കോതമംഗലം:വാരപ്പെട്ടി ക്ഷീരോൽപ്പാദന സംഘത്തിൽ നിന്നും രീതികരിച്ച പാൽ നേരിട്ടു മിൽമയിൽ എത്തിക്കുന്ന ശീതികരണ പ്ലാൻ്റ് ഉത്ഘാടനം ചെയ്തു. വാരപ്പെട്ടി ക്ഷീരോൽപ്പാദന സംഘത്തിൻ്റെ സ്വന്തം കെട്ടിടത്തിൽ ആരംഭിച്ചിട്ടുള്ള ശീതികരണ പ്ലാൻ്റിൻ്റെ ഉത്ഘാടനവും പരിസ്ഥിതി ദിനാചരവും
മിൽമ എറണാകുളം യൂണിയൻ ചെയർമാൻ എം റ്റി ജയൻ ഉത്ഘാടനം ചെയ്തു.മിൽമ ഡയറക്ടർ ബോർഡ് അംഗം പി എസ് നജീബ് അധ്യക്ഷത വഹിച്ചു.ചടങ്ങിൽ വാരപ്പെട്ടി പഞ്ചായത്ത് പ്രസിഡൻ്റ് പി.കെ. ചന്ദ്രശേഖരൻ നായർ പരിസ്ഥിതി സന്ദേശം നൽകി.
മിൽമ എറണാകുളം യൂണിയൻ മുൻ ചെയർമാൻ ജോൺ തെരുവത്ത് മുഖ്യ പ്രഭാഷണം നടത്തി.പഞ്ചായത്ത് വൈ. പ്രസിഡൻ്റ് ബിന്ദു ശശി, പഞ്ചായത്ത് അംഗം കെ കെ ഹുസൈൻ, ഇളങ്ങവം
അപ്ക്കോസ് പ്രസിഡൻ്റ് നോബി എ കൊറ്റം, മേരി തോമസ് തുടങ്ങിയവർ സംസാരിച്ചു.പരിസ്ഥിതി ദിനത്തോട് അനുബന്ധിച്ച് ഷീര കർഷകർക്ക് ഫലവൃക്ഷതൈകളും വിതരണം ചെയ്തു.
