Connect with us

Hi, what are you looking for?

NEWS

തിരക്കേറിയ റോഡില്‍ തീറ്റ തേടി കാട്ടാന

കോതമംഗലം: തിരക്കേറിയ റോഡിന്റെ ഓരത്ത് തീറ്റ തേടിയെത്തി കാട്ടാന. നേര്യമംഗലം-അടിമാലി റോഡില്‍ അഞ്ചാംമൈലിലാണ് റോഡരികില്‍ കാട്ടാന തീറ്റ തേടിയെത്തിയത്. നേര്യമംഗലം-അടിമാലി റോഡിന്റെ ഇരുവശത്തുമുള്ള വനത്തില്‍ കാട്ടാനകളുടെ എണ്ണം അടുത്തകാലത്തായി വര്‍ധിച്ചിട്ടുണ്ട്. ആനകള്‍ റോഡിലിറങ്ങുന്നതും കുറുകെ കടക്കുന്നതും പതിവുമാണ്. ഇപ്പോള്‍ പകല്‍ സമയത്തും ആനകള്‍ റോഡിലിറങ്ങുന്ന സ്ഥിതിയാണുള്ളത്. ഇന്നലെ വൈകിട്ടാണ് അഞ്ചാംമൈല്‍ ഭാഗത്ത് ആന റോഡിലെത്തിയത്.

ഒരു ആന മാത്രമേ ഉണ്ടായിരുന്നുള്ളൂ. വനത്തിലെന്നപോലെ റോഡരികില്‍ പുല്ല് തിന്നുകയായിരുന്ന ആന കൗതുക കാഴ്ചയായി. ഇടതടവില്ലാതെ വാഹനങ്ങള്‍ കടന്നുപോയതൊന്നും ആനയ്ക്ക് പ്രശ്‌നമായില്ല.
വാഹനങ്ങളേയോ മനുഷ്യരേയോ ആക്രമിക്കാനും ശ്രമമുണ്ടായില്ല. റോഡിലും പരിസരത്തും ആനയുടെ സാന്നിധ്യം വര്‍ധിക്കുന്ന സാഹചര്യത്തില്‍ യാത്രക്കാര്‍ കൂടുതല്‍ ജാഗ്രത പുലര്‍ത്തേണ്ടിവരും.

You May Also Like

NEWS

കോതമംഗലം:  പൂയംകുട്ടി ബ്ലാവനയില്‍ റോഡിന് കുറുകെ മരം വീണു.വൈദ്യുതി ലൈനും പോസ്റ്റുകളും തകര്‍ത്താണ് മരം വീണത്.വാഹനഗതാഗതവും തടസ്സപ്പെട്ടിരുന്നു.നാട്ടുകാരും വനപാലകരും ചേര്‍ന്ന് മരം മുറിച്ചുനീക്കി.സമാനരീതിയില്‍ ഏതുസമയത്തും കടപുഴകിവീഴാവുന്ന വിധത്തില്‍ നിരവധി മരങ്ങള്‍ ഈ ഭാഗത്തുണ്ട്.മുറിച്ചുമാറ്റിയില്ലെങ്കില്‍ അപകടങ്ങള്‍ക്ക്...

NEWS

കോതമംഗലം: നിർദ്ധിഷ്ട  തൃക്കാരിയൂര്‍ , നേര്യമംഗലം  പഞ്ചായത്തുകളുടെ രൂപീകരിക്കണം ഇക്കുറിയും യാഥാർത്ഥ്യമാകുവാൻ സാധ്യതയില്ല. തൃക്കാരിയൂര്‍ , നേര്യമംഗലം  പഞ്ചായത്തുകൾ രൂപീകരിക്കണമെന്ന ആവശ്യം ഉയര്‍ന്നുതുടങ്ങിയിട്ട് വര്‍ഷങ്ങളേറെയായതാണ്.ആവശ്യം യാഥാര്‍ത്ഥ്യമാകാന്‍ ഇനിയും കാത്തിരിക്കേണ്ടിവരുമെന്നാണ് ഇപ്പോള്‍ വ്യക്തമാകുന്നത്.തദ്ദേശ സ്വയംഭരണ സ്ഥാപനങ്ങളുടെ...

NEWS

കോതമംഗലം: മോഹൻലാലിന്റെ 64 ജന്മദിനമാണ്‌ 21/05/2024 ഇന്ന് ചൊവ്വാഴ്ച. ഒരുപാട് ഫീച്ചറുകളും അനുഭവങ്ങളും ആണ്‌ അദ്ദേഹത്തേപറ്റി വരുന്നത്. എന്നാൽ ഇന്നു വരെ അറിയാത്ത മോഹൻലാലിന്റെ ജീവിതത്തിലെ കുട്ടിക്കാലം മുതൽ ഉള്ള ചരിത്രം എഴുതുകയാണ്‌...

NEWS

മുൻ പ്രധാനമന്ത്രി രാജീവ്‌ ഗാന്ധിയുടെ രക്ത സാക്ഷിത്വ ദിന ആചരണത്തിന്റെ ഭാഗമായി കോൺഗ്രസ് നേതൃത്വത്തിൽ ദേശീയോദ്ഗ്രഥന സദസ്സ് സംഘടിപ്പിച്ചു. ഇന്ദിരാ ഭവനിൽ നടന്ന സദസ്സിന്റെ ഉൽഘാടനം അഡ്വ : ഡീൻ കുര്യാക്കോസ് എം....