Connect with us

Hi, what are you looking for?

NEWS

കുടിവെള്ള പദ്ധതികൾക്കും സൗജന്യ കണക്ഷനുകൾക്കുമായി 163.69 കോടി ചിലവഴിക്കും- ഡീൻ കുര്യാക്കോസ് എംപി

കോതമംഗലം/മൂവാറ്റുപുഴ: 2024-ഓടെ രാജ്യത്തെ എല്ലാ കുടുംബങ്ങൾക്കും ഗാർഹിക കുടിവെള്ള കണക്ഷൻ ലഭ്യമാക്കാൻ വേണ്ടി കേന്ദ്ര ഗവൺമെൻറ് ആവിഷ്കരിച്ചിരിക്കുന്ന പദ്ധതിയാണ് ജലജീവൻ മിഷനിലൂടെ ഇടുക്കി പാർലമെൻറ് മണ്ഡലത്തിലേ മൂവാറ്റുപുഴ, കോതമംഗലം നിയോജക മണ്ഡലങ്ങളിൽ എല്ലാ ഗ്രാമപഞ്ചായത്തുകളിലുമായി 163.69 കോടി യുടെ വിപുലമായ പദ്ധതികൾ നടപ്പിലാക്കുമെന്ന് ഡീൻ കുര്യാക്കോസ് എംപി പറഞ്ഞു. കീരംപാറ, ആരക്കുഴ, പാലക്കുഴ പഞ്ചായത്തുകളിൽ 58.38 കോടി രൂപയുടെ കുടിവെള്ള പദ്ധതികൾ നടപ്പിൽ വരുത്തും. കീരംപാറ പഞ്ചായത്തിൽ, 25.19 കോടിയുടെയും, ആരക്കുഴ പഞ്ചായത്തിൽ 15.55 കോടിയുടെയും, പാലക്കുഴ പഞ്ചായത്തിൽ 17.64 കോടിയുടെയും പ്രത്യേക കുടിവെള്ള പദ്ധതികളാണ് നടപ്പിലാക്കുന്നത്. കീരംമ്പാറ, ആരക്കുഴ, പാലക്കുഴ പഞ്ചായത്തുകളിലേക്ക് 2009-2014 കാലഘട്ടത്തിൽ കേന്ദ്രസ സർക്കാർ ഫണ്ട് അനുവദിച്ചിരുന്നതും എൻ.ആർ.ഡി.ഡബ്ലിയു.പി.യുടെ അനുമതി ലഭിച്ചിരുന്നുവെങ്കിലും ടെൻഡർ നടപടികളായതുമാണ്. എന്നാൽ ഈ പദ്ധതി നടപ്പിലാക്കാതെ വരികയും ഇപ്പോൾ ജലജീവൻ മിഷനിൽ ഉൾപ്പെടുത്തിയിട്ടുള്ളതുമാണ്.

2024 ടെ മൂവാറ്റുപുഴ സബ് വിഷന് കീഴിൽ എല്ലാ ഗ്രാമപഞ്ചായത്തുകളിലേക്കും 18983 ഗാർഹിക കണക്ഷനുകൾ നൽകുവാനാണ് ലക്ഷ്യമിടുന്നത് .നടപ്പ് വർഷം ആകെ 7240 പുതിയ കണക്ഷനുകൾ നൽകും. എല്ലാവർക്കും ശുദ്ധജലം ലഭ്യമാക്കുക എന്ന ഈ പദ്ധതിയിൽ ആകെ തുകയുടെ 10% ഗുണഭോക്തൃ വിഹിതമായി 1.60 കോടി രൂപയും 15% തദ്ദേശസ്ഥാപന വിഹിതമായി 2.39 കോടി രൂപയും 30% സംസ്ഥാന സർക്കാർ വിഹിതമായി 4.79 കോടി രൂപയും കേന്ദ്രസർക്കാർ വിഹിതമായ 7.19 കോടി രൂപയുമാണ് പദ്ധതി വിഹിതമായും സമാഹരിക്കും. ആരക്കുഴ പഞ്ചായത്ത് (124 ലക്ഷം), ആവോലി (185 ലക്ഷം), ആയവന(84ലക്ഷം), കല്ലൂർക്കാട്(55 ലക്ഷം), മഞ്ഞള്ളൂർ (544 ലക്ഷം), മാറാടി (79 ലക്ഷം), പായിപ്രാ(273 ലക്ഷം), വാളകം(129 ലക്ഷം), പാലക്കുഴ(126 ലക്ഷം) എന്നിങ്ങനെയാണ് പുതിയ കണക്ഷനുകൾക്കായി ചിലവഴിക്കുന്നത്. സന്നദ്ധ സംഘടനകളിൽ നിന്നും സി.എസ്.ആർ ഫണ്ടിൽ നിന്നും സംഭാവനകൾ സ്വീകരിച്ചും ഈ പദ്ധതി നടപ്പിലാക്കും. ജനകീയ പങ്കാളിത്തത്തോടെ നടപ്പിലാക്കുന്ന പദ്ധതിയിൽ എല്ലാ ജനങ്ങൾക്കും ശുദ്ധമായ കുടിവെള്ളം വീടുകളിൽ എത്തിക്കുന്നതിന് കഴിയും.

കോതമംഗലം സബ് ഡിവിഷന് കീഴിൽ കോതമംഗലം നിയോജകമണ്ഡലത്തിലെ 10 പഞ്ചായത്തുകളിലായി ഈ വർഷം 9712 കണക്ഷനുകൾ നൽകും. 2024 ടെ കോതമംഗലം സബ് ഡിവിഷനിൽ 28244 കണക്ഷനുകൾ നൽകുന്നതിനാണ് ലക്ഷ്യമിടുന്നത്. കവളങ്ങാട് (1370 ലക്ഷം), കീരമ്പാറ (302 ലക്ഷം), കോട്ടപ്പടി (400 ലക്ഷം), കുട്ടമ്പുഴ (740 ലക്ഷം), നെല്ലിക്കുഴി (820 ലക്ഷം), പൈങ്ങോട്ടൂർ (290 ലക്ഷം), പല്ലാരിമംഗലം(380 ലക്ഷം), പിണ്ടിമന(3350), പോത്താനികാട് (590 ലക്ഷം), വാരപ്പെട്ടി (690 ലക്ഷം) എന്നിങ്ങനെ ആകെ 89.32 കോടി രൂപ ചിലവഴിക്കുമെന്നും എംപി അറിയിച്ചു.

You May Also Like

NEWS

കോതമംഗലം: പുന്നേക്കാട് ഗവ എൽപി സ്കൂളിന്റെ 51-)മത് വാർഷികാ ഘോഷവും ,അധ്യാപക രക്ഷാകർതൃ ദിനവും, പൂർവ്വ വിദ്യാർത്ഥി സമ്മേളനവും, കിച്ചൺ കം സ്റ്റോർ ഉദ്ഘാടനവും ആന്റണി ജോൺ എം എൽ എ നിർവഹിച്ചു....

NEWS

കോതമംഗലം : കവളങ്ങാട് പഞ്ചായത്തിൽ 34.50 കോടി രൂപയുടെ ഗ്രാമീണ ഭവന കുടിവെള്ള പദ്ധതിയുടെ നിർമ്മാണോദ്ഘാടനം കവളങ്ങാട് സർവീസ് സഹകരണ ബാങ്ക് ഓഡിറ്റോറിയത്തിൽ വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ നിർവ്വഹിച്ചു....

NEWS

കോതമംഗലം : കീരംപാറ പഞ്ചായത്തിൽ 26 കോടി രൂപയുടെ ഗ്രാമീണ ഭവന കുടിവെള്ള പദ്ധതിയുടെ നിർമ്മാണോദ്ഘാടനം വെളിയച്ചാൽ സെന്റ് ജോസഫ് ചർച്ച് ഫെറോന ഓഡിറ്റോറിയത്തിൽ വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

പെരുമ്പാവൂർ: ആലുവ – മൂന്നാർ റോഡിൻ്റെ നവീകരണ പ്രവർത്തനങ്ങളിൽ സ്ഥലം വിട്ടു നൽകുന്ന ഭൂ ഉടമകളുടെ ആശങ്കകൾ പരിഹരിക്കാനുള്ള നടപടികൾ സ്വീകരിക്കണമെന്ന്പൊതുമരാമത്ത് വകുപ്പ് മന്ത്രിയോടും ജില്ലാ കളക്ടറോടും എംഎൽഎ ആവശ്യപ്പെട്ടു .ആലുവ –...