കോതമംഗലം : തദ്ദേശ സ്വയം ഭരണ തെരഞ്ഞെടുപ്പിൽ എറണാകുളം ജില്ലാ പഞ്ചായത്ത് നേര്യമംഗലം ഡിവിഷനിൽ എൽ.ഡി.എഫ്. സ്വതത്ര സ്ഥാനാർഥിയായി മത്സരിച്ച കെ. കെ. ദാനിക്ക് തിളക്കമാർന്ന വിജയം. കീരംപാറ സഹകരണ ബാങ്കിൽ ദീർഘകാലം പ്രസിഡന്റ് ആയും യാക്കോബായ സഭയുടെ സന്തത സഹചാരിയായുമുള്ള പ്രദേശത്തുടനീളമുള്ള സൗഹൃദവലയവും ഒക്കെ വോട്ടായി മാറി . ജനാധിപത്യ കേരള കോൺഗ്രസ്‌ സംസ്ഥാന സെക്രട്ടറിയേറ്റ് അംഗമായ ദാനി കോതമംഗലം ബ്ലോക്ക്‌ പഞ്ചായത്തിന്റെ കീരംപാറ ഡിവിഷൻ മെമ്പറായാണ് ആദ്യം ജനപ്രതിനിധി ആകുന്നത്.
2005ൽ കീരംപാറ പഞ്ചായത്ത് പ്രസിഡന്റും ആയി. 2002 മുതൽ കീരംപാറ സർവീസ് സഹകരണ ബാങ്കിന്റെ പ്രസിഡന്റ് ആണ്. കോതമംഗലം എം എ. കോളേജ് അസോസിയേഷൻ എക്സിക്യൂട്ടീവ് അംഗം, ഫാർമേഴ്‌സ് ക്ലബ്‌ കളുടെ ഫെഡറേഷൻ ജില്ലാ പ്രസിഡന്റ് എന്നീ നിലകളിലും സേവനം ചെയ്യുന്നു. മികച്ചൊരു കർഷകൻ കൂടിയായ ദാനിയുടെ വിജയം നേര്യമംഗലം ഡിവിഷന് ഗുണകരമാകും എന്ന് പ്രതീക്ഷിക്കാം.
