Connect with us

Hi, what are you looking for?

EDITORS CHOICE

കാഴ്ച്ചയുടെ വസന്തം തീർത്ത് കോതമംഗലത്തിന്റെ വയലറ്റ് കുറിഞ്ഞികൾ

കോതമംഗലം : പ്രകൃതിയൊരുക്കുന്ന കാഴ്ച്ച വസന്തം നമ്മുടെ നാട്ടിൻപുറങ്ങളിൽ പതിവാണ്. തൊടികളിലും കൃഷിയിടങ്ങളിലും പതിവായി പൂക്കുന്ന നിരവധി കാട്ടു പൂച്ചെടികൾ നമുക്ക് സ്വന്തമായിട്ടുണ്ട്. ഓണത്തിന്റെ വരവ് അറിയിക്കുന്ന പൂക്കളിൽ നിന്നും വ്യത്യസ്തമായി പൂക്കളുടെ ഉദ്യാനം തീർക്കുന്ന കദളി പൂക്കൾ ആണ് ഇപ്പോൾ നമ്മുടെ നാട്ടിലെ താരം. മജന്ത നിറത്തിൽ നാട്ടിൻപുറങ്ങളിലെ തൊടികളിൽ വർണ്ണ വസന്തം തീർക്കുകയാണ് ഈ ചെടികൾ.

കേരളത്തിലെ കിഴക്കൻ സഹ്യനിരകളിൽ സുലഭമായി കണ്ടു വരുന്ന ഈ ചെടിക്ക് കലദിയെന്നും , മലബാർ മേഖലയിൽ അതിരാണി എന്നും , മധ്യതിരുവിതാംകൂറ് ഭാഗത്ത് കലംപൊട്ടി എന്നുമാണ് അറിയപ്പെടുന്നത്. കലത്തിന്റെ ആകൃതിയിലുള്ള കായ്കൾ പഴുത്തു മൂക്കുമ്പോൾ പൊട്ടിപ്പിളർക്കുന്നതിനാലാണ് ചെടിക്ക് ഈ പേര് ലഭിക്കാനിടയായത്. കോതമംഗലം മേഖലയിലെ ചില റബ്ബർ തോട്ടങ്ങളിൽ കദളിച്ചെടി പൂക്കളുടെ ഉദ്യാനം തീർത്തിരിക്കുകയാണ്. വിലയിടിവ് മൂലം തോട്ടങ്ങളിൽ കാട് വെട്ട് ഉണ്ടാകാത്തതുമൂലമാണ് കദളിച്ചെടികൾ കൂട്ടമായി പൂത്തിരിക്കുന്നത്.

ODIVA

ദൂരക്കാഴ്ചയിൽ മൂന്നാറിലെ നീലക്കുറിഞ്ഞി പൂക്കുന്നതിന്റെ ഒരു ചെറിയ പതിപ്പായി വിശേഷിപ്പിക്കാവുന്നതാണ്. ഒരു വർഷം പല പ്രാവശ്യം പൂക്കും എന്ന പ്രത്യേകതയും കദളിക്കുണ്ട്. വളർച്ചയുടെ ഘട്ടത്തിൽ നശിപ്പിക്കാതെ ചെടികൾ രണ്ട് മീറ്ററോളം ഉയരം വെക്കുന്നതായും, കൈയ്യിലെ വിരലുകളുടെ രൂപഭംഗിയിൽ രോമങ്ങൾ നിറഞ്ഞ രീതിയിൽ തണ്ടുകൾ വളരുന്നു. കദളിയുടെ ശാസ്ത്രീയ നാമമായ Melastoma malabathricum കേരളത്തിലെ മിക്ക പ്രദേശങ്ങളിലും കാണപ്പെടുന്നു. ഇതിന്റെ കായകൾ ഭക്ഷ്യ യോഗ്യമായെതും , കഴിച്ചു കഴിയുമ്പോൾ നാവിന് കറുത്ത നിറം കൈവരുന്നതായും കാണപ്പെടുന്നു.

മേനിഭംഗികൊണ്ടും പൂക്കളുടെ നിറഭംഗികൊണ്ടും നാട്ടിൻപുറങ്ങളിൽ പൂക്കളം തീർക്കുന്ന കദളിച്ചെടി കുട്ടമ്പുഴ , പൂയംകുട്ടി, തട്ടേക്കാട് വനമേഖലകളിലെ സജീവസാനിധ്യമാണെന്ന് തട്ടേക്കാട് പക്ഷി സങ്കേതത്തിലെ വനംവകുപ്പ് ഉദ്യോഗസ്ഥനായ ഷിബു ദാസ് പറയുന്നു. അഞ്ചു ഇതളുകളുമായി പ്രസന്നമായി വിരിയുന്ന പൂക്കൾ പറിച്ചു പഞ്ചസാരയോ തെങ്ങിൻ ശർക്കരയോ ചേർത്ത് സിറപ്പ് ഉണ്ടാക്കി കഴിച്ചാൽ പൈൽസ്, വേരിക്കോസ് തുടങ്ങിയ അസുഖങ്ങൾക്ക് ശമനം ലഭിക്കുമെന്ന് പറയപ്പെടുന്നതായി അദ്ദേഹം വെളിപ്പെടുത്തുന്നു.

നഗര പ്രദേശങ്ങളിൽ ചെടികൾ ചട്ടികളിലാക്കി വിൽപ്പനക്ക് വെച്ചിരിക്കുന്നതായും ഷിബു ദാസ് പറയുന്നു. അങ്ങനെ വിപണി മൂല്യമുള്ള ചെടിയാണ് നമ്മുടെ നാട്ടിപുറങ്ങളിൽ വർണ്ണ വസന്തം തീർക്കുന്നത് എന്ന വസ്തുത നമ്മൾ വിസ്മരിക്കരുത്.

You May Also Like

NEWS

കോതമംഗലം : സുവർണരേഖ കലാ – സാഹിത്യ – സാംസ്കാരിക സംഘടനയും, മെൻ്റർ അക്കാദമിയും സംയുക്തമായി സംഘടിപ്പിച്ച പ്രഥമ സാംസ്കാരിക മാസിക പ്രോഗ്രാം മെൻ്റർ അക്കാദമി ഹാളിൽ ആശ ലില്ലി തോമസ് ഉദ്ഘാടനം...

NEWS

കോതമംഗലം: പെരിയാര്‍വാലി കനാലിലേക്ക് കടപുഴകി വീണ തണല്‍മരം മുറിച്ചുനീക്കാന്‍ ആഴ്ചകള്‍ പിന്നിട്ടിട്ടും നടപടിയില്ല. കീരംപാറ – ഭൂതത്താന്‍കെട്ട് റോഡിന്റെ ഓരത്തുനിന്നിരുന്ന തണല്‍മരം മൂന്നാഴ്ച മുന്പാണ് പെരിയാര്‍വാലി കനാലിലേക്ക് കടപുഴകി വീണത്. പാലത്തിന്റെയും റോഡിന്റെയും...

NEWS

പെരുമ്പാവൂര്‍: വേങ്ങൂര്‍ പഞ്ചായത്തില്‍ കൊച്ചുപുരക്കല്‍ ഭാഗത്ത് കാട്ടാനയെ ഷോക്കേറ്റ് ചെരിഞ്ഞ നിലയില്‍ കണ്ടെത്തി. പ്രദേശത്ത് ശനിയാഴ്ച ആന കൂട്ടത്തോടെയിറങ്ങിയിരുന്നു. ഇവയിലൊന്നിനെയാണ് ഇന്നലെ വൈകിട്ട് അഞ്ചോടെ കൊച്ചുപുരക്കല്‍ വളരിയില്‍ ഫ്രാന്‍സീസിന്റെ തോട്ടത്തില്‍ ചെരിഞ്ഞ നിലയില്‍...

NEWS

കോതമംഗലം : കോതമംഗലം സുമംഗല ഫിലിം സൊസൈറ്റിയുടെ ഏകദിന ചലച്ചിത്രമേള പൊതുമരാമത്ത് വകുപ്പ് റസ്റ്റ്‌ ഹൗസ് ഹാളിൽ സംസ്ഥാന ചലച്ചിത്ര അവാർഡ് ജേതാവും പ്രശസ്ത ക്യാമറമാനുമായ മനേഷ് മാധവൻ ഉദ്ഘാടനം നിർവഹിച്ചു ....