കോതമംഗലം :- സ്വർണക്കടത്തു കേസിൽ എൻഫോഴ്‌സ്‌മെൻറ് ഡയറക്ടറേറ്റ് ചോദ്യം ചെയ്ത ഉന്നത വിദ്യാഭ്യാസ വകുപ്പ്‌ മന്ത്രി കെ ടി ജലീൽ രാജിവെക്കണമെന്നാവശ്യപ്പെട്ട് യൂത്ത് കോൺഗ്രസ് കോതമംഗലം നിയോജകമണ്ഡലം കമ്മറ്റി മന്ത്രിയുടെ കോലം കത്തിച്ചു പ്രതിഷേധിച്ചു . നിയോജക മണ്ഡലം പ്രസിഡന്റ് ടിഎം അമീൻ അധ്യക്ഷനായി.ഡി സി സി ജനറൽ സെക്രട്ടറി എ ജി ജോർജ് പ്രിതിഷേധം ഉത്‌ഘാടനം ചെയ്തു . വിശുദ്ധ ഖുർആൻ പോലും അഴിമതിക്ക് മറയാക്കിയ കെ റ്റി ജലീൽ കേരളത്തിന് അപമാനമാണെന്നു ഉത്‌ഘാടനം ചെയ്തു കൊണ്ട് എ ജി ജോർജ് പറഞ്ഞു .
ഷമീർ പനക്കൽ ,നവാസ് പഴേരിയിൽ ,അനൂപ് ജോർജ് ,അനൂപ് കാസ്സിം ,പി റ്റി ഷിബി ,അനൂപ് ഇട്ടൻ ,അഖിൽ ആന്റണി , വാഹിദ് പാനിപ്ര ,അരുൺ അയ്യപ്പൻ ,മുജ്‌തബ് മുഹമ്മദ് ,ആഷിക് കരീം ,രാഹുൽ കെ ആർ ,തുടങ്ങിയവർ പ്രസംഗിച്ചു . അബ്ദുള്ള മേള സ്വാഗതം പറഞ്ഞു . എബിൻസ് വർഗീസ് നന്ദി പറഞ്ഞു.
