ ബിജു പുറത്തായി

കോതമംഗലം:  കവളങ്ങാട് പഞ്ചായത്തില്‍ അവിശ്വാസ പ്രമേയ ചർച്ചയിൽ വൈസ് പ്രസിഡൻ്റ് ജിൻസിയ ബിജു പുറത്തായി. പഞ്ചായത്തിൽ മുമ്പ് നടന്ന പ്രസിഡന്റ് തെരഞ്ഞെടുപ്പില്‍ മൂന്ന് കോണ്‍ഗ്രസ് വിമതരും എല്‍ഡിഎഫിലെ എട്ട് അംഗങ്ങളും ചേര്‍ന്നുള്ള സഖ്യം വിജയിച്ചിരുന്നു.അതേ കൂട്ടുകെട്ടിന്റെ വിജയമാണ് വൈസ് പ്രസിഡന്റിനെതിരെ അവിശ്വാസപ്രമേയ ചര്‍ച്ചയിലും ഉണ്ടായത്.ഏഴിനെതിരെ പതിേെനാന്ന് വോട്ടുകള്‍ക്ക് ജിംസിയ ബിജു വൈസ് പ്രസിഡന്റ് സ്ഥാനത്തുനിന്നും പുറത്തായി.ഇതോടെ പഞ്ചായത്ത് ഭരണത്തില്‍നിന്ന് യുഡിഎഫ് പൂര്‍ണ്ണമായി ഒഴിവാക്കപ്പെട്ടു.വിശദമായ ചര്‍ച്ചക്ക് ശേഷമാണ് പ്രമേയം വോട്ടിനിട്ടത്.പ്രസിഡന്റ് തെരഞ്ഞെടുപ്പില്‍ വോട്ട് അസാധുവാക്കിയ മുസ്ലീംലീഗ് അംഗം രാജേഷ് കുഞ്ഞുമോനും ഇത്തവണ യുഡിഎഫിനൊപ്പം അവിശ്വാസപ്രമേയത്തെ എതിര്‍ത്തു.വൈസ് പ്രസിഡന്റിനെതിരെ ആദ്യം നല്‍കിയ അവിശ്വാസപ്രമേയം സാങ്കേതിക കാരണങ്ങളാല്‍ റദ്ദാക്കപ്പെട്ടതിനേതുടര്‍ന്ന് രണ്ടാമത് നല്‍കിയ അവിശ്വാസപ്രമേയമാണ് ഇപ്പോള്‍ വിജയിച്ചത്.ആദ്യത്തേതില്‍ ഒപ്പിട്ടിരുന്ന കോണ്‍ഗ്രസിലെ എം.കെ.വിജയന്‍ പിന്നീട് എല്‍ഡിഎഫ് സഖ്യത്തില്‍ നിന്നും പിന്‍മാറിയിരുന്നു. അവിശ്വാസത്തെ എതിര്‍ക്കണമെന്ന് നിര്‍ദേശിച്ച്ുള്ള കോണ്‍ഗ്രസിന്റെ വിപ്പ് മൂന്ന് വിമതരും കൈപ്പറ്റിയിരുന്നില്ല.അവിശുദ്ധ കൂട്ടുകെട്ടാണ് പഞ്ചായത്തില്‍ രൂപപ്പെട്ടിരിക്കുന്നതെന്ന് പുറത്താക്കപ്പെട്ട ജിംസിയ ബിജു പ്രതികരിച്ചു.മുമ്പ് പലതവണ ഭരണം അട്ടിമറിക്കാന്‍ തന്നെ സമീപിച്ചിരുന്നതായും ജിംസിയ വെളിപ്പെടുത്തി.ഭരണം അട്ടിമറിച്ചതിന് പിന്നില്‍ ബാഹ്യശക്തികളാണെന്ന ആരോപണം അവിശ്വാസചര്‍ച്ചയില്‍ ഉന്നയിക്കപ്പെട്ടിരുന്നു.ഇത് അടിസ്ഥാനരഹിതമായ ആരോപണമാണെന്ന് പ്രസിഡന്റ് സിബി മാത്യു വ്യക്തമാക്കി.തെരഞ്ഞെടുപ്പ് കമ്മീഷന്റെ വിജ്ഞാപനപ്രകാരം പിന്നീട് വൈസ് പ്രസിഡന്റ് തെരഞ്ഞെടുപ്പ് നടത്തും.വിമതപക്ഷത്തെ ലിസി ജോളി വൈസ് പ്രസിഡന്റാകാനാണ് സാധ്യത.അതേമസയം കോണ്‍ഗ്രസ് ചിഹ്നത്തില്‍ മത്സരിച്ച് വിജയിച്ചശേഷം പാര്‍ട്ടി വിപ്പ് ലംഘിച്ചത് കണക്കിലെടുത്ത് മൂന്ന് വിമതരേയും അയോഗ്യരാക്കണമെന്ന ആവശ്യപ്പെട്ട് തെരഞ്ഞെടുപ്പ് കമ്മീഷനെ സമീപിക്കാനൊരുങ്ങുകയാണ് കോണ്‍ഗ്രസ് നേതൃത്വം

You May Also Like

NEWS

കോതമംഗലം: കോതമംഗലം നിയമസഭാ മണ്ഡല ശാസ്ത്ര ക്വിസ് സംഘടിപ്പിച്ചു. യുവജനക്ഷേമ ബോർഡും അവളിടം ക്ലബ്ബും ചേർന്ന് യുവജന ങ്ങളിൽ ശാസ്ത്രബോധം, ചരിത്ര ബോധം യുക്തിചിന്ത എന്നിവ വളർത്തുന്നതിനായി സംഘടിപ്പിച്ച ക്വിസ് കോതമംഗലം ഗവ...

NEWS

കോതമംഗലം: കെ.സി.ബി.സി. മദ്യവിരുദ്ധസമിതി, ഗ്രീൻ വിഷന്‍-കേരള, മദ്യവിരുദ്ധ ഏകോപന സമിതി, സജീവം ലഹരിവിരുദ്ധ ക്യാമ്പയിന്‍, എന്നിവയുടെ സംയുക്ത ആഭിമുഖ്യത്തില്‍ സംസ്ഥാന സർക്കാരിൻറെ വികലമായ മദ്യനയത്തിനെതിരെ കോതമംഗലം എക്സൈനസ് ഓഫീസിനു മുന്നിൽ നില്‍പ്പു സമരം...

NEWS

കോതമംഗലം: കുട്ടമ്പുഴ കുഞ്ചിപ്പാറയില്‍ അങ്കണവാടി കെട്ടിടത്തിന് നേരെ കാട്ടാനകൂട്ടത്തിന്റെ ആക്രമണം. നിരവധി സാമഗ്രികള്‍ അടിച്ചുതകര്‍ത്തു. കെട്ടിടത്തിന്റെ വാതിലും ഫര്‍ണീച്ചറും ഗ്യാസ് അടുപ്പും പാത്രങ്ങളുമടക്കം നശിപ്പിച്ചു. അങ്കണവാടി കെട്ടിടം അറ്റകുറ്റപ്പണി നടക്കുന്നതിനാല്‍ സമീപത്തെ മറ്റൊരു...

NEWS

മൂവാറ്റുപുഴ: സംസ്ഥാനത്തെ മികച്ച ഗ്രാമ പഞ്ചായത്ത് അംഗത്തിനുള്ള ജവഹർലാൽ നെഹ്റു കൾച്ചറൽ സൊസൈറ്റി ഏർപ്പെടുത്തിയ ജവഹർ പുരസ്കാരം – 2024 ന് പായിപ്ര ഗ്രാമപഞ്ചായത്ത് അംഗം ഇ എം ഷാജിക്ക് ലഭിച്ചു. തിരുവനന്തപുരത്ത്...